Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM — Osy aptada elimizdiń ortalyq jáne jergilikti atqarýshy organdarynda birqatar kadrlyq aýys–túıis boldy.
Apta basynda Aqtaý qalasy ákiminiń orynbasary aýysty. Bul qyzmetke Áset Shopanov keldi.
Ol Sh. Esenov atyndaǵy Aqtaý memlekettik ýnıversıtetin bitirgen.
Eńbek jolyn 2002 jyly Beıneý aýdany ákimi apparatynyń bas mamany bolyp bastaǵan, 2003-2018 jyldary Beıneý aýdany ákimdiginde túrli laýazymdarda qyzmet atqardy.
2018-2020 jyldary Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynda ártúrli laýazymdardy atqardy.
2020-2022 jyldary Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary qyzmetin atqardy.
2022-2024 jyldary Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy boldy.
Adam quqyqtary jónindegi ýákildiń Qostanaı oblysy boıynsha ókili taǵaıyndaldy. Atalǵan laýazymǵa Maqsat Shákirbaev keldi.
Shyǵys Qazaqstan oblysy boıynsha ekonomıkalyq tergeý departamentiniń basshysy bolyp Arman Júnisov taǵaıyndaldy.
Arman Orazuly 1977 jyly Óskemen qalasynda týǵan. Mamandyǵy — ekonomıst-zańger. Joǵarǵy sot janyndaǵy Quqyq qorǵaý akademııasyn aıaqtaǵan.
Eńbek jolyn 1999 jyly QR Sot saraptamasy ortalyǵynyń ShQO jáne Astana qalasyndaǵy óńirlik mekemelerinde bastady.
2007-2019 jyldary Memlekettik qyzmet isteri agenttiginiń elordalyq departamentinde birqatar qyzmette jumys istedi. Sonyń ishinde Astana qalasy Qarjy polıtsııasy departamentiniń Tergeý basqarmasynyń bastyǵy laýazymyn atqarǵan.
2019-2020 jyldary QR Qarjy mınıstrligi Qarjy monıtorıng komıteti tergeý departamentiniń basshysy bolyp eńbek etti.
Osy laýazymǵa taǵaıyndalmas buryn Pavlodar oblysy boıynsha ekonomıkalyq tergeý departamentin basqarǵan.
Qazaqstan SІM Halyqaralyq aqparat komıtetiniń tóraǵasy — Resmı ókili retinde Aıbek Smadııarov taǵaıyndaldy.
Aıbek Smadııarov 1983 jylǵy 7 shildede Ońtústik Qazaqstan oblysynda dúnıege kelgen. 2004 jyly Abylaı han atyndaǵy Qazaq halyqaralyq qatynastar jáne álem tilderi ýnıversıtetin bitirgen.
Eńbek jolyn 2005 jyly «Qazaqstandaǵy Qytaı banki» AQ Admınıstratıvtik departamentiniń mamany retinde bastaǵan. 2006 jyldan 2008 jylǵa deıin Qazaqstan Respýblıkasynyń Syrtqy ister mınıstrligi Konsýldyq qyzmet departamentiniń mamany retinde qyzmet atqardy.
2008-2010 jyldary QR SІM Eýropa departamentiniń attashesi jáne úshinshi hatshysy laýazymdarynda jumys istedi.
2010-2012 jyldar aralyǵynda Qazaqstannyń Majarstandaǵy Elshiliginde úshinshi hatshy qyzmetin atqardy.
2012 jyldan 2013 jylǵa deıin QR Prezıdentiniń Baspasóz qyzmetinde sarapshy, al 2013-2014 jyldary QR SІM Syrtqy saıası saraptaý men boljamdaý komıtetiniń birinshi hatshysy laýazymyn atqardy.
2014 jyldan 2018 jylǵa deıin Vetnamdaǵy QR Elshiliginde ekinshi jáne birinshi hatshy qyzmetinde jumys istedi.
2018-2019 jyldary QR SІM Baspasóz qyzmetin basqaryp, 2019-2023 jyldar aralyǵynda QR SІM Halyqaralyq aqparat komıteti tóraǵasynyń orynbasary — Baspasóz hatshysy laýazymyn atqardy.
QR SІM Halyqaralyq aqparat komıtetiniń tóraǵasy bolyp taǵaıyndalǵanǵa deıin 2023 jylǵy maýsymnan bastap QR SІM Kommýnıkatsııalar departamentiniń dırektory — Resmı ókili boldy. II synypty Tótenshe jáne Ókiletti Ýákil dıplomatııalyq dárejesine ıe. Qazaq, orys, aǵylshyn jáne túrik tilderin meńgergen.
Sársen Quranbek Shymkent qalasy ákimdiginiń resmı ókili bolyp bekitildi.
Sársen Abaıuly 1976 jyly Almaty oblysy Kerbulaq aýdany Qyzyljar aýylynda týǵan.
Ál-Farabı atyndaǵy Qazaq ulttyq memlekettik ýnıversıtetin bitirgen. Sondaı-aq qazaqtyń sport jáne týrızm akademııasy men «Qaztutyný» odaǵy Qaraǵandy ekonomıkalyq ýnıversıtetiniń túlegi. Mamandyǵy — fılosofııa, dene shynyqtyrý mádenıetiniń oqytýshysy, karate jattyqtyrýshysy, quqyqtanýshy.
Sársen Abaıuly eńbek jolyn 1995 jyly Almaty qalasyndaǵy «№ 4 olımpıadalyq rezervtegi mamandandyrylǵan balalar-jasóspirimder mektebi» memlekettik kommýnaldyq qazynalyq kásipornynyń jattyqtyrýshy-oqytýshysy bolyp bastady.
2003–2023 jyldar aralyǵynda jeke sektorda jáne ortalyq memlekettik organdarda jaýapty basshylyq qyzmetter atqardy.
2023 jyldyń aqpan aıynan bastap 8 qarashaǵa deıin Mádenıet jáne sport vıtse-mınıstri laýazymynda eńbek etti.
2023 jyldyń 8 qarashasynan bastap Shymkent qalasy ákiminiń orynbasary qyzmetin atqardy.
Abaı oblysy ekonomıkalyq tergeý departamentiniń basshysy bolyp Erjan Bólegenov taǵaıyndaldy.
Erjan Erǵalıuly 1978 jyly Ońtústik Qazaqstan oblysynda týǵan. Abaı atyndaǵy Almaty memlekettik ulttyq ýnıversıtetiniń zań fakýltetin bitirgen.
Eńbek jolyn Astana qalasynyń prokýratýrasynda bastaǵan. 2009-2015 jyldary Astana qalasynyń Esil aýdany jáne Aqmola oblysy Kókshetaý qalasynyń prokýrory qyzmetterin atqardy.
2015-2018 jyldary Pavlodar qalasynyń prokýrory. 2018-2019 jyldary Ońtústik Qazaqstan oblysy prokýrorynyń orynbasary. 2019 jyldan 2021 jylǵa deıin Túrkistan oblysy prokýrorynyń orynbasary.
2021 jylǵy naýryzdan bastap osy ýaqytqa deıin QR Qarjylyq monıtorıng agenttiginiń Qostanaı oblysy boıynsha ekonomıkalyq damý departamentiniń basshysy bolyp jumys istedi.
Qarjylyq monıtorıng agenttigi tóraǵasynyń buıryǵymen Atyraý oblystyq ekonomıkalyq tergep-tekserý departamentiniń basshysy laýazymyna Nurlan Kárimov taǵaıyndaldy.
Nurlan Mahsotuly 1981 jyly Batys Qazaqstan oblysynda týǵan. Ekonomıkalyq tergeý qyzmetiniń polkovnıgi.
Onyń eki joǵary bilimi bar. Qarjy polııtsııasy akademııasyn, Batys Qazaqstandaǵy «Eýrazııa» menedjment jáne tilder ınstıtýtyn bitirgen.
Eńbek jolyn 2002 jyly bastaǵan. Sodan beri qarjy polıtsııasy organynda tergeýshi, aǵa tergeýshi bolyp jumys itegen. Ekonomıkalyq jáne sybaılas jemqorlyqpen kúres agentiginde, Qarjy mınıstrliginde, ekonomıkalyq tergeý organynda laýazymdy qyzmet atqarǵan.
Al 2022 jyly Abaı oblysynyń ekonomıkalyq tergep-tekserý departamentiniń basshysy bolyp taǵaıyndalǵan.
Serik Sermaǵambetov QR AShM Balyq sharýashylyǵy komıtetiniń tóraǵasy bolyp taǵaıyndaldy.
Serik Saǵıtjanuly Sermaǵambetov 1965 jyly 29 qańtarda Qyzylorda oblysy Qazaly aýdanynda dúnıege kelgen.
«Ekonomıst» (Almaty halyq sharýashylyǵy ınstıtýty) jáne «zańger» (L. N. Gýmılev atyndaǵy Eýrazııa ýnıversıteti) mamandyqtary boıynsha eki joǵary bilimi bar.
Eńbek jolyn 1988 jyly Almaty qalasynda Balyq sharýashylyǵy mınıstrliginiń ortalyq materıaldyq-tehnıkalyq jabdyqtaý bazasynda bas ekonomıst bolyp bastaǵan.
Ár jyldary Qyzylorda balyq zaýytynyń ekonomıst-qarjygeri, ákim apparatynyń aǵa ınspektory, Qyzylorda oblysy apparatynyń basshysy, Qyzylorda oblysy Shıeli aýdany ákiminiń orynbasary, Qyzylorda oblysy Kásipkerlik jáne ónerkásip basqarmasynyń basshysy qyzmetterin atqarǵan.
Sondaı-aq, Qyzylorda oblysy Jalaǵash jáne Aral aýdanynyń ákimi, «Baıqońyr» ÁKK AQ UK Basqarma tóraǵasynyń orynbasary qyzmetterin atqardy.
Taǵaıyndalǵanǵa deıin Qyzylorda oblysynyń Tabıǵı resýrstar jáne tabıǵatty paıdalanýdy retteý basqarmasynyń basshysy qyzmetin atqardy.
Qazaqstan taekvondo federatsııasynyń bas hatshysy bolyp Aral Sadyqov taǵaıyndaldy. Buǵan deıin ol Qazaqstan taekvondo federatsııasynyń birinshi vıtse-prezıdenti bolǵan.
Joǵary aýdıtorlyq palatanyń múshesi qyzmetine Amangeldi Isenov taǵaıyndaldy.
Amangeldi Isenov 2000 jyldan bastap memlekettik qyzmette. 2004 jyldan bastap kvazımemlekettik sektor qurylymynda ekonomıka jáne qarjy máseleleri boıynsha basshylyq qyzmetterdi atqarǵan.
Buǵan deıin Eýrazııalyq damý bankiniń basqarma tóraǵasynyń orynbasary, Qazaqstan Damý bankiniń basqarma tóraǵasynyń orynbasary qyzmetin atqardy. Ekonomıka salasyndaǵy jetistikteri úshin Eren eńbegi medalimen marapattalǵan.
Jambyl oblysy ákiminiń ókimine sáıkes Shalqar Bolatuly Amanturov tsıfrlandyrý jáne arhıvter basqarmasynyń basshysy laýazymyna taǵaıyndaldy.
Shalqar Bolatuly 1982 jyly dúnıege kelgen. Bilimi joǵary. Ońtústik Qazaqstan polıtehnıkalyq kolledjin «Esepteý tehnıkasy men avtomattyq júıelerge arnalǵan baǵdarlamalyq qamtamasyz etý», Almaty ekonomıka jáne statıstıka ınstıtýtyn «Qarjy jáne nesıe», Qazaq ınjenerlik-tehnıkalyq akademııasyn «Aqparattyq júıeler» mamandyqtary boıynsha bitirgen.
Eńbek jolyn 2002 jyly Shymkent qalasyndaǵy QR Qarjy mınıstrliginiń Ońtústik Qazaqstan oblysy boıynsha Salyq komıtetiniń aqparattyq tehnologııalar basqarmasynyń bas mamany bolyp bastaǵan.
2006-2009 jyldary QR Qarjy mınıstrliginiń Astana qalasy boıynsha Salyq komıtetiniń aqparattyq tehnologııalar bóliminiń bastyǵy, basqarma bastyǵy;
2009-2013 jyldary QR Baılanys jáne aqparat mınıstrliginiń «Telekommýnıkatsııalar salasyndaǵy tehnıkalyq qoldaý jáne taldaý ortalyǵy» RMK Aqparattyq tehnologııalar departamenti Aqparattyq qaýipsizdik basqarmasynyń CERT qyzmetiniń jetekshi mamany, «Elektrondyq úkimet qaýipsizdigi monıtorıngi ortalyǵy» bóliminiń jetekshi ınjeneri;
2013-2014 jyldary QR Kólik jáne kommýnıkatsııa mınıstrliginiń «Telekommýnıkatsııalar salasyndaǵy tehnıkalyq qoldaý jáne taldaý ortalyǵy» ShJQ RMK-nyń Eksplýatatsııa basqarmasy tehnıkalyq qoldaý qyzmetiniń basshysy;
2014-2017 jyldary QR Kólik jáne kommýnıkatsııa mınıstrliginiń «Telekommýnıkatsııalar salasyndaǵy tehnıkalyq qoldaý jáne taldaý ortalyǵy» ShJQ RMK Eksplýatatsııa basqarmasynyń Aqparattyq tehnologııalar departamenti dırektorynyń orynbasary, dırektory;
2017-2018 jyldary Astana qalasyndaǵy «Transtelekom» AQ Ortalyq apparatynyń «Jelilerdi jańǵyrtý jáne damytý» baǵytynyń basshysy;
2018-2019 jyldary «Zerde» ulttyq ınfokommýnıkatsııalyq holdıngi» AQ-nyń Arhıtektýrany damytý departamenti Tsıfrlyq transformatsııa bóliminiń basshysy;
2019-2021 jyldary Astana qalasyndaǵy «Elektrondyq qarjylandyrý ortalyǵy» AQ Kiristerdi tsıfrlandyrý, esepke alý jáne baqylaý departamentiniń dırektory;
2021-2022 jyldary «QR Strategııalyq josparlaý jáne reformalar agenttigi Ulttyq statıstıka bıýrosynyń Aqparattyq-esepteý ortalyǵy» ShJQ RMK Jobalardy basqarý departamentiniń dırektory, dırektorynyń orynbasary.
2022 jyly Astana qalasyndaǵy «Agrarlyq sektordaǵy ekonomıkalyq saıasattyń taldaý ortalyǵy» JShS Basqarma tóraǵasynyń keńesshisi laýazymdarynda jumys istedi.
2022 jyldyń qarasha aıynan bastap Astana qalasyndaǵy «Agrarlyq sektordaǵy ekonomıkalyq saıasattyń taldaý ortalyǵy» JShS Basqarma tóraǵasynyń orynbasary laýazymynda qyzmet atqaryp keldi.
Qazaqstan Respýblıkasy Densaýlyq saqtaý mınıstriniń buıryǵymen Baýyrjan Álisheruly Júsipov Mınıstrliktiń Medıtsınalyq jáne farmatsevtıkalyq baqylaý komıtetiniń tóraǵasy qyzmetine taǵaıyndaldy.
1981 jyly Shymkent qalasynda dúnıege kelgen. Ońtústik Qazaqstan memlekettik medıtsına akademııasyn, «Astana medıtsına ýnıversıteti» AQ bitirgen.
Eńbek jolyn 2002 jyly Shymkent qalasy, Qalalyq jedel medıtsınalyq járdem kórsetý stansasy jelilik brıgadasynyń feldsheri bolyp bastaǵan.
2006–2008 jyldary — Astana qalasy, Qazaq memlekettik medıtsına akademııasynyń «Hırýrgııa» mamandyǵy boıynsha klınıkalyq ordınatory.
2008–2010 jyldary — Astana qalasy, «Ulttyq ǵylymı medıtsınalyq ortalyq» RMK gınekologııa bólimshesiniń dáriger-angıohırýrgy.
2010 jyldan 2013 jylǵa deıin QR Densaýlyq saqtaý mınıstrligi Ǵylym jáne adamı resýrstar departamenti Medıtsınalyq ǵylym jáne bilim basqarmasynyń sarapshysy, «Respýblıkalyq shuǵyl medıtsınalyq kómek ǵylymı ortalyǵy» AQ bilim bóliminiń mamany, túrli medıtsınalyq holdıngter men uıymdarda menedjer, bas menedjer bolyp jumys istedi.
2013–2014 jyldary — Astana qalasy, «Respýblıkalyq dıagnostıkalyq ortalyq» AQ hırýrgııa jáne ishki aýrýlar bóliminiń angıohırýrg dárigeri.
2014–2015 jyldary — Astana qalasy, «Respýblıkalyq dıagnostıkalyq ortalyq» AQ dıagnostıka ortalyǵynyń basshysy.
2016–2017 jyldary — Astana qalasy, «University Medical Center» korporatıvtik qory ıAdrolyq medıtsına jáne sáýlelik dıagnostıka ortalyǵynyń basshysy.
2017–2018 jyldary — Astana qalasy, «Respýblıkalyq densaýlyq saqtaýdy damytý ortalyǵy» ShJQ RMK Medıtsınalyq kómekti jetildirý ortalyǵynyń basshysy.
2018–2019 jyldary — QR Densaýlyq saqtaý mınıstrligi Medıtsınalyq kómekti uıymdastyrý departamenti ambýlatorııalyq-emhanalyq jáne jedel medıtsınalyq kómek basqarmasynyń basshysy.
2019–2020 jyldary — QR Densaýlyq saqtaý mınıstrligi Medıtsınalyq kómekti uıymdastyrý departamenti dırektorynyń orynbasary.
2021–2022 jyldary — QR Densaýlyq saqtaý mınıstrligi Dári-dármek saıasaty departamentiniń dırektory.
2022–2024 jyldary — QR Prezıdentiniń Іs basqarmasy vedomstvolyq qarasty uıymdaryn basqarý bóliminiń bas ınspektory.
2024 jylǵy shildeden bastap qazirgi ýaqytqa deıin — QR Prezıdentiniń Іs basqarmasy vedomstvolyq qarasty uıymdaryn basqarý bólimi meńgerýshisiniń orynbasary.
Qazaqstan fýtzal qaýymdastyǵynyń bas hatshysy taǵaıyndaldy. Bul qyzmetke Maqsat Álbekuly Tıýmalıev keldi.
M.Tıýmalıevtiń fýtzal men úlken fýtbolda tájirıbesi mol. Atalǵan qyzmetti buryn atqarǵan Dáýren Nurǵojın fýtzaldan Qazaqstan ulttyq quramasynda bas bapker Paýlo Rıkardo Fıgeıranyń kómekshisi retinde jumysyn jalǵastyrady.
QR tótenshe jaǵdaılar mınıstriniń buıryǵymen Rashıd Qultaıuly Dýbaev Ónerkásiptik qaýipsizdik komıtetiniń tóraǵasy qyzmetine taǵaıyndaldy.
1966 jyly Shyǵys Qazaqstan oblysynda dúnıege kelgen. Ál-Farabı atyndaǵy Qazaq memlekettik ýnıversıtetin bitirgen.
Eńbek jolyn 1992 jyly Semeı oblysy Shar aýdany prokýratýrasynda taǵylymger-tergeýshi bolyp bastaǵan.
1993-1997 jyldar aralyǵynda Almaty oblysy Áýezov aýdany prokýrorynyń keńesshisi, prokýror orynbasary qyzmetterin atqarǵan.
1997 jyldan 2000 jylǵa deıin QR Bas prokýratýrasy qurylymynda quqyq qorǵaý jáne salyq organdarynda tergeý jáne anyqtaý zańdylyǵyn qadaǵalaý basqarmasynyń prokýrory, Bas prokýrordyń aǵa kómekshisi — Pavlodar oblysy boıynsha Bas prokýratýranyń ókili jáne basqa da laýazymdy qyzmetter atqardy.
2000–2002 jyldary — Pavlodar oblysy Ádilet basqarmasynyń bastyǵy.
2002–2005 jyldary — Almaty qalasy Ádilet basqarmasynyń bastyǵy.
2005–2009 jyldary — Pavlodar oblysy Ádilet departamentiniń bastyǵy.
2009–2010 jyldary — QR Ádilet mınıstrligi «Aqparattyq-óndiristik ortalyǵy» RMK dırektorynyń orynbasary, Astana qalasy.
2012–2014 jyldary — QR Bas prokýratýrasynyń Іshki qaýipsizdikti qamtamasyz etý basqarmasy bastyǵy, Astana qalasy.
2014–2016 jyldary — Qaraǵandy oblysy prokýrorynyń birinshi orynbasary.
2022–2023 jyldary — QR TJM Ónerkásiptik qaýipsizdik komıtetiniń Abaı oblysy boıynsha departament basshysy.
2023 jyldyń qyrkúıeginen bastap qazirgi ýaqytqa deıin QR TJM Ónerkásiptik qaýipsizdik komıtetiniń Almaty qalasy boıynsha departament basshysy qyzmetin atqardy.
Semeı qalasy ákiminiń orynbasary bolyp Qýanysh Ábildaev taǵaıyndaldy.
Qýanysh Ábildaev 1989 jyly Qyzylorda oblysynda dúnıege kelgen. Ol 2011 jyly Qazaq gýmanıtarlyq zań ýnıversıtetin «Quqyqtaný» mamandyǵy, al 2014 jyly Qorqyt Ata atyndaǵy Qyzylorda memlekettik ýnıversıtetin «Ekonomıka» mamandyǵy boıynsha támamdaǵan.
Eńbek jolyn 2009 jyly Qyzylorda oblysy, Syrdarııa aýdandyq sotynda jetekshi maman retinde bastaǵan. 2009 jyly Qyzylorda oblysy, Jalaǵash aýdandyq sotynda bas mamany, 2011-2016 jyldary Qyzylorda oblysynyń sot aktilerin oryndaý departamentinde memlekettik sot oryndaýshy, QR Memlekettik qyzmet isteri agenttiginiń Qyzylorda oblysy boıynsha basqarmasynda konsýltant, konsýltant-ınspektor qyzmetterin atqardy.
2016-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentinde memlekettik qyzmet salasyndaǵy baqylaý basqarmasynyń basshysy boldy.
2019 jyldan osy ýaqytqa deıin Qyzylorda oblysynyń ishki saıasat basqarmasy basshysynyń orynbasary laýazymyn atqardy.
Qazaqstan boks federatsııasynyń vıtse-prezıdenti taǵaıyndaldy. Bul qyzmetke Bolat Abdrahmanov keldi. Ol aımaqtarmen jumys boıynsha eńbek etedi.
Bolat Abdrahmanov 30 jylǵa jýyq otandyq sport salasynda eńbek etken. «Qurmet» ordeniniń ıegeri. Ár jyldary bokstan memlekettik jattyqtyrýshy, ulttyq qurama úılestirýshisi jáne taǵy basqa qyzmetter atqarǵan.
55 jastaǵy maman qalalyq bilim bóliminde jattyqtyrýshy, Olımpıadalyq rezervtegi balalar men jasóspirimder sport mektebiniń, Astana qalasynyń № 2 BJSM dırektory bolsa, odan keıin «Lokomotıv» dene shynyqtyrý-sport klýbynyń aǵa jattyqtyrýshysy qyzmetin atqardy.
Odan keıingi jyldarda «Olımpıadalyq rezervti daıyndaý ortalyǵynyń» dırektory, QR Týrızm jáne sport mınıstrligi Sport komıtetiniń «Shtattyq ulttyq komandalar jáne sport rezervi dırektsııasy» RMQK bokstan memlekettik jattyqtyrýshy, «Tarlan Batyrlary» JShS dırektory bolyp eńbek etti.