Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Ótken aptada elimizde birqatar kadrlyq aýys-túıis boldy. Apta basynda Aızada Amangeldiqyzy Qurmanova Úkimet qaýlysymen mádenıet jáne aqparat vıtse-mınıstri qyzmetine taǵaıyndaldy.
Apta basynda Aızada Amangeldiqyzy Qurmanova Úkimet qaýlysymen mádenıet jáne aqparat vıtse-mınıstri qyzmetine taǵaıyndaldy.
Aızada Qurmanova 1970 jyly Pavlodar oblysynda dúnıege kelgen. Pavlodar pedagogıkalyq ınstıtýtyn, Innovatsııalyq Eýrazııa ýnıversıtetin bitirgen.
Eńbek jolyn 1992 jyly Pavlodar oblysy Maı aýdany orta mektebinde muǵalim bolyp bastaǵan. Ár jyldary oqý bóliminiń meńgerýshisi, OM dırektory bolyp jumys istedi.
2002-2007 jyldary — Ekibastuz qalasy ákimdigi ishki saıasat bóliminiń basshysy.
2007-2009 jyldary — Ekibastuz qalasy ákiminiń orynbasary.
2009-2011 jyldary — Pavlodar oblysy ishki saıasat basqarmasynyń basshysy.
2011-2014 jyldary — Pavlodar oblysy Lebıaji aýdanynyń ákimi.
2014-2016 jyldary — «Nur Otan» partııasy Pavlodar oblystyq fılıaly tóraǵasynyń birinshi orynbasary.
2016-2020 jyldary VI saılanǵan QR Parlamenti Májilisiniń depýtaty boldy.
2020 jyldan bastap qazirgi ýaqytqa deıin — Pavlodar oblysy ákiminiń orynbasary.
Al, Tólegen Sársembaev QR Densaýlyq saqtaý mınıstrliginiń apparat basshysy qyzmetine taǵaıyndaldy.
Ol 1968 jyly Túmen oblysynda dúnıege kelgen. 1991 jyly Almaty halyq sharýashylyǵy ınstıtýtyn bitirip, keıin quqyqtaný mamandyǵy boıynsha Q.A. ıAssaýı atyndaǵy Memlekettik halyqaralyq Qazaq-Túrik ýnıversıtetiniń dıplomyn aldy.
Eńbek jolyn Almaty zooveterınarlyq ınstıtýtynyń býhgalteri, «Aqsaı» oqý-tájirıbelik sharýashylyǵynyń josparlaý-ekonomıkalyq bóliminiń bastyǵy bolyp bastady, 20 jyldan astam memlekettik kirister organdarynyń oblystyq departamentterinde jumys istedi jáne basqardy.
Ońtústik Qazaqstan jáne Túrkistan oblystary ákiminiń orynbasary, Almaty oblysy ákimi apparatynyń basshysy qyzmetterin atqardy.
2023 jylǵy shildeden bastap - Qazaqstan Respýblıkasy Qarjy mınıstriniń keńesshisi boldy.
Tólegen Sársembaev salyq jáne qarjy qyzmetiniń úzdigi, birqatar memlekettik nagradamen jáne qurmetti ataqtarmen, sonyń ishinde «Qurmet» ordenimen, «Qazaqstan Respýblıkasynyń Táýelsizdigine 20 jyl», «Qazaqstan Konstıtýtsııasyna 20 jyl», «Qazaqstan Respýblıkasynyń Táýelsizdigine 25 jyl» mereıtoılyq medaldarymen marapattalǵan.
Bul aptada «QazMunaıGaz» ulttyq kompanııasyna jańa basshy keldi. Ol – Ashat Hasenov.
Ashat Hasenov sondaı-aq QMG dırektorlar keńesiniń quramyna saılandy.
Eńbek jolyn 2005 jyly «Torǵaı Petroleým» AQ munaı jáne gaz óndirý tsehynyń 3-razrıadtaǵy operatory bolyp bastaǵan.
2006 — 2010 jyldary «Munaı jáne gaz ónerkásibiniń bas dıspetcherlik basqarmasy» AQ jetekshi maman, bas maman, munaı-gaz ken oryndaryn ıgerý monıtorıngi bóliminiń bastyǵy, dırektordyń orynbasary, departament dırektory, vıtse-prezıdenti boldy.
2011 — 2019 jyldary QR Munaı jáne gaz mınıstrliginde Munaı-gaz keshenindegi memlekettik ınspektsııa komıtetiniń memınspektsııa jáne ruqsat berý basqarmasyn, munaı hımııa jáne tehnıkalyq retteý departamentin basqardy.
2019 — 2022 jyldary — «KLPE» JShS basqarma tóraǵasynyń orynbasary.
QazMunaıGazǵa taǵaıyndalǵanǵa deıin 2022 — 2024 jyldary aralyǵynda QR energetıka vıtse-mınıstri bolyp qyzmet etti.
Apta ortasynda sport salasynda da birneshe taǵaıyndaý boldy. Atap aıtsaq, Gennadıı Golovkın Halyqaralyq Olımpıada komıteti Olympism 365 komısııasynyń múshesi bolyp taǵaıyndaldy.
Komıssııa quramyna HOK músheleri, Olımpıadalyq qozǵalystaǵy tanymal fýnktsıonerleri, sondaı-aq, Iordanııanyń taq murageri, hanzada Feızal Ál Hýsseın, Halyqaralyq jeńil atletıka federatsııasynyń prezıdenti Sebastıan Koe, Katar UOK prezıdenti, sheıh Djoan bın Hamad bın Halıfa Ál Tanı, sondaı-aq belsendi sport qaıratkerleri men tanymal olımpıadashylar bar.
«Qaırat» fýtbol klýbynyń bas bapkeri qyzmetine reseılik maman Aleksandr Kerjakov taǵaıyndaldy.
Aleksandr Kerjakov Reseı fýtbolynyń (233 gol), sankt-peterborlyq «Zenıttiń» (161 gol), Reseı quramasynyń (30 gol) tarıhyndaǵy úzdik surmergeni atanǵan. Oıynshy retinde «Zenıtten» bólek ıspanııalyq «Sevılıa», shveıtsarııalyq «Tsıýrıh» pen Reseıdiń «Dınamo» (Máskeý) komandalarynda oınaǵan.
ÝEFA, Ispanııa kýbogy men sýperkýbogynyń, Shveıtsarııa Kýbogynyń ıegeri.
Aleksandr bapkerlik mansabyn 2017 jyly «Zenıt» fýtbol kýlby akademııasynda bastady.
2018-2020 jyldar aralyǵynda Reseıdiń 17, 18, 19 jasqa deıingi jasóspirimder quramalaryn jattyqtyrǵan.
Sonymen qatar ol reseılik «Tom» jáne «Nıjnıı Novgorod», kıprlik «Karmıotıssa» men serbııalyq «Spartak» Sýbotıtsa fýtbol klýbtaryn baptaǵan.
Sondaı-aq Atyraý qalasy ákiminiń orynbasary laýazymyna Tilek Mahýov taǵaıyndaldy.
Tilek Aldabergenuly 1977 jyly Atyraý oblysynda týǵan. Onyń eki joǵary bilimi bar.
1999 jyly Atyraý munaı-gaz ınstıtýtyn, 2008 jyly Qazaq bas sáýlet-qurylys akademııasyn bitirgen.
Eńbek jolyn 1999 jyldy «Bolat-Jol» AQ-da jumysshy bolyp bastaǵan. Al, memlekettik qyzmetke 2004 jyly kelgen.
2004-2006 jyldary jaýapkershiligi shekteýli seriktestikterde, 2006-2008 jyldary Atyraý qalalyq sáýlet jáne qalaqurylysy bóliminiń bas mamany bolyp jumys istegen. Budan soń Inder aýdanynda, Atyraý qalasyndaǵy «Qalakórkemdeý» KMK-da josparlaý jáne qurylys bóliminiń basshysy, 2009-2010 jyldary «TM Proekt Stroı» JShS bas ınjeneri bolǵan.
2011-2012 jyldary Densaýlyq saqtaý mınıstrliginde kúrdeli qurylys jáne materıaldyq-tehnıkalyq qamtamasyz etý basqarmasynyń bas sarapshysy, 2013-2014 jyldary Astana qalasynda «Aýtsorsıng-Kadry», «BI-Development» JShS-da prorab, jetekshi maman, 2014-2017 jyldary Atyraý oblysyndaǵy Jylyoı aýdandyq qurylysy, sáýlet jáne qala qurylysy bóliminiń basshysy, Atyraý oblystyq qurylys basqarmasy basshysynyń orynbasary, basqarma basshysy laýazymyn atqarǵan.
Al, 2017-2022 jyldary «BatysQurylysInvest» JShS-niń atqarýshy dırektory, 2023 jyldan osy taǵaıyndaýǵa deıin Atyraý qalalyq qurylys bóliminiń basshysy laýazymynda jumys istedi.
Qyzylorda oblystyq polıtsııa departamenti basshysynyń birinshi orynbasary qyzmetine Ermahan Abdramanov taǵaıyndaldy.
Ol QR ІІM-niń Almaty qalasy joǵary mektebin támamdaǵan. Eńbek jolyn jedel ýákil bolyp bastaǵan, ár túrli basshylyq laýazymdarda qyzmet atqarǵan.
2022 jyldan bastap jańa qyzmetke taǵaıyndalǵanǵa deıin Shymkent qalasynyń Polıtsııa departamenti bastyǵynyń birinshi orynbasary bolǵan.
