Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Elimizde osy aptada birqatar kadrlyq aýys-túıis boldy.
2 qyrkúıekte QazUÝ jýrnalıstıka fakýltetiniń dekany taǵaıyndaldy.
Jýrnalıst-pedagog Qanat Áýesbaı ál-Farabı atyndaǵy Qazaq ulttyq ýnıversıteti jýrnalıstıka fakýltetiniń dekany bolyp taǵaıyndaldy. Bul týraly JOO baspasóz qyzmeti málim etti.
Qanat Áýesbaıuly 1982 jyly 14 qańtarda qazirgi Taraz qalasynda týǵan.
2004 jyly ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin «halyqaralyq jýrnalıstıka» mamandyǵy boıynsha úzdik dıplommen bitirip, aspırantýrasynyń kúndizgi bólimin támamdaǵan.
BAQ jáne úkimettik emes uıymdarda baı tájirıbesi bar: «31 arna», «Qazaqstan», «Astana» sııaqty respýblıkalyq arnalarda tilshi, redaktor-sarapshy, telejúrgizýshi, shef-redaktor, Jalpyulttyq qozǵalystyń medıa-dırektory, Prezıdent ortalyǵy baspasóz qyzmetiniń aǵa sarapshysy, «Qazaqstan» respýblıkalyq teleradıokorporatsııasy» AQ Atyraý oblystyq fılıaly dırektory, Elorda Aqparat medıa-holdınginiń dırektor orynbasary, halyqaralyq «Qazaq tili» qoǵamynyń Astanadaǵy fılıalynyń tóraǵasy, «Qazaqstan» teleradıokorporatsııasynyń dıdjıtal dırektory bolyp qyzmet etti.
2010 jyly «Qazaq telearnalaryndaǵy qazirgi aqparattyq baǵdarlamalar tabıǵaty» taqyrybynda kandıdattyq dıssertatsııa qorǵady. «Bolashaq» halyqaralyq stıpendııasy aıasynda Ulybrıtanııada ǵylymı-pedagogıkalyq taǵylymdamadan ótti (University of East Anglia, Norwich).
Qazaq ekonomıka, qarjy jáne halyqaralyq saýda ýnıversıtetin «ekonomıka jáne bıznes bakalavry» mamandyǵy boıynsha aıaqtaǵan. «Turan-Astana» ýnıversıtetinde «quqyq magıstri» akademııalyq dárejesin aldy.
Qazaqstan Jýrnalıster odaǵy syılyǵynyń laýreaty, Qazaqstan jastar odaǵy «Serper» syılyǵynyń ıegeri, BAQ ókilderi arasyndaǵy respýblıkalyq «Nur Sunqar» baıqaýynyń jeńimpazy, «Aqparat salasynyń úzdigi», «Mádenıet salasynyń úzdigi» tósbelgilerimen marapattalǵan.
Ulybrıtanııada basylyp shyqqan qazaq jáne aǵylshyn tilindegi «Batys kórgen. Ulybrıtanııa qazaqtyń kózimen» kitabynyń avtory.
2 qyrkúıekte Erbol Myrzabosynov Týrızm jáne sport mınıstri qyzmetine taǵaıyndaldy.
Erbol Myrzabosynov 1984 jyly Shyǵys Qazaqstan oblysynda dúnıege kelgen.
Semeı memlekettik pedagogıkalyq ınstıtýtyn, Qazaq gýmanıtarlyq-zań ınnovatsııalyq ýnıversıtetin, Qazaq sport jáne týrızm akademııasyn bitirgen.
Eńbek jolyn 2005 jyly Semeı memlekettik pedagogıka ınstıtýty dene shynyqtyrý jáne sport teorııasy men ádistemesi kafedrasynyń assıstenti, jattyqtyrýshy-oqytýshysy bolyp bastady.
2009-2014 jyldary — Semeı qalasynyń memlekettik pedagogıkalyq ınstıtýtynyń dene tárbıesi kafedrasynyń oqytýshysy, keıin meńgerýshisi.
2006-2018 jyldary — Shyǵys Qazaqstan oblystyq buqaralyq sporttaǵy joǵary sport sheberligi mektebi jattyqtyrýshy-oqytýshysy.
2018-2020 jyldary «Qyzyljar arlandary» sport klýbynyń dırektory bolyp jumys istedi.
2020-2021 jyldary — «Qazaq kuresi» qaýymdastyǵynyń basqarýshy dırektory.
2021-2023 jyldary Dene shynyqtyrý jáne buqaralyq sport akademııasynyń rektory boldy.
2023 jyly aqpanda Mádenıet jáne sport mınıstrliginiń sport jáne dene shynyqtyrý isteri komıtetiniń tóraǵasy bolyp taǵaıyndaldy.
Aptanyń alǵashqy kúni Óskemen qalasy ákiminiń orynbasary bolyp Nursultan Maratov taǵaıyndaldy.
Nursultan Shattyquly 1993 jyly 10 shildede Aqtóbe oblysy Temir qalasynda dúnıege kelgen. 4 dıplomy bar, atap aıtqanda ulybrıtanııalyq Manchester ýnıversıtetin, Nıderlandydaǵy Leıden ýnıversıtetin, QR Qarjy mınıstrligi Qarjy akademııasyn jáne Reseı Federatsııasynyń Syrtqy ister mınıstrligi dıplomatııalyq akademııasyn támamdaǵan.
Eńbek jolyn 2018 jyly Investıtsııalar komıtetiniń Astana qalasy boıynsha arnaıy ekonomıkalyq jáne ındýstrııalyq aımaqtar departamentinde sarapshy mindetin atqarýshy bolyp bastady. Máskeýdegi QR elshiliginde Syrtqy ister mınıstrliginiń ınvestıtsııalyq jobalardy júzege asyrý boıynsha attashesi laýazymynda qyzmet atqardy. Memlekettik qyzmettegi jalpy eńbek ótili – 8 jyl 2 aı. Jańa orynbasardy ujymǵa qala ákimi Jaqsylyq Omar tanystyrdy.
3 qyrkúıekte Mańǵystaý oblysy boıynsha Sot ákimshiligi departamentiniń basshysy taǵaıyndaldy.
Sot ákimshiligi basshysynyń orynbasary Jantemir Shákıev oblystyq sottardyń sýdıalary men ujymdaryna SÁ Mańǵystaý oblysy boıynsha departamentiniń basshysy Erjan Ersaıynovty tanystyrdy.
Іs-sharaǵa oblystyq sottyń tóraǵasy Erbol Rahymbekov qatysty. J.Shákıev E.Ersaıynovtyń memlekettik qyzmettegi, onyń ishinde sot ákimshiligi salasyndaǵy kóp jyldyq eńbek tájirıbesin atap ótti.
Spıker jańadan taǵaıyndalǵan basshyǵa jumysyna sáttilik tilep, Mańǵystaý oblysy sottarynyń jumysyn uıymdastyrý sapasyn arttyrý boıynsha birqatar mindetterge toqtaldy.
E.Ersaınov 1979 jyly Shyǵys-Qazaqstan oblysynda dúnıege kelgen. S.Amanjolov atyndaǵy Shyǵys Qazaqstan memlekettik ýnıversıtetin bitirdi. 2002 jyldan bastap ortalyq jáne jergilikti atqarýshy organdarda ártúrli basshylyq laýazymdarda qyzmet atqardy; 2016-2018 jj. Qazaqstan Respýblıkasy Joǵarǵy Sotynyń janyndaǵy Sottardyń qyzmetin qamtamasyz etý departamentinde sektor meńgerýshisi; Osy ýaqytqa deıin kommertsııalyq salada jumys istedi.
3 qyrkúıekte Nurbek Qonrotbaev Pavlodar oblysy memlekettik sáýlet-qurylys baqylaý basqarmasynyń basshysy bolyp taǵaıyndaldy.
Nurbek Zeınollauly 1990 jyly týǵan. S. Toraıǵyrov atyndaǵy Pavlodar memlekettik ýnıversıtetin 2014 jyly «qarjy», 2018 jyly «kólik qurylysy» mamandyqtary boıynsha aıaqtaǵan. «Qurylys» mamandyǵy boıynsha magıstr dárejesi bar.
Eńbek jolyn 2009 jyly «Aqsý-qurylys» JShS ınjeneri bolyp bastaǵan.
2009 jyldan 2015 jylǵa deıin memlekettik emes qurylymdarda eńbek etti.
2015 jyldan bastap Pavlodar oblysynyń jergilikti atqarýshy organdarynyń TÚKSh salasynda ınspektordan bastap bólim basshysyna deıingi ártúrli laýazymdarda qyzmet atqardy.
2023 jyldyń qańtar-shilde aralyǵynda - Ekibastuz qalasy ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy.
2023 jyldyń shildesinen bastap osy laýazymǵa taǵaıyndalǵanǵa deıin Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy bolyp qyzmet etti.
Seısenbide Pavlodar oblysynyń kásipkerlik basqarmasyna jańa basshy taǵaıyndaldy.
Lıýdmıla Rashıdqyzy 1981 jyly Pavlodar qalasynda týǵan. 2002 jyly Almaty ekonomıka jáne statıstıka ınstıtýtyn «býhgalterlik esep jáne aýdıt» mamandyǵy boıynsha aıaqtaǵan.
Eńbek jolyn 2002 jyly Pavlodar oblysynyń ekonomıka jáne bıýdjettik josparlaý basqarmasynyń qurylymdyq jáne ınvestıtsııalyq saıasat bóliminiń bas mamany bolyp bastady. Mamannan bastap ekonomıkalyq taldaý jáne boljaý bóliminiń basshysyna deıingi eńbek jolynan ótti.
2016-2021 jyldary oblystyń ekonomıka jáne bıýdjettik josparlaý basqarmasy basshysynyń orynbasary, oblystyń kásipkerlik jáne ındýstrııalyq-ınnovatsııalyq damý basqarmasy basshysynyń orynbasary qyzmetterin atqardy.
2021 jyldyń mamyr aıynan bastap partııa jumysymen aınalysty. Osy laýazymǵa taǵaıyndalǵanǵa deıin, 2021 jyldyń tamyz aıynan beri Pavlodar oblysy ákiminiń keńesshisi boldy.
4 qyrkúıekte QR Tótenshe jaǵdaılar mınıstriniń buıryǵymen azamattyq qorǵaý polkovnıgi Amrın Rýstambek Pavlodar oblysynyń tótenshe jaǵdaılar departamentiniń bastyǵy bolyp taǵaıyndaldy.
Rýstambek Amrın 1980 jyly 14 qańtarda Reseı Federatsııasynyń Omby qalasynda dúnıege kelgen. 2000 jyly Reseı ІІM Memlekettik órtke qarsy qyzmet akademııasynyń Ekaterınbýrg fılıalyn, 2009 jyly QR Tótenshe jaǵdaılar mınıstrligi Kókshetaý tehnıkalyq ınstıtýtyn támamdaǵan.
Azamattyq qorǵaý organdaryndaǵy eńbek jolyn 1997 jyldan bastap órt sóndirý bóliminiń jeke beketiniń profılaktıkalyq quramy tobynyń ınspektory, órt sóndirý bóliminiń qaraýyl bastyǵy qyzmetinen bastady. Ár jyldary órt sóndirý bóliminiń aǵa ınjeneri, bastyqtyń orynbasary, bastyǵy, Kúshter men quraldardy jedel basqarý ortalyǵynyń órt sóndirý jáne avarııalyq-qutqarý jumystary bólim bastyǵy, basqarmasynyń bastyǵy, TJD Órt sóndirý jáne avarııalyq-qutqarý jumystary qyzmeti bastyǵynyń orynbasary, Tótenshe jaǵdaılardy joıý basqarmasynyń bastyǵy, Daǵdarys jaǵdaılarynda basqarý ortalyǵynyń bastyǵy laýazymdarynda qyzmet atqardy.
6 qyrkúıek kúni Oljas Súleımenov QR Shvetsııa Koroldigindegi Tótenshe jáne Ókiletti Elshisi laýazymyna taǵaıyndaldy. Bul týraly Aqordanyń baspasóz qyzmeti habarlady.
Oljas Súleımenov 1980 jyly 2 shildede Pavlodar qalasynda dúnıege kelgen. 2002 jyly Abaı atyndaǵy Almaty memlekettik ýnıversıtetin úzdik bitirdi. 2011 jyly «Bolashaq» halyqaralyq baǵdarlamasy boıynsha Ulybrıtanııadaǵy «Nottingham» ýnıversıtetinde magıstr dárejesin aldy.
Óziniń dıplomatııalyq mansabyn 2002 jyly Qazaqstan Respýblıkasy Syrtqy ister mınıstrligi Konsýldyq qyzmet departamentiniń mamany qyzmetinen bastaǵan.
2003-2004 jyldary QR SІM Eýropa jáne Amerıka departamentiniń attashesi, al 2004-2005 jyldar aralyǵynda Syrtqy ister mınıstri Keńsesiniń attashesi, keıin úshinshi hatshysy boldy.
2008-2011 jyldary QR Parlamenti Senaty Apparaty basshysynyń kómekshisi qyzmetin atqardy, 2011-2012 jyldary – QR Parlamenti Senaty Apparatynyń Parlamentaralyq baılanystar jáne halyqaralyq yntymaqtastyq bóliminiń bas konsýltanty.
2012-2013 jyldary QR Prezıdenti Ákimshiliginiń Strategııalyq ázirlemeler jáne taldaý ortalyǵynyń konsýltanty qyzmetin atqardy, al 2013-2015 jyldary QR Premer-Mınıstri Keńsesiniń Syrtqy baılanystar jáne hattama bólimi meńgerýshisiniń orynbasary boldy.
2015 jyldan 2020 jylǵa deıin Ispanııadaǵy QR Elshiliginde keńesshi jáne keńesshi-ýákili laýazymdarynda jumys istedi.
2020-2022 jyldary QR SІM Amerıka departamenti dırektorynyń orynbasary qyzmetin atqardy.
Qazaqstannyń Shvetsııadaǵy Elshisi bolyp taǵaıyndalǵanǵa deıin 2022 jylǵy naýryzdan bastap QR SІM Eýropa departamentiniń dırektory boldy.
I synypty Keńesshi dıplomatııalyq dárejege ıe.
Aǵylshyn jáne ıspan tilderin meńgergen.
Juma kúni Shyǵys Qazaqstan oblysynda Kúrshim aýdanynan bólinip shyqqan Marqakól aýdanynyń ákimi bolyp Rústembek Kemeshev taǵaıyndaldy. https://kaz.inform.kz/news/shko-da-zhanadan-kurilgan-markakol-audanina-akm-tagayindaldi-588b3b/
Búgin Shyǵys Qazaqstan oblysynyń ákimi Ermek Kósherbaev Marqakól aýdanyna jumys sapary barysynda jańa ákimdi turǵyndarǵa tanystyrdy.
Aýdan ákimi bolyp Rústembek Kemeshev taǵaıyndaldy. Buǵan deıin Marqakól aýyldyq okrýginiń ákimi qyzmetin atqarǵan.
Rústembek Nábıoldınuly Shyǵys Qazaqstan oblysy Marqakól aýdany Gornyı aýylynyń týmasy.
1996 jyly Terekti mádenıet úıinde uıymdastyrýshy laýazymynan bastaǵan.
1999-2003 jyldary № 2 Terekti orta mektebiniń án jáne mýzyka pániniń muǵalimi boldy.
2019 jylǵa deıin Marqakól balalar saz mektebiniń dırektory laýazymyn atqarǵan.
2019 jyldan osy ýaqytqa deıin Kúrshim aýdany Marqakól aýyldyq okrýginiń ákimi boldy.
6 qyrkúıek kúni Shyǵys Qazaqstan oblysy Katonqaraǵaı aýdanynyń ákimi bolyp Danııar Dúısenbaev taǵaıyndaldy.
Buǵan deıin ol ShQO boıynsha saýda jáne tutynýshylardyń quqyqtaryn qorǵaý departamentin basqarǵan.
Danııar Bekqazyuly 1979 jyly burynǵy Semeı oblysy Shubartaý aýdany Órkek aýylynda dúnıege kelgen.
2000 jyly Shyǵys Qazaqstan memlekettik ýnıversıtetin «qazaq tili men ádebıeti», 2007 jyly Ortalyq Azııa ýnıversıtetin «quqyqtaný», 2019 jyly D,Serikbaev atyndaǵy Shyǵys Qazaqstan tehnıkalyq ýnıversıtetin «ekonomıka» mamandyǵy boıynsha támamdaǵan.
Eńbek ótilin 1998-2000 jyldary «Turmystyq qyzmet kórsetý úıi» AQ-da kúzetshi bolyp bastaǵan.
Ár jyldary Óskemendegi S.Amanjolov atyndaǵy Shyǵys Qazaqstan ýnıversıtetiniń ákimshilik bóliminiń mamany, atalmysh ýnıversıtettiń kúzet qyzmetiniń bastyǵy, Óskemen qalasy ákimdiginiń «Іs basqarmasy» KMQK №10 fılıalynyń dırektory bolyp eńbek etken.
2010-2011 jyldary Shyǵys Qazaqstan oblystyq bilim basqarmasy ákimshilik bóliminiń bas maman-zańgeri, 2012-2013 jyldary Shyǵys Qazaqstan oblysy ákimi apparatynyń uıymdastyrý-ınspektorlyq bóliminiń bas ınspektory, 2013-2014 jyldary Rıdder qalasy ákimi apparaty basshysynyń mindetin atqarýshy, 2014-2022 jyldary Rıdder qalasy ákiminiń orynbasary qyzmetterin atqarǵan.
2023 jyldan bastap osy ýaqytqa deıin Shyǵys Qazaqstan oblysy boıynsha saýda jáne tutynýshylardyń quqyqtaryn qorǵaý departamentiniń basshysy laýazymyn atqarǵan.
6 qyrkúıek kúni Astanada Qazaqstan taekvondo (WT) federatsııasy músheleriniń kezekten tys jınalysy ótti. Kún tártibinde birneshe másele qarastyrylyp, Federatsııanyń jańa prezıdenti saılandy.
Ulttyq olımpıadalyq komıtettiń málimetinshe, jıynǵa qatysqan 20 oblystyq federatsııa men sporttyq uıymdardyń ókilderinen usynylǵan kandıdatýrany 14 adam qoldaǵan. Nátıjesinde Qazaqstandyq taekvondo (WT) federatsııasynyń prezıdenti retinde Shamıev Kýdrát Ignatuly saılandy.
Aıta ketelik, Shamıev bul qyzmette Vıacheslav Kımdi almastyrǵan bolatyn. Anyqtama: Shamıev Kýdrát Ignatuly – kásipker-metsenat, 34 jasta, Azııa-Tynyq muhıty tehnologııa jáne ınnovatsııalar ýnıversıtetinde «halyqaralyq bıznesti basqarý» mamandyǵy boıynsha bilim alǵan, eńbek ótili 12 jyl, qazirgi ýaqytta «Integra Construction KZ» JShS baqylaý keńesiniń tóraǵasy, 2021 jyly «Eren eńbegi úshin» medalimen marapattaldy.
Sondaı-aq, juma kúni «Aqtóbe» fýtbol klýby jańa bas bapkerin tanystyrdy.
Osylaısha «Aqtóbe» fýtbol komandasyn Igor Leonov jattyqtyratyn boldy.
Aqtóbe oblysy ákiminiń orynbasary, «Aqtóbe» FK dırektorlar keńesiniń tóraǵasy Ǵalymjan Eleýov komandanyń oıynshylary jáne bapkerlik qurammen kezdesip, jańa bas bapkerdi tanystyrdy.
«Aqtóbe» FK baspasóz qyzmetiniń habarlaýynsha, Ǵ.Eleýov sporttyń damýyna, onyń ishinde fýtbolǵa oblys basshylyǵy kóp kóńil bólip kele jatqanyn alǵa tartyp, bapkerdiń aldyna birqatar mindet qoıdy.
