Qazaqstanda apta ishinde bolǵan kadrlyq taǵaıyndaýlar

ASTANA. KAZINFORM – Elimizde ótken aptada birqatar kadrlyq aýys-túıis boldy.

7 sáýirde Jaqsylyq Omar Shyǵys Qazaqstan oblysy ákiminiń birinshi orynbasary bolyp taǵaıyndaldy. 

Jaqsylyq Muqashuly 1980 jyly 28 qyrkúıekte Almaty oblysy, Alakól aýdany, Úsharal aýylynda dúnıege kelgen. 2001 jyly Abaı atyndaǵy Almaty memlekettik ýnıversıtetin támamdaǵan. Mamandyǵy - geografııa pániniń oqytýshysy, memlekettik jáne jergilikti basqarý bakalavry.

Eńbek jolyn QR Mádenıet, aqparat jáne qoǵamdyq kelisim mınıstrligi Respýblıkalyq halyqaralyq mádenı baǵdarlamalar komıteti dırektsııasynyń jetekshi mamany bolyp bastady.

Ár jyldarda Mádenıet mınıstrliginde jetekshi maman, bas maman, Qarjy mınıstrligi Kedendik baqylaý komıtetiniń mamany, «Qazaqstan» RTRK» AQ «Astana» TRK dırektsııasy dırektorynyń orynbasary, qoǵamdyq-saıası bóliminiń prodıýseri, «Arnamedıa» UAH» AQ bas menedjeri, Parlament Májilisi apparaty baspasóz qyzmetiniń sarapshysy, Shyǵys Qazaqstan oblysy ákiminiń kómekshisi, Shyǵys Qazaqstan oblystyq Іshki saıasat basqarmasy basshysynyń orynbasary, basshysy, Shyǵys Qazaqstan oblystyq Mádenıet basqarmasynyń basshysy qyzmetterin atqardy.

2013 jyldyń mamyrynan 2016 jyldyń qarashasyna deıin ShQO ákiminiń orynbasary boldy. 2016-2018 jyldary Almaty oblysy ákiminiń orynbasary laýazymyn atqarǵan.

Al 2018-2024 jyldary Óskemen qalasyn basqarǵan. Osy ýaqytqa deıin ShQO ákiminiń keńesshisi boldy.

7 sáýirde Azamat Esqaraev Qazaqstan Respýblıkasynyń Úndistan Respýblıkasyndaǵy Tótenshe jáne ókiletti elshisi laýazymyna taǵaıyndaldy. 

Azamat Nesipbaıuly 1979 jyly Almaty qalasynda týǵan.

Qazaq memlekettik zań akademııasyn bitirgen.

Eńbek jolyn 2000 jyly QR Ádilet mınıstrligi Zańnama departamentiniń jetekshi mamany bolyp bastaǵan.

2000-2005 jyldary QR Ádilet mınıstrliginde bas maman, Zańǵa táýeldi normatıvtik aktilerdiń jobalaryn saraptaý jáne daıyndaý basqarmasy bastyǵynyń orynbasary — bólim bastyǵy, zańnama departamentiniń óndiristik salanyń zańǵa táýeldi normatıvtik aktilerin saraptaý bóliminiń bastyǵy, zańnama departamenti basqarmasynyń bastyǵy, zańǵa táýeldi aktiler departamenti basqarmasynyń bastyǵy bolǵan.

2005-2006 jyldary — Almaty qalasy ákiminiń bas ınspektory.

2006-2007 jyldary — «Qazyna» ornyqty damý qory» AQ zań qyzmeti departamentiniń bas menedjeri.

2007-2012 jyldary — QR Ádilet mınıstrliginde ártúrli laýazymdarda jumys istedi: quqyqtyq máseleler jónindegi konsýltant, Іshki ákimshilik departamentiniń jetekshi mamany, mınıstrdiń kómekshisi, taldaý jáne strategııalyq josparlaý departamentiniń dırektory, zańnama departamentiniń dırektory.

2012-2014 jyldary QR EQSJQKA ınspektsııasynyń uıymdastyrý-baqylaý departamentiniń bastyǵy bolǵan.

2014-2019 jyldary QR Premer-Mınıstri Keńsesiniń zań bólimi meńgerýshisiniń orynbasary qyzmetin atqarǵan.

2019 jyldan 2023 jylǵy qańtarǵa deıin — QR Premer-Mınıstri Keńsesi zań bóliminiń meńgerýshisi.

QR Prezıdentiniń 2023 jylǵy 4 qańtardaǵy Jarlyǵymen QR ádilet mınıstri bolyp taǵaıyndaldy.

2023 jylǵy 4 sáýirde QR Prezıdentiniń Jarlyǵymen Qazaqstan Respýblıkasynyń ádilet mınıstri bolyp qaıta taǵaıyndaldy.

2024 jylǵy 6 aqpanda QR Prezıdentiniń Jarlyǵymen Qazaqstan Respýblıkasynyń ádilet mınıstri bolyp taǵaıyndaldy.

2025 jyly Azamat Esqaraev Ádilet mınıstri qyzmetinen bosatylǵan edi.

Aptanyń alǵashqy kúni Aqtóbe oblystyq din isteri basqarmasynyń basshysy qyzmetine Júsipjan Aqzam taǵaıyndaldy. 

Júsipjan Aqzam 1970 jyly Aqtóbe oblysynda dúnıege kelgen.

1993 jyly K.A.Tımırıazev atyndaǵy aýyl sharýashylyǵy akademııasyn, 2001 jyly QR Prezıdentiniń janyndaǵy Memlekettik qyzmet akademııasyn támamdaǵan.

Eńbek jolyn 1993 jyly Shalqar aýdanynyń «Súttikól» óndiristik kooperatıvinde zootehnık bolyp bastaǵan. Aqtóbe, Qaraǵandy oblystary, Astana qalasy ákimi apparatynyń, «Nur-Otan» partııasy, «QTJ» UK» AQ, Aýyl sharýashylyǵy, Densaýlyq saqtaý, Ulttyq ekonomıka mınıstrlikteriniń, Din isteri agenttiginiń túrli laýazymdarynda jumys istegen.

8 sáýirde Lola Ádilbekova kórkem gımnastıkadan Qazaqstan ulttyq quramasynyń bas bapkeri qyzmetine kiristi. 

Qazaqstan gımnastıka federatsııasynan málim etkenindeı, Lola Islamqulqyzy – halyqaralyq dárejedegi sport sheberi, álem chempıonattarynyń qatysýshysy jáne 2002 jylǵy Azııa oıyndarynyń komandalyq esebinde kúmis júldegeri.

Lola Ádilbekova bapkerlik qyzmetin 2010 jyly Shymkent qalasynda bastaǵan. Sońǵy jyldary ol Shymkent qalasynyń aǵa jattyqtyrýshysy qyzmetin atqardy. 2018 jyly Lolaǵa «Qazaqstannyń eńbek sińirgen jattyqtyrýshysy» ataǵy berildi.

Qyzmet jolynda Lola Ádilbekova halyqaralyq arenada Qazaqstan atynan óner kórsetken birqatar talantty sportshylardy daıyndady. Olardyń qatarynda Azııa chempıony jáne Azııa oıyndary komandalyq jarysynyń jeńimpazy Daıana Ábdirbekova, jasóspirimder arasyndaǵy Olımpıadanyń qatysýshysy Roza Ábıtova bar. Sondaı-aq bul tizimge jasóspirimder arasyndaǵy álem chempıonatynyń fınalısi Eljana Tanıeva, 2023 jylǵy Azııa oıyndarynyń komandalyq jarysynda kúmis júldeger atanǵan jáne jekeleı kópsaıysta qola medal alǵan Mılana Parfılovany qosýǵa bolady.

Seısenbide Qyzylorda oblysynyń tabıǵı resýrstar jáne tabıǵat paıdalanýdy retteý basqarmasynyń basshysy bolyp Erkebaı Ǵalymjan Baqtyǵalıuly taǵaıyndaldy. 

Ǵalymjan Baqtyǵalıuly 1981 jyly dúnıege kelgen. Qorqyt ata atyndaǵy Qyzylorda memlekettik ýnıversıtetinde bilim alǵan.

Eńbek jolyn 1997 jyly «Shaǵan» agrofırmasynda bastaǵan. Ár jyldary Qyzylorda qalasynyń sáýlet jáne qala qurylysy, jer qatynastary bólimderinde jetekshi maman, bas maman, sektor meńgerýshisi, bólim basshysy, «Memlekettik qala qurylys kadastry» mekemesi fılıalynyń dırektory, Qazaly, Syrdarııa aýdandary ákiminiń orynbasary, oblystyq qurylys, sáýlet jáne qala qurylysy basqarmasy basshysynyń orynbasary laýazymdarynda boldy.

2022 jyldyń tamyz aıynan osy kúnge deıin Qyzylorda qalasy ákiminiń orynbasary qyzmetin atqaryp keldi.

9 sáýirde Asan Darbaev ulttyq ekonomıka vıtse-mınıstri bolyp taǵaıyndaldy. 

Asan Darbaev 1984 jyly Aqmola oblysynda dúnıege kelgen. Ál-Farabı atyndaǵy Qazaq ulttyq ýnıversıtetin, T. Rysqulov atyndaǵy Qazaq ekonomıka ýnıversıtetin, QR Prezıdenti janyndaǵy Memlekettik basqarý akademııasyn, Warwick ýnıversıtetin («Bolashaq» baǵdarlamasynyń stıpendıaty) támamdaǵan.

Eńbek jolyn 2005 jyly QR Qarjy mınıstrliginiń qurylymynda bastaǵan. Túrli jyldary «Básekeli saıasatty damytý jáne qorǵaý ortalyǵynda», Almaty oblysy boıynsha Monopolııaǵa qarsy basqarmada básekelestikti qorǵaý bóliminiń bas mamany, basshysy qyzmetterin atqarǵan.

2013-2014 jyldary QR Básekelestikti qorǵaý agenttiginde Kvazımemlekettik sektor jáne tutynýshylardyń quqyqtaryn qorǵaý departamenti dırektorynyń orynbasary, Memlekettik kásiporyndar men qosylýlaryn baqylaý departamentiniń dırektorynyń orynbasary boldy.

2014-2015 jyldary QR Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıtetiniń Memlekettik kásiporyndar men qosylýlaryn baqylaý basqarmasyn basqardy.

2015-2017 jyldary — QR UEM Tabıǵı monopolııalardy retteý jáne básekelestikti qorǵaý komıtetiniń tóraǵasynyń orynbasary. 2017 jyldan bastap qazirge deıin QR UEM Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti tóraǵasynyń orynbasary bolyp eńbek etti.

2019 jyldyń qyrkúıeginen bastap búgingi kúnge deıin Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń tóraǵasy qyzmetin atqaryp keldi.

10 sáýir kúni Qýanysh Bıshimov Atyraý munaı óńdeý zaýytynyń bas dırektory bolyp taǵaıyndaldy. 

Jańa bas dırektordy kásiporyn ujymyna «QazMunaıGaz» UK AQ Apparat basshysy Alımuhammed Quttumurat-uly tanystyrdy. Q.Bıshimov ár jyldary keden organdarynda, QR Ekonomıka jáne saýda mınıstrliginde, QR Indýstrııa jáne saýda mınıstrliginde, QR Tótenshe jaǵdaılar mınıstrligi Memlekettik materıaldyq rezervter komıtetiniń «Rezerv»RMK-da jumys istedi.

«Petropavl aýyr mashına jasaý zaýyty» AQ Bas dırektory, «Atameken» UKP Basqarma tóraǵasynyń orynbasary, «Qazaqstan Injınırıng» UK» AQ Basqarma tóraǵasy qyzmetterin atqardy.

Kompanııa málimetinshe, bul taǵaıyndaýǵa deıin «Pavlodar munaı-hımııa zaýyty» JShS bas dırektory boldy.

QMG basshylyǵy Atyraý munaı óńdeý zaýytynyń jańa bas dırektorynyń aldyna operatsııalyq tıimdilikti arttyrý, jeńil munaı ónimderin shyǵarý kólemin ulǵaıtý, óndiristik protsesterdiń senimdiligi men energııa tıimdiligi deńgeıin arttyrý, ekologııalyq jobalardy odan ári iske asyrý, 2025 jyly josparly aldyn alý jumystaryn sapaly júrgizý jáne qyzmetkerlerge qolaıly ári qaýipsiz jaǵdaı jasaý jóninde naqty mindetter qoıdy. Zaýyttyń turaqty jáne úzdiksiz jumysynyń mańyzy atap ótildi.

Beısinbide Janjigit Omarhan Abaı oblysy Mədenıet, tilderdi damytý jáne arhıv isi basqarmasynyń basshysynyń mindetin atqarýshy bolyp taǵaıyndaldy. 

Janjigit Omarhan jýrnalıstıka, quqyqtaný, memlekettik jáne jergilikti basqarý mamandyqtarynyń bakalavry, Áleýmettik ǵylymdar magıstri (jýrnalıstıka).

Eńbek joly:

2009 j. - «Astana» telearnasy baǵdarlamalar qyzmetiniń reportery, tilshisi.

2010-2011 jj. - «Astana» telearnasyndaǵy «Qaıyrly tań»,»Qaýipsiz jol» baǵdarlamalarynyń telejúrgizýshisi.

2011-2015 jj. - Qazaqstan ulttyq arnasynda «Iman aınasy» baǵdarlamasynyń júrgizýshisi.

2015-2016 jj. - «Eýrazııa birinshi» telearnasynyń «Ashyǵyn aıtqanda» tok-shoýynyń júrgizýshisi.

2016-2018 jj. - «Astana» telearnasyndaǵy avtorlyq «Ózekti» telejobasynyń júrgizýshisi, jetekshisi.

2018-2019 jj. - Jambyl oblysy ákimdigi ishki saıasat basqarmasy «Óńirlik kommýnıkatsııalar qyzmeti» KMM basshysynyń orynbasary.

2019 jyldyń sáýirinen qazany aralyǵynda - «QazAvtoJol» Ulttyq kompanııasy» AQ-nyń ,baspasóz qyzmetiniń basshysy.

2019 jyldyń 22 qazanynan – Qazaqstan Respýblıkasy Aýyl sharýashylyǵy mınıstrliginiń baspasóz-hatshysy.

11 sáýirde Majdaı Ahmetov Pavlodar munaı-hımııa zaýytynyń bas dırektory bolyp taǵaıyndaldy. 

M.Ahmetov eńbek jolyn 2010 jyly «PMHZ» JShS-de tehnologııalyq qondyryǵylar operatory bolyp bastady.

2010-2013 jj. – №3 tehnologııalyq tsehtyń kúkirt shıkizatyn absorbatsııalaý jáne gazben fraktsııalaý qondyrǵysynyń 4-razrıadty tehnologııalyq qondyrǵylar operatory

2013-2016 jj. – №3 tehnologııalyq tsehtyń óndiristi daıyndaý jónindegi ınjeneri.

2016-2017 jj. – munaıdy bastapqy óńdeý kesheniniń nafta splıtteri jáne ızomerleý qondyrǵysynyń 6-razrıadty tehnologııalyq qondyrǵylar operatory.

2017 j. qyrkúıek - jeltoqsan – jeńil munaı ónimderin óndirý kesheni ızomerleý jáne nafta splıtteri qondyrǵysynyń 6-razrıadty tehnologııalyq qondyrǵylar operatory.

2017-2018 jj. – jeńil munaı ónimderin óndirý kesheni/munaıdy bastapqy óńdeý óndirisiniń ızomerleý jáne nafta splıtteri qondyrǵysynyń bastyǵy.

2018-2019 jj. – munaıdy bastapqy óńdeý óndirisiniń operatsııalyq úılestirýshisi.

2019-2021 jj. – munaıdy bastapqy óńdeý óndirisiniń aǵa operatsııalyq úılestirýshisi.

2021-2022 jj. – jeńil munaı ónimderi óndirisiniń bastyǵy.

2022 – 2024 jj. – óndiris departamentiniń tehnıkalyq bólim bastyǵy – bas tehnolog.

2024 j.qazan – 2025 j. qantar – bas dırektordyń óndiris jónindegi orynbasary – bas ınjenerdiń mindetin atqarýshy.

Bul taǵaıyndaýǵa deıin «Pavlodar munaı-hımııa zaýyty» JShS bas dırektorynyń óndiris jónindegi orynbasary – bas ınjener qyzmetin atqardy.