Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Ótken aptada elimizde birqatar kadrlyq aýys-túıis boldy.
Atap aıtqanda, Memleket basshysynyń ókimimen Erulan Kenjebekuly Jamaýbaev Qazaqstan Respýblıkasy Prezıdentiniń keńesshisi laýazymyna taǵaıyndaldy.
E. Jamaýbaev 1974 jyly 25 naýryzda Almaty oblysynda týǵan. Bilimi joǵary, 1995 jyly Qazaq memlekettik basqarý akademııasyn, «Qarjy jáne kredıt», 2009 jyly Qazaq ekonomıkalyq ýnıversıtetin bitirgen, «Іskerlik ákimshilendirý magıstri».
Eńbek jolyn 1996-1998 jyldary – Qazaq memlekettik basqarý akademııasynyń oqytýshysy bolyp bastaǵan.
1998-2006 jyldary – Qazaqstan Respýblıkasy Ulttyq banki Zertteýler jáne statıstıka departamentiniń jetekshi sarapshysy, bas sarapshysy, bas maman-sarapshysy, basqarma bastyǵy, dırektor orynbasary; 2006-2014 jyldary – Qazaqstan Respýblıkasy Ulttyq bankiniń Úılestirý departamentiniń dırektory.
2014-2015 jyldary – «Qazaqstannyń turǵyn úı qurylys banki» AQ-nyń basqarýshy dırektory. 2015 jylǵy shilde men qarasha aralyǵynda – Qazaqstan Respýblıkasynyń Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary. 2015 jylǵy qarasha men 2018 jylǵy qarasha aralyǵynda -Qazaqstan Respýblıkasynyń Prezıdenti Ákimshiliginiń Áleýmettik-ekonomıkalyq monıtorıng bóliminiń meńgerýshisi.
2018 jylǵy qarasha men 2019 jylǵy naýryz aralyǵynda Qazaqstan Respýblıkasy Prezıdentiniń Kómekshisi. 2019 jyldyń naýryz aıynan bastap - Qazaqstan Respýblıkasy Qarjy mınıstrliginiń jaýapty hatshysy boldy. 2020 jyldyń 18 mamyrynan beri QR Qarjy mınıstri qyzmetin atqaryp keldi. 2022 jyly QR Premer-Mınıstriniń orynbasary – Qarjy mınıstri qyzmetine taǵaıyndaldy.
***
Memleket basshysynyń ókimimen Syrymbet Erdenuly Qaskeev QR Strategııalyq josparlaý jáne reformalar agenttigi tóraǵasynyń orynbasary laýazymyna taǵaıyndaldy.
Syrymbet Qaskeev 2014 jyly M. V. Lomonosov atyndaǵy Máskeý memlekettik ýnıversıtetin qoldanbaly matematıka jáne ınformatıka mamandyǵy boıynsha bitirgen. Ár jyldary Halyqaralyq Valıýta Qorynyń qarjylyq baǵdarlamalaý jáne saıasat, fıskaldyq taldaý jáne boljaý boıynsha biliktiligin arttyrý kýrstarynan ótti.
2014-2016 jyldar aralyǵynda «Ekonomıkalyq zertteýler ınstıtýty» AQ taldamalyq zertteýler jáne boljamdaý ortalyǵynyń aǵa sarapshysy, dırektordyń orynbasary laýazymdaryn atqardy. 2016 jyldan bastap 2017 jylǵa deıin «Qazaqstannyń Damý Banki» AQ-da strategııa jáne josparlaý departamentiniń bas menedjeri laýazymynda jumys istedi.
2017-2020 jyldary «Báıterek Ulttyq basqarýshy holdıngi» AQ taldaý jáne zertteýler departamentiniń bas menedjeri qyzmetin atqardy, 2020-2022 jyldary «Báıterek Ulttyq basqarýshy holdıngi» AQ jobalyq qarjylandyrý jáne ınvestorlarmen jumys departamenti jobasynyń basshysy boldy. 2022 jylǵy sáýirden bastap QR Strategııalyq josparlaý jáne reformalar jónindegi agenttiginiń makroekonomıkalyq saıasat departamentiniń dırektory qyzmetin atqardy. Prezıdent jastar kadrlyq rezerviniń múshesi.
***
Qazaqstan Respýblıkasy Prezıdentiniń kelisimi negizinde Bas prokýrordyń 2024 jylǵy 17 mamyrdaǵy buıryǵymen aǵa ádilet keńesshisi Rýfat Baýyrjanuly Quttyqov Aqmola oblysynyń prokýrory laýazymyna taǵaıyndaldy.
R.B. Quttyqov eńbek jolyn 2000 jyly Aqtóbe oblysy Áıteke bı aýdany prokýrorynyń kómekshisi laýazymynan bastaǵan. Ár jyldary Aqtóbe oblysynyń mamandandyrylǵan tabıǵat qorǵaý prokýrory, Jambyl oblysy Jambyl aýdanynyń prokýrory, Atyraý oblysy Atyraý qalasynyń prokýrory, Qaraǵandy oblysy prokýrorynyń birinshi orynbasary, Bas prokýratýranyń Joldanymdarmen jumys jáne is júrgizý departamentiniń bastyǵy qyzmetterin atqarǵan. 2022 jyldan bastap Mańǵystaý oblysynyń prokýrory boldy.
***
Aqtóbe oblysy ákiminiń orynbasary qyzmetine Abzal Ábdikárimov taǵaıyndaldy.
A. Álıuly 1987 dúnıege kelgen. 2010 jyly «Bolashaq» baǵdarlamasymen Londondaǵy Koroldik kolledjin, 2011 jyly Bıznes mektebin, 2013 jyly Abaı atyndaǵy Qazaq ulttyq pedagogıkalyq ýnıversıtetin bitirgen.
Prezıdenttik jastar kadr rezerviniń múshesi. Eńbek jolyn 2010 jyly jeke kásipkerlik sýbektilerinde bastap, ulttyq kompanııalarda túrli laýazymda jumys istegen. 2016 - 2019 jyldary arylyǵynda QR Ulttyq ekonomıka mınıstriniń keńesshisi, Departament dırektorynyń orynbasary, dırektory qyzmetterin atqarǵan.
Al 2019 - 2022 jyldary aralyǵynda QR Ulttyq ekonomıka mınıstrliginiń Básekelestikti qorǵaý jáne damytý komıtetiniń, Qazaqstan Respýblıkasy Básekelestikti qorǵaý jáne damytý agenttiginiń Nur-Sultan qalasy boıynsha departamentin basqarǵan. 2022 jyldyń qańtar aıynan bastap búginge deıin Qazaqstan Respýblıkasynyń Ulttyq ekonomıka vıtse-mınıstri qyzmetin atqaryp keldi.
***
QR Kólik mınıstrliginiń buıryǵymen Abylaı Qazbaev Soltústik Qazaqstan oblysy boıynsha kóliktik baqylaý ınspektsııasynyń basshysy bolyp taǵaıyndaldy.
A. Sálimgereıuly 1965 jyly Aqtóbe oblysynda týǵan. Almaty temirjol kóligi ınjenerleriniń ınstıtýtyn jáne Qazaq memlekettik zań ýnıversıtetin qurylysshy, ıýrısprýdentsııa mamandyqtary boıynsha támamdady. Ár jyldary kedendik baqylaý salasynda basshylyq qyzmetter atqarǵan.
Al osy taǵaıyndaýǵa deıin Batys Qazaqstan oblysy boıynsha Kóliktik baqylaý ınspektsııasynyń basshysy bolyp eńbek etti.
***
QR Mádenıet jáne aqparat mınıstrliginiń kelisimimen Qýanyshbek Janbolatuly Muhanǵalıev Batys Qazaqstan oblysy mádenıet, tilderdi damytý jáne arhıv isi basqarmasynyń basshysy bolyp taǵaıyndaldy.
Qýanyshbek Janbolatuly 1987 jyly Batys Qazaqstan oblysynda dúnıege kelgen. Bilimi joǵary. Qurmanǵazy atyndaǵy Qazaq ulttyq konservatorııasyn dástúrli mýzykalyq óneri jáne Batys Qazaqstan ınnovatsııalyq-tehnologııalyq ýnıversıtetin memlekettik jáne jergilikti basqarý mamandyǵy boıynsha bitirgen.
Ár jyldary QR Mádenıet jáne aqparat mınıstrligi Mádenıet komıtetiniń ınspektory, bas sarapshysy, Qurmanǵazy orkestriniń dırektory, Astana qalasy ákimdigi Táýelsizdik saraıy dırektorynyń mindetin atqarýshy qyzmetterinde boldy.
Qazirgi taǵaıyndaýǵa deıin BQO mádenıet, tilderdi damytý jáne arhıv isi basqarmasy basshysynyń orynbasary qyzmetin atqardy.
***
21 mamyrdan bastap «Samuryq-Qazyna» AQ sheshimine sáıkes, «QAZAQAIR» AQ basqarma tóraǵasynyń mindetin ýaqytsha atqarý «QAZAQ AIR» AQ basqarma múshesi — qarjy dırektory Ádilbek Jumabaıuly Ómirálıevke júkteldi.
Á. Ómirálıev 2010 jyldan bastap «Samuryq — Qazyna» AQ-nyń aktıvterdi basqarý salalyq blogynda jumys istedi jáne qordyń kadr rezervine kirdi. 2019 jyly ol «QAZAQ AIR» AQ-nyń qarjy dırektory — basqarma múshesi laýazymyna aýysty.
Ol M. Lomonosov atyndaǵy MMÝ qoldanbaly matematıka jáne ınformatıka mamandyǵy boıynsha bilim alyp, T. Rysqulov atyndaǵy Qazaq ekonomıka, qarjy jáne halyqaralyq saýda ýnıversıtetin bitirgen. European University Business School bilim ordasynda halyqaralyq bıznes mamandyǵy boıynsha MBA dárejesin aldy, sondaı-aq ol IATA baǵdarlamasy boıynsha Airline Management dıplomynyń ıegeri.
