Qazaqstanda bazalyq zeınetaqy kólemi 16 paıyzǵa deıin artady
«2018 jyldyń 1 qańtarynan jańa ádistememen eseptelinetin eń tómengi kúnkóris deńgeıiniń ózgerýine baılanysty múgedektikke, asyraýshysynan aıyrylýyna baılanysty beriletin járdemaqy men bazalyq zeınetaqynyń mólsheri 16 paıyzǵa deıin artatyn bolady», - dedi ol.
Tamara Dúısenova óz sózinde Memleket basshysy mınıstrlik aldyna 2017-2018 jyldary azamattardyń áleýmettik qamsyzdaný deńgeıin kezeń-kezeńimen arttyrý jónindegi mindet júktegendigin de basa aıtty.
Mınıstrdiń túsindirýinshe, bazalyq zeınetaqy 2018 jyldyń 1 shildesinen ósetin bolady. Bul bazalyq zeınetaqy taǵaıyndaý ádistemesiniń ózgerýine baılanysty. Jańa ádisterge sáıkes zeınetaqy 1998 jylǵa deıingi eńbek ótili kiretin zeınetaqy júıesine qatysý ótili men 1998 jyldan keıingi jınaqtaýshy zenıtaqy júıesine zeınetaqy salymdarynyń túsý kezeńine baılanysty belgilenedi. Bul maqsatqa respýbılkalyq bıýdjetten kelesi jyldyń ekinshi jartyjyldyǵynda 147 mlrd. teńge qarastyrylyp otyr.
Sonymen qatar onyń aıtýynsha, birinshi kezeńde, 2017 jyldyń 1 shildesinen bastap jyl basyndaǵy 9 paıyzdyq ósimdi esepke alǵanda yntymaqty zeınatyq kólemi 11 paıyzǵa, bazalyq zeınetaqy kólemi jyl basyndaǵy 7 paıyzdyq ósimdi esepke alǵanda 13 paıyzǵa artatyn bolady.
«Nátıjesinde biz 2017 jyldyń 1 shildesinde zeınetaqy kólemin 2016 jylǵy zeınetaqy kólemimen salystyrǵanda 20 paıyzǵa deıin arttyrýdy qamtamasyz etemiz. Bul ósim barlyq zeınetkerge nemese 2 mıllıonnan bastam adamǵa qatysty. Bıýdjetti naqtylaý barysynda bul maqsatqa shamamen 80 mlrd. teńge qarastyrylǵan», - dedi Dúısenova.