Qazaqstanda bir jyl ishinde elektromobıl sany 10 ese artty

Bıyl 1 tamyzdaǵy derek boıynsha, elde 4,4 mln jeńil avtokólik tirkelgen. Bul kórsetkish byltyrǵy jylmen salystyrǵanda 15% kóp. QazAqparat bul týraly Energyprom-ǵa silteme jasap habarlaıdy.

Eldegi kóliktiń kóp bóligi - 3,9 mln mashına janarmaımen jumys isteıdi.

Tirkelgen elektromobıl sany birden 10,4 ese, janarmaımen júretin kólik - 14,9%, dızel otynymen - 12,2%, gaz-ballon otynymen júretini 38,2% artqan.

Al aralas tıpti kólik sany 19,3% kóbeıdi.

Jalpy Qazaqstandaǵy elektromobıl úlesi avtokólik parkiniń 0.11%-in ǵana quraıdy.

Degenmen byltyrǵy jyldyń osy kezeńinde kórsetkish tirkelgen jeńil kóliktiń 0,01%-ne ǵana jetetin.

Óńirler boıynsha eń kóp elektromobıl Almaty qalasynda tirkeldi - 2,8 myń.

Ekinshi jáne úshinshi orynda Astana (550 elektromobıl) men Almaty oblysy (208 avto) tur.

Elektrqozǵaltqyshy bar avtokólik Abaı oblysynda eń az bolyp shyqty - 8.

Odan keıin 14 kólikpen Soltústik Qazaqstan oblysy men 21 avtokóligi bar Jetisý oblysy ornalasqan.