Qazaqstanda apta ishinde bolǵan kadrlyq taǵaıyndaýlar

ASTANA. KAZINFORM — Elimizde osy apta ishinde birqatar kadrlyq aýys-túıis boldy.

14 shildede Qazaqstan Prezıdentiniń keńesshisi — baspasóz hatshysy Rýslan Jeldibaı Halyqaralyq dzıýdo federatsııasynyń (IJF) jańa tehnologııalar jáne tıimdilikti arttyrý boıynsha komıssııasynyń dırektory qyzmetine taǵaıyndaldy. Bul týraly Rýslan Jeldibaı óziniń áleýmettik jelidegi paraqshasynda málim etti.

14 shildede Almaty oblysynyń sý resýrstary jáne ırrıgatsııa basqarmasynyń basshysy laýazymyna Saıat Maratuly Qaralasov taǵaıyndalǵany belgili boldy. 

Saıat Qaralasov 1978 jyly týǵan. Bilimi — joǵary, 1995 jyly Qazaq Memlekettik kólik jáne kommýnıkatsııalar akademııasyn «Temir jol qurylysy, jol jáne jol sharýashylyǵy» mamandyǵy boıynsha, 2010 jyly Q.I.Sátbaev atyndaǵy Qazaq ulttyq tehnıkalyq ýnıversıtetin «Qurylys» mamandyǵy boıynsha bitirgen.

Eńbek jolyn 2006 jyly bastaǵan. Ár jyldary Almaty qalasynyń qurylys basqarmasynda jetekshi maman, bas maman, bólim basshysy, basqarma basshysynyń orynbasary, Astana qalasynyń qorshaǵan ortany qorǵaý jáne tabıǵatty paıdalaný basqarmasynda bólim basshysy, Jetisý oblysynyń memlekettik sáýlet-qurylys baqylaý basqarmasynyń basshysy laýazymdaryn atqarǵan.

2024 jyldyń qyrkúıeginen Almaty oblysynyń qurylys basqarmasy basshysynyń orynbasary laýazymynda qyzmet etti.

15 shilde kúni Memleket basshysynyń ókimimen Asqar Іzbasov Qazaqstan Respýblıkasy Qarýly Kúshteri Áýe qorǵanysy kúshteri Áskerı-áýe kúshteriniń qolbasshysy laýazymyna taǵaıyndaldy. 

Seısenbide Arman Jarkeev qazaqstandyq qazirgi bessaıys federatsııasynyń prezıdenti bolyp saılandy. 

Ulttyq Olımpıada komıtetiniń málimetinshe, is-sharaǵa Qazaqstan Ulttyq Olımpıadalyq komıtetiniń bas dırektory Nurlan Nógerbek, Týrızm jáne sport vıtse-mınıstri Serik Jarasbaev, QQBF vıtse-prezıdenti ıÝrıı Solovev, atqarýshy dırektor Zamır Ihsanǵalıev, bas hatshy Leonıd Zımarev, sondaı-aq óńirlik fılıaldardyń basshylary qatysty.

Jıynnyń kún tártibinde ózekti máseleler qaraldy, olardyń ishinde mańyzdysy — federatsııa prezıdentin saılaý. Oblystyq federatsııalardyń basshylary men sport qaýymdastyǵynyń ókilderi Arman Jarkeevtiń kandıdatýrasyn biraýyzdan qoldady.

Aptanyń ekinshi kúni Úkimettiń qaýlysymen Baýyrjan Rapıkov týrızm jáne sport vıtse-mınıstri bolyp taǵaıyndaldy. 

Baýyrjan Serikbaıuly 1986 jyly Qaraǵandy oblysynda dúnıege kelgen. Q.I. Sátbaev atyndaǵy Qazaq ulttyq tehnıkalyq ýnıversıtetin, «Turan-Astana» ýnıversıtetin bitirgen.

Eńbek jolyn 2008 jyly «Alprof» JShS-de baǵdarlamashy bolyp bastady, Almaty qalasy.
2009–2012 jyldary — «Kazgıdromet» RMK Aqparattyq tehnologııalar departamentiniń jetekshi ınjeneri, basqarma bastyǵy, dırektory.
2012–2013 jyldary — «Jer kadastry ǵylymı-óndiristik ortalyǵy» RMK «Memjerkadastr AAJ» jetekshi mamany, basqarma bastyǵy.
2013–2015 jyldary — kommertsııalyq uıymdarda jumys istedi.
2015–2016 jyldary — Qaraǵandy oblysy ákimi apparatynyń janyndaǵy «Qoǵamdyq kelisim» KMM basshysy.
2017–2018 jyldary — «Samuryk-Qazyna» korporatıvtik ýnıversıtetiniń IT jónindegi bas menedjeri.
2018–2020 jyldary — «Qazgıdromet» RMK Aqparattyq tehnologııalar departamentiniń dırektory.
2020–2022 jyldary — Aqmola oblysy ákimi apparatynyń janyndaǵy Smart Aqmola KMM basshysy.
2022–2024 jyldary — Aqmola oblysy tsıfrlandyrý jáne arhıvter basqarmasynyń basshysy.
2024 jylǵy sáýirden bastap sońǵy taǵaıyndaýǵa deıin QR Týrızm jáne sport mınıstrligi Tsıfrlyq transformatsııa jáne memlekettik qyzmetterdi damytý departamentiniń dırektory.

15 shildede Eńbek jáne halyqty áleýmettik qorǵaý mınıstriniń buıryǵymen Meırambek Ahmetov Memlekettik eńbek ınspektsııasy komıtetiniń tóraǵasy qyzmetine taǵaıyndaldy. 

Meırambek Maratuly 1983 jyly Tselınograd oblysynda dúnıege kelgen. Qazaq gýmanıtarlyq-zań ýnıversıtetin, Qaztutynýodaǵynyń Qaraǵandy ekonomıkalyq ýnıversıtetin bitirgen.

Eńbek jolyn 2005 jyly Qazaqstan Respýblıkasynyń Tótenshe jaǵdalar mınıstrligi «AJT ortalyǵy» RMK bóliminiń bas mamany bolyp bastaǵan.
2005–2007 jyldary — QR Tótenshe jaǵdaılar mınıstligi Quqyqtyq qamtamasyz etý basqarmasy memlekettik-quqyqtyq jumys bóliminiń jetekshi mamany.
2007–2009 jyldary — Qazaqstan Respýblıkasynyń Qarjy mınıstrligi Zań qyzmeti departamenti Qarjylyq zańnama basqarmasynyń bas mamany, bas sarapshysy.
2009–2013 jyldary — Respýblıkalyq bıýdjettiń atqarylýyn baqylaý jónindegi esep komıtetiniń bas sarapshysy, sektor meńgerýshisi, zań bólimi meńgerýshisiniń orynbasary.
2013–2016 jyldary — Astana qalasy boıynsha tekserý komıssııasynyń múshesi.
2016-2023 jyldary — Respýblıkalyq bıýdjettiń atqarylýyn baqylaý jónindegi esep komıtetiniń apparaty Zań bóliminiń basshysy, Zań departamentiniń dırektory.
2023–2024 jyldary — Qazaqstan Respýblıkasynyń Joǵary aýdıtorlyq palatasy zań departamentiniń dırektory.
2024 jylǵy maýsymnan bastap sońǵy taǵaıyndaýǵa deıin «Samuryq-Qazyna Bıznes Servıs» JShS Kadrlyq ákimshilendirý jáne jalaqyny esepteý departamentiniń dırektory boldy.

Seısenbide Mádenıet jáne aqparat mınıstrliginiń buıryǵymen Erlan Dakenov Mádenıet komıtetiniń tóraǵasy qyzmetine taǵaıyndaldy. 

1977 jyly Qaraǵandy oblysynda dúnıege kelgen. Qaztutynýodaǵynyń Qaraǵandy ekonomıkalyq ýnıversıtetin, Aımaqtyq áleýmettik-ınnovatsııalyq ýnıversıtetti bitirgen.

2000–2008 jyldary — «Aqtoǵaı Transport kompanııasy» JShS menedjeri, zańgeri.
2008–2012 jyldary — Astana qalasynyń Mádenıet basqarmasy «Táýelsizdik saraıy» MKQK kadr bóliminiń qoıýshy-rejısseri, prodıýser mamany, baspasóz hatshysy, ınspektor — aǵa mamany.
2012–2016 jyldary — QR Mádenıet mınıstrligi Mádenıet komıteti «Aq jaýyn» memlekettik kameralyq orkestri» RMQK dırektory.
2016–2019 jyldary — QR Mádenıet mınıstrligi «Qazaqkontsert» memlekettik kontserttik uıymy» RMQK dırektorynyń orynbasary.
2019–2023 jyldary — Astana qalasy ákimdiginiń «Memlekettik akademııalyq fılarmonııa» MKQK bas dırektory.
2023 jylǵy tamyzdan bastap sońǵy taǵaıyndaýǵa deıin Astana qalasy ákimdiginiń «Erkeǵalı Rahmadıev atyndaǵy Memlekettik akademııalyq fılarmonııa» MKQK bas dırektory.

16 shildede Almaty ákimi Darhan Satybaldynyń ókimimen Almaty qalasynyń Qoǵamdyq keńistikterdi damytý basqarmasynyń basshysy laýazymyna Batyrhan Súleımenov taǵaıyndaldy. 

Ol 2015 jyly Ulybrıtanııadaǵy Kardıff Metropolıten ýnıversıtetin «menedjment» mamandyǵy boıynsha támamdaǵan, Halyqaralyq kólik-gýmanıtarlyq ýnıversıtetiniń qurylys magıstri.

Eńbek jolyn 2014 jyly halyqaralyq Deloitte aýdıtorlyq uıymynda bastaǵan. Ár jyldary kommertsııalyq jáne memlekettik uıymdarda basshylyq laýazymdarda qyzmet atqarǵan. 2017 jyly qurylys kompanııasynyń bas dırektory qyzmetin atqardy. 2020–2024 jyldary Almaty qalasynyń Qalalyq josparlaý jáne ýrbanıstıka basqarmasy basshysynyń orynbasary bolǵan.

2024–2025 jyldary Almaty qalasynyń Seısmıkalyq qaýipsizdik jáne mobılızatsııalyq daıyndyq basqarmasynyń basshysy mindetin atqarǵan.

Sársenbi kúni Prezıdentiniń Ákimshiligimen kelisimi boıynsha, oblys ákiminiń ókimimen BQO ákiminiń orynbasary laýazymyna Mıras Múlkáı taǵaıyndaldy. 

BQO ákiminiń baspasóz qyzmetinen málim etkenindeı, Mıras Rústemulynyń bilimi joǵary. Mahambet Ótemisov atyndaǵy Batys Qazaqstan memlekettik ýnıversıtetin qarjy, Jáńgir han atyndaǵy Batys Qazaqstan agrarlyq-tehnıkalyq ýnıversıteti qurylysshy mamandyǵy boıynsha támamdaǵan.

Óńir basshysy Narıman Tóreǵalıev óziniń jańa orynbasaryn tanystyryp, Mıras Múlkáıǵa aldaǵy jaýapty qyzmetinde tabys pen sáttilik tiledi. Sonymen qatar oblystyń áleýmettik-ekonomıkalyq damýyndaǵy birqatar mańyzdy mindetterdi atap ótip, jańa orynbasardyń osy baǵyttarda júıeli ári nátıjeli jumys atqaratynyna senim bildirdi.

M.Múlkáı ár jyldary Oral qalasy turǵyn úı-kommýnaldyq sharýashylyq, jolaýshy kóligi jáne avtomobıl joldary bólimi abattandyrý sektorynyń bas mamany, sektor meńgerýshisi, Oral qalasy turǵyn úı kommýnaldyq sharýashylyǵy jáne turǵyn úı ınspektsııasy bólimi basshysynyń orynbasary, Oral qalasy qurylys bóliminiń basshysy, Oral qalasy ákiminiń orynbasary qyzmetin atqarǵan.

BQO ákiminiń orynbasary laýazymyna taǵaıyndalǵanǵa deıin Batys Qazaqstan oblysy energetıka jáne turǵyn úı-kommýnaldyq sharýashylyq basqarmasynyń basshysy qyzmetinde boldy.

Mıras Múlkáı qurylys, turǵyn úı-kommýnaldyq sharýashylyǵy, energetıka, jolaýshylar kóligi jáne avtomobıl joldary, memlekettik sáýlet-qurylys baqylaý salasy, abattandyrý máselelerine jetekshilik etedi. 

Apta ortasynda Almaty qalasynyń ákimi Darhan Satybaldynyń ókimimen Almaty qalasynyń Energetıka jáne sýmen qamtamasyz etý basqarmasynyń basshysy laýazymyna Nurbaqyt Serikbaı taǵaıyndaldy. 

Ol Almaty Energetıka jáne baılanys ýnıversıtetin «jylý energetıkasy» mamandyǵy boıynsha támamdaǵan. «Jylý energetıkasy» mamandyǵy boıynsha magıstr dárejesin alǵan.
Eńbek jolyn 2018 jyly qarasha aıynda Almaty qalasynyń Energetıka jáne kommýnaldyq sharýashylyq basqarmasynyń energııa jáne jylýmen qamtamasyz etý bóliminiń bas mamany qyzmetinen bastaǵan.

2022 jyly tamyz aıynda Almaty qalasy Energetıka jáne sýmen qamtamasyz etý basqarmasynyń energııa jáne jylýmen qamtamasyz etý bóliminiń basshysy laýazymyna aýystyrylǵan.

2023 jyly 22 tamyzdan bastap Almaty qalasy Energetıka jáne sýmen qamtamasyz etý basqarmasy basshysynyń orynbasary qyzmetin atqarǵan.

17 shildede Almaty ákimi Darhan Satybaldynyń ókimimen Qalalyq josparlaý jáne ýrbanıstıka basqarmasynyń basshysy qyzmetine Almas Janbyrshy taǵaıyndaldy.

Ol 1979 jyly Almaty qalasynda dúnıege kelgen. Almaty qalasyndaǵy Qazaq bas sáýlet-qurylys akademııasyn jáne L. N. Gýmılev atyndaǵy Eýrazııa ulttyq ýnıversıtetin támamdaǵan.

Eńbek jolyn 2003 jyly sáýletshi bolyp bastaǵan. 2005-2018 jyldar aralyǵynda Almaty qalasynyń Sáýlet jáne qala qurylysy basqarmasynda ártúrli laýazymdarda jumys istegen.
2018-2019 jyldary «Almatybasjospar» ǵylymı-zertteý ınstıtýty» JShS dırektory bolǵan. 2019-2021 jyldary Astana qalasy Sáýlet, qala qurylysy jáne jer qatynastary basqarmasy basshysynyń orynbasary qyzmetin atqarǵan. 2021-2022 jyldary «Astanabasjospar» ǵylymı-zertteý ınstıtýty» JShS dırektory atanǵan.
2022-2023 jyldary Astana qalasynyń Sáýlet, qala qurylysy jáne jer qatynastary basqarmasynyń basshysy bolǵan. Osy taǵaıyndaýǵa deıin Astana qalasy ákiminiń keńesshisi qyzmetin atqarǵan.

Beısenbide Memlekettik qyzmet isteri agenttiginiń Ulytaý oblysy boıynsha departamentiniń basshysy, Ádep jónindegi keńes tóraǵasy laýazymyna Erlan Ermahanbetov taǵaıyndaldy. 

Erlan Ermahanbetov Shymkent áleýmettik-pedagogıkalyq ýnıversıtetin «Memlekettik jáne jergilikti basqarý» mamandyǵy boıynsha bitirgen, ekonomıka ǵylymdarynyń magıstri.

Eńbek jolyn 2006 jyly OQMMA-nyń jastarmen jumys boıynsha mamany qyzmetinen bastaǵan, sonymen qatar, A. ıAssaýı atyndaǵy HQTÝ-niń Oqý-klınıkalyq bazasynda jastar isi boıynsha sektor meńgerýshisi qyzmetin atqarǵan.

2013-2015 jyldar aralyǵynda Shymkent qalasy Ál-Farabı aýdany ákimi apparatynyń Mádenı-aǵartý, Halyqty áleýmettik qorǵaýǵa qoldaý kórsetý bóliminiń bas mamany, keıinen bólim basshysy boldy.

Memlekettik qyzmet isteri jáne sybaılas jemqorlyqqa qarsy is-qımyl júıesinde 2015 jyldan bastap jumys istep keledi.

2015-2016 jyldarda QR Memlekettik qyzmet isteri jáne sybaılas jemqorlyqqa qarsy is-qımyl agenttigi Ońtústik Qazaqstan oblysy boıynsha departamentiniń baspasóz hatshysy laýazymyn atqarǵan.

2016-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Ortalyq apparatynda Memlekettik qyzmetter kórsetý departamentiniń bas sarapshysy, bas konsýltanty qyzmetterin atqarǵan.

2019-2021 jyldary QR Memlekettik qyzmet isteri agenttiginiń Túrkistan oblysy boıynsha departamenti basshysynyń orynbasary, Ádep jónindegi keńes hatshylyǵynyń meńgerýshisi.

2021-2024 jyldary QR Memlekettik qyzmet isteri agenttiginiń Atyraý oblysy boıynsha departamentiniń basshysy, Ádep jónindegi keńes tóraǵasy.

Osy laýazymǵa deıin QR Memlekettik qyzmet isteri agenttigi Ortalyq apparatynda Memlekettik qyzmetterdiń kórsetilý sapasyn baǵalaý jáne baqylaý departamentiniń dırektory qyzmetinde eńbek etti.

17 shilde kúni Almaty qalasy Tótenshe jaǵdaılar departamentiniń bastyǵy bolyp Damır Ermaǵambetov taǵaıyndaldy. 

Damır Maqsutuly 1978 jyly 26 maýsymda Batys Qazaqstan oblysy Terekti aýdany Fedorovka aýylynda dúnıege kelgen.

1998 jyly QR ІІM Almaty joǵary tehnıkalyq ýchılışesin, 2001 jyly QR TJM Kókshetaý tehnıkalyq ınstıtýtyn bitirgen.

Erligi men adaldyǵy úshin Damır Maqsutuly II-shi jáne I-shi dárejeli «Aıbyn» ordenimen marapattalǵan. Almaty qalasyna kelgenge deıin ol Qostanaı oblysy TJD bastyǵynyń qyzmetin atqardy.

Beısenbi kúngi taǵy bir aýys-túıis, Qostanaı oblysy tótenshe jaǵdaılar departamenti basshysynyń mindetin ýaqytsha atqarýshy bolyp azamattyq qorǵaý polkovnıgi Nazaralı Selimov taǵaıyndaldy. 

Nazaralı Ǵadjymagomeduly 1985 jylǵy 14 mamyrda Reseı Federatsııasynda dúnıege kelgen. 2007 jyly Kókshetaý tehnıkalyq ınstıtýtyn «Órt qaýipsizdigi» mamandyǵy boıynsha aıaqtap, azamattyq qorǵaý organdarynda qyzmetin bastaǵan.

Batys Qazaqstan oblysynyń TJ departamentinde órt sóndirý jáne avarııalyq-qutqarý jumystary qyzmetin basqarǵan.

Keıin Mańǵystaý oblysy men elordadaǵy departamentterde qyzmet atqardy.

2024 jyldyń mamyr aıynan bastap Atyraý oblysy TJD bastyǵynyń birinshi orynbasary laýazymynda boldy.

Jańa basshyny departament ujymyna QR Tótenshe jaǵdaılar mınıstrligi apparatynyń jetekshisi Dáýren Esimseıitov tanystyrdy.

18 shilde kúni Arnaıy jáne ınklıýzıvti bilim berýdi damytýdyń ulttyq ǵylymı-praktıkalyq ortalyǵynyń dırektory bolyp Laýra Asqarqyzy Býtabaeva taǵaıyndaldy. 

Laýra Asqarqyzy ınklıýzıvti bilim berý salasynda aıtarlyqtaı tájirıbege ıe.

Abaı atyndaǵy QazUPÝ-de «Defektologııa» mamandyǵy boıynsha bilim alǵan. Polsha Respýblıkasy, Varshava qalasyndaǵy M.Gjegojevskaıa atyndaǵy Arnaıy pedagogıka akademııasynda bilim berý salasyndaǵy áleýmettik ǵylymdar doktory (Ph.D) dárejesin alǵan.
Pedagogıka mamandyǵy boıynsha qaýymdastyrylǵan professor (dotsent) ǵylymı ataǵynyń ıegeri.

Eńbek jolyn 2009 jyly Almaty qalasyndaǵy «Estý qabileti zaqymdalǵan balalarǵa arnalǵan № 137 bóbekjaı balalar baqshasynda» sýrdopedagog retinde bastaǵan.

2012-2021 jyldary Abaı atyndaǵy QazUPÝ-de aǵa oqytýshy, bólim jetekshisi, Túzeý pedagogıkasynyń Ulttyq ǵylymı-praktıkalyq ortalyǵynyń aǵa ǵylymı qyzmetkeri qyzmetterin atqarǵan.
2021–2023 jyldary Y. Altynsarın atyndaǵy Ulttyq bilim akademııasynda Inklıýzıvti bilim berý ortalyǵynyń dırektory, 2023 jyldan bastap Oqý-aǵartý mınıstrliginiń Inklıýzıvti jáne arnaıy bilim berý departamentiniń dırektory boldy.

Bul laýazymda Laýra Asqarqyzy erekshe bilim berý qajettilikteri bar balalardy qoldaý baǵdarlamalaryn, ádistemelik usynymdardy, normatıvtik-quqyqtyq bazany ázirleýdi qosa alǵanda, eldegi ınklıýzıvti bilim berý júıesin damytýǵa baǵyttalǵan memlekettik saıasatty qalyptastyrýǵa jáne iske asyrýǵa belsene qatysty.