Qazaqstanda balalardyń quqyǵyn qorǵaıtyn bólek basqarma quryldy
ASTANA. KAZINFORM — 2025 jylǵy 5 mamyrdaǵy Úkimet basshysynyń qaýlysymen jergilikti memlekettik basqarýdyń bazalyq qurylymyna ózgerister engizildi.
«Qazaqstan Respýblıkasynyń jergilikti memlekettik basqarý bazalyq qurylymyn bekitý týraly jáne Úkimettiń keıbir sheshimderiniń kúshi joıyldy dep taný týraly» Úkimettiń 2013 jylǵy 18 maýsymdaǵy № 608 qaýlynyń «oblystyń, respýblıkalyq mańyzy bar qalanyń, astananyń ákimdigi» degen bólimi 27-tarmaqpen tolyqtyryldy.
— Balalardyń quqyǵyn qorǵaý basqarmasy, sondaı-aq oǵan esep beretin jáne onyń baqylaýynda bolatyn, aýdandarda, oblystyq mańyzy bar qalalarda, respýblıkalyq mańyzy bar qalalarda, astanada ornalasatyn balalardyń quqyqtaryn qorǵaý bólimderi, — delingen qujattyń mátininde.
Taıaýda Memlekettik keńesshi Erlan Qarın balalardyń qaýipsizdigin qamtamasyz etý, kámeletke tolmaǵandarǵa qatysty quqyq buzýshylyqtyń aldyn alý máselesine arnalǵan jıyn ótkizdi. Memlekettik keńesshi balalar men jasóspirimderdiń qaýipsizdigine aımaq basshylyǵy basa mán berip, bul isti turaqty baqylaýǵa alýy qajet ekenine nazar aýdardy.