Qazaqstanda birneshe jańa jol belgisi bekitildi
ASTANA. KAZINFORM – 1 mamyrdan bastap QR ST 1412-2017 «Jol qozǵalysyn retteýdiń tehnıkalyq quraldary» ulttyq standartyna ózgerister men tolyqtyrýlary qoldanysqa enedi.
«QR ІІM Ákimshilik polıtsııa komıteti men QR SIM TRMK Qazaqstan standarttaý jáne metrologııa ınstıtýty ázirlegen osy ózgerister joldardaǵy qaýipsizdikti arttyrýǵa jáne jol qozǵalysynyń barlyq qatysýshylaryna qolaılylyqty qamtamasyz etýge baǵyttalǵan», — delingen habarlamada.
Atalmysh ózgeristiń negizgi jańalyǵy:
1. Mindetti aıyrym belgisi: gıbrıdti qospaǵanda, barlyq elektromobılder qoldanýǵa tıis «Elektromobıl» belgisi.
2. Jańa jol belgilerin engizý:
— Jaıaý júrginshilerdiń qaýipsizdigin qamtamasyz etý jáne múmkin bolatyn avarııalyq jaǵdaılardyń aldyn alý úshin trotýarlarǵa ornatý josparlanǵan «Elektr samokattarda júrýge tyıym salynady»;
— «Dıagonaldy jaıaý júrginshiler ótkeli»;
— «Qarama-qarsy júris bóligine qaıta aýysý»;
— «Qarama-qarsy júris bóliginiń sońy».
Múgedektigi bar jáne tirek-qımyl apparaty buzylǵan adamdar úshin, sondaı-aq osyndaı adamdardy tasymaldaıtyndar úshin jol ınfraqurylymynyń qoljetimdiligi kózdelgenin erekshe atap ótkim keledi.
Osy belgilerdiń keıbiri Almaty jáne Astana qalalarynda testilik rejımde engizilgen jáne óz tıimdiligin kórsetti.
