Qazaqstanda ashylatyn Telegram keńsesinde otandyq mamandarǵa basymdyq beriledi
ASTANA. KAZINFORM – Telegram kompanııasy óz keńsesin Qazaqstan aýmaǵynda resmı tirkedi.
- Telegram keńsesin ashý boıynsha, biz olarmen tyǵyz jumys istep jatyrmyz. Olar Qazaqstanda jeke keńse retinde tirkeldi. Olar qyzmetkerlerdi jaldaıdy, sonyń esebinen elimizde joǵary tehnologııalyq platformamen jumysy tıimdi bola túsedi. Iá, qyzmetkerler negizinen qazaqstandyqtar. Ár kompanııa bos jumys oryndary týraly ózderi jarııalaıdy, ony baqylaý kerek, - dedi Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Úkimet otyrysynan keıin ótken baspasóz máslıhatynda.
Eske sala keteıik, Telegram-nyń Qazaqstanǵa jaýapty keńsesi Astanada ashylatyn boldy.
Búgin Úkimettiń tsıfrlandyrý jáne jasandy ıntellekt taqyrybyna arnalǵan kóshpeli otyrysy ótti. Belgili bolǵandaı, keler jyldan bastap memlekettik qyzmetshiler jasandy ıntellekt kýrsynan ótedi.
Sondaı-aq, Premer-mınıstr Oljas Bektenov tsıfrlyq qyzmettiń deni halyq úshin kúrdeli ekenin aıtyp, protsesti jeńildetýdi júktedi.
Odan bólek, Úkimet basshysy neırondyq jeliler arqyly tótenshe jaǵdaılardy boljap, aldyn alý múmkindigi týraly aıtty.