Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Osy apta elimizdiń ortalyq jáne jergilikti atqarýshy organdarynda birqatar kadrlyq aýys-túıis boldy. Atap aıtqanda, Shyǵys Qazaqstan men Abaı oblystarynyń ákimderi qyzmetterinen alynyp, onyń biri laýazymy joǵarylap, elordaǵa oraldy.
Atap aıtqanda, Memleket basshysynyń Jarlyǵymen Tamara Bosymbekqyzy Dúısenova Qazaqstan Respýblıkasy Prezıdentiniń kómekshisi bolyp taǵaıyndaldy.
Tamara Dúısenova 1965 jyly QazKSR Shymkent oblysynda dúnıege kelgen. 1987 jyly Tashkent halyq sharýashylyǵy ınstıtýtyn támamdaǵan. Eńbek jolyn 1988 jyly Shymkent oblysy Saryaǵash qalasy Ilıch atyndaǵy orta mektebiniń muǵalimi bolyp bastady.
1988-1992 jyldary — Ózbek KSR Memjospar janyndaǵy Ekonomıka ǵylymı-zertteý ınstıtýtynyń ekonomısti. 1992-1993 jyldary — Ońtústik Qazaqstan oblysy Saryaǵash aýdandyq ákimshiliginiń aǵa ekonomısti. 1993-1994 jyldary — «Perızat-Holdıng» kompanııasynyń bólim basshysy, Ońtústik Qazaqstan oblysy Saryaǵash qalasy. 1994 jyly Ońtústik Qazaqstan oblysy Saryaǵash aýdandyq ákimshiligi basshysynyń keńesshisi bolyp jumys istedi. 1994-1997 jyldary — Ońtústik Qazaqstan oblysy Saryaǵash aýdany ákiminiń orynbasary. 1997 jyly Ońtústik Qazaqstan oblysy Saryaǵash aýdany ákiminiń birinshi orynbasary bolyp qyzmet etti. 1997-1999 jyldary — Ońtústik Qazaqstan oblysy Shymkent qalasy ákiminiń birinshi orynbasary. 1999-2002 jyldary — Ońtústik Qazaqstan oblysy ákiminiń orynbasary.
2002-2006 jyldary Qazaqstan Respýblıkasynyń eńbek jáne halyqty áleýmettik qorǵaý vıtse-mınıstri bolyp jumys istedi. 2006-2008 jyldary — Ońtústik Qazaqstan oblysy ákiminiń orynbasary. 2008-2013 jyldary — Qazaqstan Respýblıkasy Eńbek jáne halyqty áleýmettik qorǵaý mınıstrliginiń jaýapty hatshysy. 2013 jylǵy aqpan-maýsym aralyǵynda — Qazaqstan Respýblıkasynyń eńbek jáne halyqty áleýmettik qorǵaý vıtse-mınıstri. 2013-2014 jyldary — Qazaqstan Respýblıkasy eńbek jáne halyqty áleýmettik qorǵaý mınıstri. 2014-2017 jyldary — Qazaqstan Respýblıkasynyń densaýlyq saqtaý jáne áleýmettik damý mınıstri. 2017-2018 jyldary — Qazaqstan Respýblıkasynyń eńbek jáne halyqty áleýmettik qorǵaý mınıstri bolyp qyzmet etti. 2018-2019 jyldary — «Nur Otan» partııasynyń hatshysy.
2019-2020 jyldary — Qazaqstan Respýblıkasy Eńbek jáne halyqty áleýmettik qorǵaý mınıstrliginiń «Eńbek resýrstaryn damytý ortalyǵy» aktsıonerlik qoǵamynyń prezıdenti. 2019-2020 jyldary — Qazaqstan Respýblıkasy Prezıdentiniń shtattan tys keńesshisi. 2020-2022 jyldary — Qazaqstan Respýblıkasy Prezıdentiniń kómekshisi – Qazaqstan Respýblıkasy Prezıdenti Ákimshiliginiń ótinishterdi qaraýdy baqylaý bóliminiń meńgerýshisi. 2022 jylǵy 11 sáýirden bastap Qazaqstan Respýblıkasynyń Eńbek jáne halyqty áleýmettik qorǵaý mınıstri bolyp taǵaıyndaldy. 2023 jylǵy 4 sáýirde QR Prezıdentiniń Jarlyǵymen Qazaqstan Respýblıkasynyń Eńbek jáne halyqty áleýmettik qorǵaý mınıstri bolyp qaıta qyzmetine kiristi. 2023 jylǵy 8 maýsymnan bastap — QR Premer-Mınıstriniń orynbasary – Eńbek jáne halyqty áleýmettik qorǵaý mınıstri. 2023 jylǵy 2 qyrkúıekte Qazaqstan Respýblıkasy Prezıdentiniń Jarlyǵymen Qazaqstan Respýblıkasy Premer-Mınıstriniń orynbasary bolyp taǵaıyndaldy.
Al onyń ornyna Memleket basshysynyń Jarlyǵymen Ermek Bedelbaıuly Kósherbaev Qazaqstan Respýblıkasy Premer-Mınıstriniń orynbasary bolyp taǵaıyndaldy.
Ermek Bedelbaıuly Kósherbaev 1965 jylǵy 2 mamyrda Almatyda dúnıege kelgen. C.Kırov atyndaǵy Qazaq memlekettik ýnıversıteti (1982-1988) Tarıhshy, shet tilinde oqytatyn tarıh pániniń muǵalimi, KSRO Syrtqy ister mınıstrliginiń Dıplomatııalyq akademııasyn (1991-04.1993) halyqaralyq qatynastar jáne syrtqy saıasat mamandyǵy boıynsha aıaqtady, dıplomat. Qazaq, orys, aǵylshyn, koreı tilderin meńgergen.
Ár jyldary elimizdiń Syrtqy ister mınıstrliginde, Prezıdent Apparatynda, «QazTransOıl» Ulttyq munaı tasymaldaý kompanııasynda, «Munaı men gaz tasymaly» Ulttyq kompanııasynda, «QazMunaıGaz» Ulttyq kompanııasynda, «Otan» Respýblıkalyq saıası partııasynyń ortalyq apparatynda, «KazEnergy» qazaqstandyq munaıgaz jáne energetıkalyq keshen uıymdary qaýymdastyǵynda, «Ertis» áleýmettik-kásipkerlik korporatsııasy» Ulttyq kompanııasy aktsıonerlik qoǵamynda laýazymdy qyzmetter atqarǵan.
Shyǵys Qazaqstan oblysy ákiminiń orynbasary, birinshi orynbasary, Aýyl sharýashylyǵy vıtse-mınıstri, jaýapty hatshysy, Syrtqy ister mınıstrliginiń jaýapty hatshysy, mınıstrdiń orynbasary, Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi qyzmetterin atqarǵan. Jańa taǵaıyndaýǵa deıin 2023 jylǵy 16 maýsymnan bastap Shyǵys Qazaqstan oblysynyń ákimi bolǵan.
Memleket basshysynyń ókimimen Maǵzum Maratuly Myrzaǵalıev Qazaqstan Respýblıkasy Prezıdentiniń keńesshisi laýazymyna taǵaıyndaldy.
Maǵzum Maratuly 1978 jyly 7 qarashada Almaty qalasynda týǵan. «Turan» ýnıversıtetin, Syrtqy ister mınıstrliginiń dıplomatııalyq akademııasyn, Sh.Esenov atyndaǵy Qazaq memlekettik tehnologııa jáne ınjınırıng ýnıversıtetin bitirgen.
2001-2004 jyldary - Teńiz jáne Batys Sibir kenishterinde «MIDrillingFluidsInternational» (Schlumberger) burǵylaý eritindileri jónindegi ınjener. 2004-2007 jyldary - «MIDrillingFluidsInternational» Aqtaý fılıalynda bıznesti damytý menedjeri, óndiris jónindegi menedjer, fılıal basshysy.
2007-2010 jyldary - «QazMunaıGaz» UK» AQ «TeńizServıs» JShS bas dırektory. 2010-2012 jyldary - «QazMunaıGaz» UK» AQ basqarýshy dırektory. 2010-2013 jyldary - «QazMunaıGaz» UK» AQ basqarma tóraǵasynyń ınnovatsııalyq damytý jáne servıstik jobalar jónindegi orynbasary.
2013-2014 jyldary – QR Munaı gaz vıtse-mınıstri. 2014-2019 jyldar – QR Energetıka vıtse-mınıstri. 2019-2021 jyldary – Qazaqstan Respýblıkasynyń Ekologııa, geologııa jáne tabıǵı resýrstar mınıstri. 2021-2022 jyldary Qazaqstan Respýblıkasynyń Energetıka mınıstri boldy. 2022 jyldyń qańtarynan beri Prezıdent keńesshisi qyzmetin atqardy.
Rýstam Baıalıev Prezıdent ákimshiliginiń Óńirlik damý monıtorıngi bóliminiń meńgerýshisi bolyp taǵaıyndaldy.
Ol 1975 jyly Almaty qalasynda dúnıege kelgen. Ál-Farabı atyndaǵy Qazaq ulttyq ýnıversıtetin, Memlekettik basqarý akademııasyn, halyqaralyq jýrnalıst, ekonomıka bakalavry, ekonomıka magıstri.
Eńbek jolyn Qarjy mınıstrliginde Memlekettik salyq komıtetiniń mamany bolyp bastaǵan. Ár jyldary Qarjy mınıstriniń kómekshisi – departament hatshylyǵynyń meńgerýshisi, basqarma bastyǵynyń orynbasary, basqarma bastyǵy, departament dırektorynyń orynbasary, Indýstrııa jáne saýda mınıstrliginde departament dırektory, komıtet tóraǵasynyń orynbasary, Aqmola oblysy ákimi apparatynyń basshysy, «Astanaenergoservıs» AQ basqarma tóraǵasy, Almaty oblysynyń at sporty federatsııasynyń basshysy qyzmetin atqardy.
2024 jyly ol Prezıdent Іs basqarýshysynyń orynbasary laýazymyna taǵaıyndalǵan edi.
QR Prezıdenti ákimshiliginiń kelisimi boıynsha, óńir basshysy Nurdáýlet Qılybaıdyń ókimimen Asqar Qanybekov Mańǵystaý oblysy ákiminiń orynbasary qyzmetine taǵaıyndaldy.
Qanybekov Asqar Sákenuly Almaty qalasynda dúnıege kelgen, bilimi joǵary. Ál-Farabı atyndaǵy Qazaq Ulttyq ýnıversıtetinde «Memlekettik jáne jergilikti basqarý» mamandyǵy, Ońtústik Qazaqstan memlekettik ýnıversıtetinde «Ekonomıka» mamandyǵy boıynsha bilim alǵan.
Eńbek jolyn salyq ınspektory qyzmetinen bastap, Shymkent qalasy kásipkerlik jáne aýyl sharýashylyǵy bóliminiń bas mamany, Almaty oblystyq mádenıet basqarmasynyń ishki baqylaý qyzmetiniń bas mamany, Almaty oblysy Kóksý aýdany Eńbekshi aýyldyq okrýginiń ákimi boldy.
2013 — 2018 jyldar aralyǵynda Shymkent qalasynyń kásipkerlik bólim basshysy, Ońtústik Qazaqstan oblysynyń aýyl sharýashylyq basqarma basshysynyń orynbasary boldy. Sondaı-aq Qazaqstan Respýblıkasy mádenıet jáne sport mınıstrliginiń ákimshilik departamenti dırektordyń orynbasary qyzmetin atqardy.
Sonymen qatar tórt jyl Shymkent qalasynyń aýyl sharýashylyǵy jáne veterınarııa basqarma basshysy boldy. Osyǵan deıin Túrkistan oblysy apparat basshysynyń orynbasary qyzmetin atqardy.
Pavlodar oblysynyń jer resýrstaryn basqarý departamentiniń basshysy qyzmetine Aıan Bekseıitov keldi.
Buǵan deıin jer qatynastary jáne jer resýrstaryn basqarý baǵytynda túrli jaýapty qyzmetter atqarǵan ol eńbek jolyn 2013 jyly bastap, bilim berý salasynda da aýqymdy daıyndyqtan ótken.
2001 jyly Sh. Ýálıhanov atyndaǵy Kókshetaý memlekettik ýnıversıtetin «Quqyq jáne ekonomıka negizderi» mamandyǵy, 2002 jyly «Femıda» zań ınstıtýtyn «Zańtaný» mamandyǵy, al 2015 jyly Sh. Ýálıhanov atyndaǵy Kókshetaý memlekettik ýnıversıtetin «Zańtaný» mamandyǵy boıynsha támamdaǵan.