Qazaqstanda Canva servısi ýaqytsha buǵattaldy
ASTANA. KAZINFORM – Qazaqstanda Canva servısi ýaqytsha qoljetimsiz boldy. Onyń sebebin quzyrly organdardan suraǵan edik.
«Canva servısiniń qyzmetine Іshki ister mınıstrliginiń nusqaýy boıynsha tyıym salyndy. Tekserýden keıin zań buzýshylyqtar joıyldy. Jaqyn arada buǵattan shyǵarylady», - delingen Mádenıet jáne aqparat mınıstrliginiń málimdemesinde.
Al Canva servısiniń jelidegi resmı paraqshasynda máseleniń sheshilgeni aıtylǵan.
«Másele sheshildi. Qolaısyzdyq úshin keshirim suraımyz. Keshti, cookie faıldaryn jáne braýzerdi tazalap, sodan keıin qaıta jańartyp kórińiz. Sondaı-aq, bizdiń platformaǵa basqa braýzerdiń kómegimen kirýge bolady. Barlyǵy ornyna keldi dep úmittenemiz», - degen pikir qaldyrǵan Instagram paraqshasynda.
Sondaı-aq, atalǵan servıs qyzmetin buǵattaý sebebin anyqtaý maqsatynda Іshki ister mınıstrligine saýal joldadyq.
