Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Osy apta elimizdiń ortalyq jáne jergilikti atqarýshy organdarynda birqatar kadrlyq aýys – túıis boldy.
Aptanyń basynda Memleket basshysynyń Jarlyǵymen Arman Qyryqbaev Qazaqstan Respýblıkasy Prezıdentiniń ishki saıasat máseleleri jáne kommýnıkatsııalar jónindegi kómekshisi bolyp taǵaıyndaldy.
Arman Orazbaıuly 1976 jyly 20 qazanda Tselınograd qalasynda dúnıege kelgen. Qazaq memlekettik basqarý akademııasynyń, sondaı-aq Qazaqstan Respýblıkasy Syrtqy ister mınıstrliginiń Dıplomatııalyq Akademııasynyń túlegi. Mamandyǵy – halyqaralyq ekonomıst. Memlekettik qyzmette, mádenıet jáne jastar saıasaty salasynda 28 jyldan astam jalpy eńbek ótili bar.
Eńbek jolyn 1996 jyly Qazaqstan Syrtqy ister mınıstrliginiń referenti, attashesi bolyp bastaǵan. 1997 - 1999 jyldary – Qazaqstan Respýblıkasynyń Ózbekstandaǵy elshiliginiń attashesi, 1999 - 2000 jyldary – Qazaqstan Respýblıkasy Syrtqy ister mınıstrliginiń úshinshi hatshysy, keıin Qazaqstan Syrtqy ister mınıstrligi TMD isteri komıtetiniń ekinshi hatshysy. 2002 - 2004 jyldary – «ABE korporatsııasy» JAQ Strategııa jáne marketıng departamentiniń dırektory, 2004 - 2005 jyldary – «K – MART» JShS Bas dırektory.
2005 jyly Medeý aýdany ákiminiń orynbasary, 2005 jyldan 2006 jylǵa deıin Almaty qalasy jastar saıasatyn damytý memlekettik qorynyń dırektory, 2006 jyldyń sáýirinen 2008 jyldyń aqpanyna deıin Qazaqstan Mádenıet jáne aqparat mınıstrligi Qoǵamdyq - saıası jumys jáne jurtshylyqpen baılanys departamentiniń dırektory qyzmetterin atqarǵan.
2010 jyldyń qańtarynan 2012 jyldyń aqpanyna deıin Qazaqstan Mádenıet jáne aqparat mınıstrligi Mádenıet komıtetiniń tóraǵasy, Qaraǵandy oblysy ákiminiń orynbasary qyzmetterin atqardy.
Arman Qyryqbaev 2012 - 2014 jyldary Qazaqstan Mádenıet jáne aqparat vıtse-mınıstri laýazymynda boldy. 2014 - 2015 jyldary Nur Otan partııasy tóraǵasy birinshi orynbasarynyń keńesshisi bolǵan. Sondaı-aq, 2015 jyldyń qazanynan 2019 jyldyń shildesine deıin Almaty qalasy ákiminiń ishki saıasat, densaýlyq saqtaý, bilim berý, mádenıet, jastar saıasaty, tilderdi damytý jáne basqa da máseleler jónindegi orynbasary qyzmetin atqardy. Almaty qalasy ákiminiń orynbasary boldy.
2024 jyly Prezıdent Ákimshiliginiń Kommýnıkatsııalar bóliminiń meńgerýshisi laýazymyna taǵaıyndalǵan edi.
Al apta aıaǵyna qaraı Memleket basshysynyń Jarlyǵymen Qanat Sharlapaev Qazaqstan Respýblıkasy Prezıdentiniń ekonomıkalyq máseleler jónindegi kómekshisi bolyp taǵaıyndaldy.
Ol 1981 jyly Reseı Federatsııasynda týǵan. Saratov áleýmettik - ekonomıkalyq ýnıversıtetin, Krenfıld menedjment mektebin (Ulybrıtanııa) bitirgen. Mamandyǵy – ekonomıst, qarjy jáne basqarý magıstri.
Eńbek jolyn 2003 jyly Reseı Federatsııasynyń Petrokommerts bankiniń Klıentterdi basqarý basqarmasynyń menedjeri bolyp bastaǵan.
2006 - 2008 jyldary «Sıtı» ınvestıtsııalyq bankiniń London (Ulybrıtanııa), Praga qalalaryndaǵy (Chehııa) Qarjy departamentinde maman bolyp jumys istegen. 2008 – 2014 jyldary «Sıtı» ınvestıtsııalyq bankiniń (Ulybrıtanııa) naryqtaǵy aktsııalar jumysy jónindegi óńirlik dıvızıonynyń aǵa taldaýshysy, vıtse – prezıdentiniń kómekshisi, vıtse – prezıdenti bolǵan.
2014 - 2015 jyldar aralyǵynda Ulybrıtanııanyń «Sıtı» ınvestıtsııalyq bankiniń Eýropa, Taıaý Shyǵys jáne Afrıka boıynsha Strategııalyq josparlaý jáne taldaý óńirlik tobynyń vıtse-prezıdenti laýazymyn atqarǵan.
2015 - 2017 jyldary Qazaqstannyń Sıtıbankinde bas qarjy dırektory, basqarma tóraǵasynyń orynbasary, aǵa vıtse-prezıdenti bolǵan.
2017 - 2020 jyldar aralyǵynda Reseı Federatsııasynyń «Sıtı» ınvestıtsııalyq bankiniń Reseı, Ýkraına jáne Qazaqstan boıynsha bas qarjy dırektory, aǵa vıtse-prezıdenti bolyp jumys istegen. 2020 jyly «Sıtı» ınvestıtsııalyq bankiniń (BAÁ) Afrıka, Taıaý Shyǵys pen Shyǵys Eýropanyń damýshy naryqtaryndaǵy strategııa, josparlaý jáne taldaý jónindegi óńirlik dırektory laýazymyna taǵaıyndalǵan.
2022 jylǵy aqpannan bastap «Báıterek» ulttyq basqarýshy holdıngi» aktsıonerlik qoǵamynyń Basqarma tóraǵasy qyzmetin atqarǵan.
2023 jyldyń 4 kyrkúıeginen bastap Qazaqstan Respýblıkasy Ónerkásip jáne qurylys mınıstri bolyp taǵaıyndaldy.
Qanat Sharlapaevtyń ornyna Ersaıyn Naǵaspaev Ónerkásip jáne qurylys mınıstri boldy.
Ersaıyn Naǵaspaev joǵary bilimdi, Bóketov atyndaǵy Qaraǵandy memlekettik ýnıversıtetin «Halyqaralyq ekonomıkalyq qatynastar» mamandyǵy boıynsha támamdaǵan.
2001 jyldan beri memlekettik qyzmette, Eńbek jolyn Temirtaý qalasy ákiminiń apparatynda bastady. QR Syrtqy ister, kólik jáne kommýnıkatsııa mınıstrlikterinde túrli qyzmet atqardy. Vıtse-premerdiń keńesshisi boldy. «Aqtaý halyqaralyq porty» RMK-da jumys istedi. Qaraǵandy qalasy Qazybek bı atyndaǵy aýdan ákiminiń orynbasary, Qaraǵandy oblysy ákiminiń keńesshisi boldy.
Memleket basshysynyń ókimimen Abaı Qaıyrbekov Qazaqstan Іshki ister mınıstriniń orynbasary – Qylmystyq – atqarý júıesi komıtetiniń tóraǵasy laýazymyn ıelendi.
Abaı Serikuly 1997 jyly Qaraǵandy memlekettik tehnıkalyq ýnıversıtetin, 2002 jyly E.A.Bóketov atyndaǵy Qaraǵandy memlekettik ýnıversıtetin bitirgen.
1998 jyldan 2002 jylǵa deıin Qaraǵandy oblysynyń Іshki ister bólimshelerinde qyzmet atqardy;
2002 jyldan bastap QR ІІM vedomstvolarynda túrli laýazymda qyzmet (onyń ishinde jedel) atqardy;
2011 jyldan bastap ІІM ortalyq apparatynda basqarma bastyǵynyń orynbasarynan Departament bastyǵynyń orynbasaryna deıin basshy laýazymdarda jumys istedi;
2023 – 2025 jyldary – ІІM QAJK tóraǵasynyń birinshi orynbasarynyń mindetin atqarýshy.
Memleket basshysynyń ókimimen Álibek Ahmedıar Memlekettik qyzmet isteri agenttigi tóraǵasynyń orynbasary bolyp taǵaıyndaldy.
Á.Ǵ.Ahmedıar eńbek jolyn Indýstrııa jáne saýda mınıstrliginde Zań departamentiniń sarapshysy qyzmetinen bastady.
Bilim jáne ǵylym mınıstrliginde, Indýstrııa jáne jańa tehnologııalar mınıstrliginde, Investıtsııalar jáne damý mınıstrliginde, Qazaqstan Premer-Mınıstriniń Keńsesinde eńbek etip, Syrtqy ister mınıstrliginde Zań qyzmeti departamentiniń dırektory qyzmetin atqardy. 2022 - 2025 jyldary Qazaqstan Respýblıkasy Memlekettik qyzmet isteri agenttiginiń apparat basshysy boldy.
Memleket basshysynyń ókimimen Azamat Jolmanov Memlekettik basqarý akademııasynyń rektory bolyp taǵaıyndaldy.
Azamat Saǵatuly L.N.Gýmılev atyndaǵy Eýrazııa ulttyq ýnıversıtetin «halyqaralyq qatynastar» mamandyǵy boıynsha jáne QR Prezıdentiniń janyndaǵy Memlekettik basqarý akademııasynyń magıstratýrasyn bitirgen. 2019 jylǵy Prezıdenttik jastar kadr rezerviniń múshesi.
Memlekettik basqarý salasynda 10 jyldam astam eńbek ótili bar.
Eńbek jolyn Qazaqstan Respýblıkasynyń Aýyl sharýashylyǵy mınıstrligi Syrtqy baılanystar jáne ınvestıtsııalar departamentiniń sarapshysy laýazymynan bastaǵan. Odan keıin Qazaqstan Prezıdenti janyndaǵy Memlekettik basqarý akademııasynyń Ǵylymı-zertteý ınstıtýtynda ǵylymı qyzmetker, sektor meńgerýshisi, dırektordyń orynbasary, Memlekettik qyzmetkerlerdi kásibı damytý ınstıtýty dırektorynyń orynbasary, Qaraǵandy oblystyq fılıalynyń dırektory, QR Memlekettik qyzmet isteri agenttiginiń Strategııalyq ázirlemeler jáne halyqaralyq baǵdarlamalar departamenti dırektory boldy.
Úkimet qaýlysymen Ramıl Kamalov Tótenshe jaǵdaılar vıtse – mınıstri bolyp taǵaıyndaldy.
Ol 1976 jyly Torǵaı oblysynda dúnıege kelgen. QR ІІM Pavlodar tehnıkalyq kolledjin, Qaraǵandy memlekettik tehnıkalyq ýnıversıtetin bitirgen.
Eńbek jolyn Aqmola oblysy ІІB Memlekettik órtke qarsy qyzmet basqarmasy № 84 derbes áskerılendirilgen órt sóndirý bóliminiń memlekettik órt baqylaý ınspektory bolyp bastady.
1998 jyly Aqmola oblysy Memlekettik órtke qarsy qyzmeti № 19 órt sóndirý bóliminiń ınspektory, aǵa ınjeneri bolyp jumys istedi.
1998-1999 jyldary – Astana qalasy MÓQQ №7 órt sóndirý bóliminiń ınspektory.
1999-2005 jyldary – Astana qalasy «Órt sóndirýshi» RMK fılıaly órt sóndirý bóliminiń aǵa ınjeneri, bastyǵynyń orynbasary, bastyǵy, órt sóndirý tobynyń bas mamany.
2005-2006 jyldary – QR TJM Tótenshe jaǵdaılar salasyndaǵy memlekettik baqylaý jáne qadaǵalaý komıteti órt sóndirý jáne avarııalyq – qutqarý jumystary qyzmeti bóliminiń bas mamany.
2006-2014 jyldary – QR TJM Órtke qarsy qyzmet komıteti Órt sóndirý jáne avarııalyq – qutqarý jumystary basqarmasynyń bas mamany, bastyǵy.
2014-2016 jyldary – QR ІІM TJK Órt sóndirý qyzmetin uıymdastyrý boıynsha basqarmasynyń bastyǵy.
2016-2017 jyldary – Mańǵystaý oblysy Tótenshe jaǵdaılar departamenti bastyǵynyń orynbasary.
2017-2023 jyldary – Soltústik Qazaqstan oblysy Tótenshe jaǵdaılar departamentiniń bastyǵy.
2023 jyldan bastap qazirgi ýaqytqa deıin – QR TJM Órtke qarsy qyzmet komıtetiniń tóraǵasy.
Farhat Sársekeev «Damý» kásipkerlikti damytý qory» AQ tóraǵasy bolyp taǵaıyndaldy.
Farhat Sársekeev 1984 jyly týǵan. Q.Sátbaev atyndaǵy Qazaq ulttyq tehnıkalyq ýnıversıtetin jáne Qazaq Eńbek jáne áleýmettik qatynastar akademııasyn bitirgen.
Eńbek joly 2005 jyly bank sektorynda bastalǵan.
2005-2006 jyldary «Qazkommertsbank» AQ Shaǵyn jáne orta bıznesti nesıeleý basqarmasynda 1 jáne 2-sanatty menedjer bolyp jumys istedi.
2008-2009 jyldary – «Demır Bank Qazaqstan» AQ Korporatıvtik bıznes departamentiniń nesıe menedjeri.
2009-2010 jyldary – «ATF Bank» AQ (UniCredit Group) Restructuring and workout bas mamany.
2010-2012 jyldary – «Qazaqstannyń Damý Banki» AQ aktıvterdi qaıta qurylymdaý departamentiniń bas front-menedjeri.
2012-2015 jyldary – «Sberbank» AQ EB Ulttyq kompanııalarmen jáne damý ınstıtýttarymen jumys departamenti dırektorynyń orynbasary.
2015-2018 jyldary – «Sberbank» AQ EB Qaraǵandy fılıalynda Korporatıvtik bıznes jónindegi dırektordyń orynbasary
2018-2019 jyldary – «Damý» kásipkerlikti damytý qory AQ Basqarýshy dırektory
2019-2023 jyldary – «Damý» kásipkerlikti damytý qory» AQ Basqarma tóraǵasynyń orynbasary
2023 jyldan bastap osy ýaqytqa deıin «Frıdom Bank Qazaqstan» AQ Korporatıvtik bıznes jónindegi basqarýshy dırektory boldy.
Parlament Májilisiniń depýtaty bolǵan Rýslan Berdenov Shymkent qalasy ákiminiń orynbasary qyzmetine bardy.
Eńbek jolyn 2005 jyly «Almaty qus» AAQ («Seımar» toby) kompanııasynyń bólshek saýda dırektory qyzmetinen bastady.
2007 jylǵy aqpan-2010 jylǵy shilde-Procter & Gamble kompanııasynyń bas logıstıkalyq úılestirýshisi.
2010 jylǵy shilde-2012 jylǵy qarasha – «Eastcomtrans» JShS jyljymaly quramdy jaldaý bóliminiń bastyǵy.
2012 jylǵy qarasha-2018 jylǵy mamyr – «Aq nıet» JShS Bas dırektory.
2018 jylǵy qarasha-2019 jylǵy sáýir – «Aq nıet» JShS Baıqaý keńesiniń múshesi.
2019 jylǵy sáýir-2023 jylǵy naýryz-Aq niet Group Baıqaý keńesi tóraǵasynyń orynbasary.
2023 jylǵy 29 naýryzdan bastap – «Respublica» partııasynyń partııalyq tizimi boıynsha VIII saılanǵan Májilis depýtaty, Qarjy jáne bıýdjet komıtetiniń múshesi boldy.
Isataı Espaǵanbetov Aqtóbe oblystyq tabıǵı resýrstar jáne tabıǵatty paıdalanýdy retteý basqarmasy basshysy qyzmetine taǵaıyndaldy.
Ol 2004 jyly Q.Jubanov atyndaǵy Aqtóbe memlekettik ýnıversıtetin, 2025 jyly Jáńgir han atyndaǵy Batys Qazaqstan agrarlyq-tehnıkalyq ýnıversıtetin támamdaǵan.
Eńbek jolyn 2006 jyly Mártók aýdandyq ekonomıka jáne bıýdjettik josparlaý bóliminiń jetekshi mamany bolyp bastaǵan.
2008-2010 jyldary aralyǵynda Mártók aýdandyq sáýlet jáne qala qurylysy bóliminiń bas mamany, 2010-2021 jyldary aralyǵynda Mártók aýdany Baıtorysaı aýyldyq okrýginiń ákimi, Mártók aýdandyq jer qatynastary bóliminiń basshysy, Mártók aýyldyq okrýgi ákimi, Mártók aýdany ákiminiń orynbasary qyzmetterin atqarǵan.
2021-2023 jyldary aralyǵynda Aqtóbe oblysynyń Aýyl sharýashylyǵy basqarmasynyń basshysy bolyp qyzmet etti.
Aıbol Qulbaev Almaty oblysy Dene shynyqtyrý jáne sport basqarmasynyń basshysy laýazymyna taǵaıyndaldy.
Ol 2008 jyly Qazaq sport jáne týrızm akademııasynda «Dene shynyqtyrý jáne sport» mamandyǵy boıynsha bakalavr, 2010 jyly magıstr, 2015 jyly «Dene shynyqtyrý jáne sport» mamandyǵy boıynsha doktor dárejelerin alǵan.
2018 jyly Reseı halyqaralyq olımpıadalyq ýnıversıtetinde «Sporttaǵy menedjment pen marketıng» mamandyǵy boıynsha qosymsha kásibı bilim berý baǵdarlamasyn aıaqtaǵan.
Eńbek jolyn 2009 jyly Almaty tehnologııalyq ýnıversıtetiniń tehnologııa-ekonomıkalyq kolledjiniń oqytýshysy bolyp bastady.
Ár jyldary Qazaq sport jáne týrızm akademııasynyń aǵa oqytýshysy, ǵylym, halyqaralyq baılanys jáne joǵary oqý ornynan keıingi bilim berý departamentiniń dırektory, bólim jetekshisi, ǵylym jáne strategııalyq damý jónindegi prorektory, Dene shynyqtyrý jáne buqaralyq sport akademııasynyń ǵylym jáne halyqaralyq yntymaqtastyq jónindegi prorektory laýazymdarynda qyzmet atqarǵan.
2024 jyldan bastap búgingi kúnge deıin Q.Ahmetov atyndaǵy olımpıada rezerviniń respýblıkalyq mamandandyrylǵan mektep-ınternat kolledjiniń dırektory boldy.
Dáýlet Baıbolatov «Semeı ormany» memlekettik orman tabıǵı rezervatynyń bas dırektory bolyp taǵaıyndaldy.
Ol 1986 jyly Lenınogor orman tehnıkýmyn orman sharýashylyǵy tehnıgi mamandyǵy boıynsha bitirdi. 1995 jyly Sibir tehnologııalyq ınstıtýtyn orman sharýashylyǵy ınjeneri biliktiligi boıynsha támamdaǵan.
Eńbek jolyn 1986 jyly Semeı mehanıkalandyrylǵan orman sharýashylyǵynyń Krasnokordon ormanshylyǵynyń órt sóndirý stantsııasynyń bastyǵy retinde bastaǵan.
Odan keıin Semeı orman sharýashylyǵy óndiristik kásipornynyń orman qorǵaý ınjeneri, Krasnokordon, Prıgorod, Qashtak ormanshyqtarynda ormanshy retinde, Talıtsk ormanshylyǵynyń basshysy bolyp jumys istegen.
«Semeı ormany» memlekettik orman tabıǵı rezervatynyń Semeı, Jańa Shúlbi, Morozov fılıaldarynyń dırektory boldy.
Osy qyzmetke taǵaıyndalmas buryn «Semeı ormany» rezervaty bas dırektorynyń orynbasary edi.
Orman sharýashylyǵy salasyndaǵy jalpy eńbek ótili - 40 jyl.