Qazaqstanda bir aıda jyldyq ınflıatsııa 0,7%-ǵa ósken
Ulttyq bank maýsym aıyndaǵy ınflıatsııalyq kórsketkishter týraly aqparat jarııalady. Ol boıynsha, maýsymda ınflıatsııa 1,1% bolǵan. Mamyr aıynda bul kórsetkish 0,7% bolǵan edi. Azyq-túlik taýarlarynyń baǵasy bir aıda 1,7%-ǵa (mamyrda – 0,8%), azyq-túlikke jatpaıtyn taýarlardyń baǵasy 0,8%-ǵa (mamyrda – 0,6%), qyzmetter aqysy 0,7%-ǵa ósken (mamyrda – 0,7%).
«Jyldyq ınflıatsııa 7,9% qurady (mamyrda – 7,2%). Óńirler boıynsha aılyq ınflıatsııanyń jedeldeýi 14 óńirde, baıaýlaýy 2 óńirde baıqalyp, 1 óńirde baǵanyń ósý qarqyny ózgerissiz qaldy. Mańǵystaý oblysynda baǵanyń ósý qarqyny ózgerissiz qaldy (1,0%), al Jambyl jáne Túrkistan oblystarynda 0,8% jáne 0,9%-ǵa deıin baıaýlady. Maýsym aıynda ınflıatsııanyń eń joǵary ulǵaıýy Shyǵys Qazaqstan (1,5%), Atyraý (1,5%) jáne Soltústik Qazaqstan (1,4%), oblystarynda oryn aldy. Jyldyq ınflıatsııa 9 óńirde jalpy respýblıkalyq deńgeıden joǵary boldy», - dep jazylǵan Ulttyq bank dereginde.
Ásirese Almaty qalasy men Almaty oblysynyń tutyný abǵasynyń ındeksiniń ósýine qosyp otyrǵan úlesi eleýli bolyp tur. Bul óńirlerde baǵanyń ósýi 7,4% jáne 7,7% bolǵan.
Byltyrǵy jyldyń maýsym aıymen salystyrǵanda elde azyq-túlik taýarlary 10,6%-ǵa qymbattaǵan.
«Eń tómengi ósý Nur-Sultan qalasynda (8,6%), eń joǵary ósý – Qaraǵandy (12,3%), Atyraý jáne Shyǵys Qazaqstan (11,8% dan) oblystarynda baıqaldy. El boıynsha azyq-túlikke jatpaıtyn taýarlardyń baǵasy 6,9%-ǵa ósti. Azyq-túlikke jatpaıtyn taýarlar baǵasynyń eń joǵary ósýi Nur-Sultan qalasynda (7,7%), eń tómen ósýi – Pavlodar jáne Jambyl oblystarynda tirkeldi (sáıkesinshe, 5,9% jáne 6,2%). Elimizde aqyly qyzmetter 5,6%-ǵa (mamyrda 5,1%-ǵa) qymbattady, Aqtóbe oblysynda baǵanyń ósýi 8,8% qurady, Qaraǵandy oblysynda aqyly qyzmetter baǵasy aıtarlyqtaı tómen qarqynmen ósti (4,5%)», - delingen Ulttyq bank málimetinde.