Qazaqstanda tsıfrlyq maınıng boıynsha qandaı sharalar júrgiziledi
«Quziretti organdardan qurylǵan mobıldi toptardyń revolverlik tekserý júıesi engiziledi. «sur maınerlerdi» anyqtaý úshin uıymdardyń tizimi jasalyp, tutynylatyn elektr energııasynyń tarıhı derekteri qurylady jáne salyqtyq, kedendik tekserýlerdiń naqty algorıtmi qoldanylatyn bolady. Sondaı-aq ІR-adresterge shekteý qoıý arqyly sur maınerlerdiń is-áreketine tyıym salý tetikteri pysyqtalýda», - dedi Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın.
Odan bólek «sur maınerlerdiń» múlkin tárkileýdi zańnamada qarastyrý máselesi talqylanatyn bolady. Atalǵan sharalar Ulttyq qaýipsizdik komıteti, Energetıka jáne Qarjy mınıstrlikterimen birlesip qabyldanady. Bul rette naryqty retteý maqsatynda, tsıfrlyq maınıngti lıtsenzııalaý engiziledi. Basty talap – tehnıkalyq talaptarǵa sáıkes bolý kerek, ıaǵnı qajetti jabdyqtardyń, órt qaýipsizdigi boıynsha tıisti bólmeniń jáne mindettemelerdiń bolýy shart.
Sonymen qatar arnaıy tarıf pen elektr energııasyn kvotalaý júıesi engiziledi. Al «aq maınerlerge» ESG talaptaryn saqtaý turǵysynan tıisti mindettemeler qoıylatyn bolady.
«Qazaqstanda halyqaralyq standarttarǵa saı krıptoındýstrııa salasyn damytý úshin tıisti ekojúıeni qurý baǵytynda elimizde krıptobırjalardy qurý, krıptobırja qatysýshylary úshin banktik qyzmet kórsetýdi iske qosý (Astana halyqaralyq qarjy ortalyǵy) jáne maınıngtik pýldardy qurý sharalary qolǵa alynady. Usynylǵan is-sharalar naryqta naqty jáne aıqyn erejelerdi ornatýǵa, elektr qýatyn shamadan tys shyǵyndamaýǵa jáne jasyryn jumys istep jatqan maınıngtik fermalardy «sur aımaqtan» shyǵarýǵa oń áserin tıgizedi», - deıdi mınıstr Baǵdat Mýsın.
Sondaı-aq azamattarǵa turǵyn úıdi jaldaý jáne shyǵyndar bóligin óteýge arnalǵan tsıfrlyq platforma týraly aıtyldy. Bul oraıda «Otbasy bank» platformasy negizinde elektrondyq tsıfrlyq qoltańba arqyly ótinish berý úshin jáne ótinish berýshiniń baǵdarlama talaptaryna sáıkestigin avtomatty túrde tekserý protsesi uıymdastyryldy.
Ótinish berýshiniń derekteri Tsıfrlyq damý, Ádilet, Qarjy, Bilim jáne ǵylym, Eńbek jáne halyqty áleýmettik qorǵaý mınıstrlikteri, «Azamattarǵa arnalǵan úkimet» memlekettik bazalarymen ıntegratsııalaý arqyly tekseriledi. Kelisimsharttar «Blockchain» tehnologııasy negizinde jasalady jáne memlekettik organdarynyń derekter bazasynda onlaın tirkelý múmkindigi kózdelgen. Otbasy bank tarapynan Smart Bridge arqyly tıisti ótinim berilgen.
