Qazaqstanda aıaq kıimdi mindetti tsıfrlyq tańbalaý 2021 jylǵy 1 qarashadan bastalady

NUR-SULTAN. QazAqparat - Qazaqstanda aıaq kıimdi mindetti tsıfrlyq tańbalaý 2021 jylǵy 1 qarashadan engiziletin bolady, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

ıAǵnı osy ýaqyttan bastap tańbalanbaǵan aıaq kıimniń óndirisine jáne onyń QR aýmaǵyna ákelinýine tyıym salynady. Al bólshek saýda bıznesinde tańbalanbaǵan taýarlardyń qaldyqtaryn satý úshin 2022 jyldyń 1 qarashasyna deıin qosymsha merzim bar.

Jańa erejeler boıynsha jumys isteý úshin óndirýshiler men ımporttaýshylar tańbalaý júıesinde (markirovka.kz) tirkelý kerek. Tańbalaý kodtaryn shyǵarý úshin júıege óndiriletin jáne ımporttalatyn ónim týraly aqparatty engizý qajet. Osyndaı bir kodtyń quny 2,68 teńgeni quraıdy.

«Qazirgi ýaqytta aıaq kıim taýarlarynyń aınalymy 96% - ımport, 4% - ishki óndiris bolyp sıpattalady. Aıaq kıim ishki naryǵynyń damýyn kóleńkeli aınalym aıtarlyqtaı shekteıdi»,-delingen mınıstrliktiń habarlamasynda.