Qazaqstanda áskerı nyshandar kúni alǵash ret atalyp ótti
1996 jylǵy 18 shildede «Qarýly kúshterdiń áskerı nyshandary týraly» Qazaqstan Prezıdentiniń Jarlyǵyna qol qoıyldy. Áskerı nyshandar – bul armııanyń ajyramas bóligi, atrıbýttar.
«Qazaqstannyń áskerı nyshandaryna Qarýly kúshterdiń nyshany (emblemasy), týy men jalaýy, Qurlyq áskerleriniń, Áýe qorǵanysy kúshteri men Áskerı-teńiz kúshteriniń týlary, áskerı bólimderdiń jaýyngerlik týlary jatady. Qazaqstan Qarýly kúshteriniń nyshany memlekettik tıesililigin jáne qol suǵylmaýshylyǵyn aıqyn beıneleıdi. Ol ótkenniń dástúrlerimen ushtastyra otyryp, Táýelsiz Qazaqstannyń qundylyqtaryn kórsetedi. Atap aıtqanda, Qarýly kúshter nyshany – shetteri altyn tústi nusqamen jıektelgen bes buryshty juldyz. Juldyzdyń ortasynda shuǵylaly kún jáne onyń astynda qalyqtap ushqan qyran beınelengen», delingen habarlamada. Áskerı kúshter túriniń týlary Qazaqstan armııasyna tıesililikti jáne áskerı ujymnyń baýyrlastyǵy men birligi ıdeıasyn bildiredi.
Bıyl Qazaqstan Qarýly kúshterinde birqatar kásibı merekeler men ataýly kúnder alǵash ret atap ótilip jatyr. Olar Qorǵanys mınıstriniń 2021 jylǵy 5 mamyrdaǵy buıryǵymen bekitilgen.
