Qazaqstanda buqtyrylǵan et baǵasy kúrt qymbattady

Qazaqstanda et konservileriniń óndirisi 4%-ǵa tómendep, 2023 jyldyń qańtar-tamyz aılarynda 4,6 mln dana boldy. Kazinform agenttigi bul týraly Energyprom-ǵa silteme jasap habarlaıdy.

Bul rette buzaý jáne sıyr etinen jasalǵan konserviler óndirý 47,5%-ǵa, 1,1 myń tonnaǵa deıin ósti. Kókónis konservileriniń óndirisi de azdap artqan, biraq tek 2,6%-ǵa, 2023 jyldyń qańtar-tamyz aılarynda 4,6 myń tonnany qurady.

Kókónis konservileri men buzaý jáne sıyr etinen jasalǵan et jáne kókónis konservileri óndirisiniń artýy ekinshi jyl qatarynan baıqalady. «Koronavırýs daǵdarysy» kezeńimen salystyrǵanda, kókónis konservilerin óndirý birden 28,8%-ǵa, et – 9,3%-ǵa qysqardy, al buzaý jáne sıyr etinen jasalǵan et jáne kókónis konservilerin óndirý 31,2%-ǵa ósti.

2023 jyldyń qyrkúıek aıynyń sońynda buqtyrylǵan et konservileriniń baǵasy aıyna 0,7%-ǵa ósti. Salystyrý úshin: bir jyl buryn baǵanyń birden 3,4%-ǵa ósýi baıqalǵan. Aǵymdaǵy jyly et konservileri baǵasynyń aı saıynǵy aıtarlyqtaı ósýi maýsym aıynda baıqaldy, ol kezde baǵa 1,6%-ǵa qymbattady.

Bir jyl ishinde et konservileri 15,9%-ǵa qymbattady, ótken jyly bul kórsetkish 30%-dy quraǵan.
Buqtyrylǵan et konservileri bir jylda Qazaqstannyń barlyq aımaqtarynda qymbattady. Baǵanyń aıtarlyqtaı ósýi Shymkentte baıqaldy. Odan keıin Batys Qazaqstan jáne Jetisý oblystary tur: sáıkesinshe 26,9% jáne 26,2%. Buqtyrylǵan et baǵasy eń az Atyraý (0,3 %) jáne Aqtóbe oblystarynda (0,5 %) ósti.