Qazaqstanda apta ishinde bolǵan kadrlyq taǵaıyndaýlar
ASTANA. KAZINFORM – Osy apta elimizdiń jergilikti atqarýshy organdarynda birqatar kadrlyq aýys-túıis boldy.
Qazaqstan Úkimetiniń kelisimimen, BUU Bas hatshysy Antonıý Gýterrısh Mońǵolııa azamaty Sarango Radnaaragchany Qazaqstandaǵy BUU-nyń jańa Turaqty úılestirýshisi qyzmetine taǵaıyndady.
S.Radnaaragcha Eýropa men Ortalyq Azııadaǵy ornyqty damý salasynda 25 jyldyq mol tájirıbege ıe. Ol BUU Turaqty úılestirýshisi laýazymyna taǵaıyndalǵanǵa deıin BUU Eýropalyq ekonomıkalyq komıssııasynda (EEK BUU) Qorshaǵan orta máseleleri jónindegi óńirlik keńesshi qyzmetin atqardy. Bul qyzmette birneshe BUU eldik toptarynda EEK-tiń ókildik qyzmetin tıimdi qaıta uıymdastyrdy.
***
Aptanyń basynda Baqytnur Baqytuly Almaty oblysy ákiminiń orynbasary laýazymyna taǵaıyndaldy.
Baqytnur Baqytuly — 1986 jyly dúnıege kelgen. Bilimi joǵary: - 2008 j. — Narhoz ýnıversıteti, «qarjy»;
- 2009 j. — American Graduate School of Business (Shveıtsarııa), «iskerlik ákimshilendirý»;
- 2011 j. — Qazaq eńbek jáne áleýmettik qatynastar akademııasy, «quqyqtaný»;
2020 j. — Qazaq ulttyq agrarlyq ýnıversıteti, «mal sharýashylyǵy ónimderin óndirý tehnologııasy».
***
Soltústik Qazaqstan oblysy Qyzyljar aýdany ákiminiń mindetin atqarýshy-ákimniń orynbasary bolyp Beıbit Ismanov taǵaıyndaldy.
Beıbit Ismanov 1971 jyly Almaty qalasynda dúnıege kelgen. «Avtomobıl kóliginiń ınjener-mehanıgi» mamandyǵy boıynsha M.Qozybaev atyndaǵy Soltústik Qazaqstan memlekettik ýnıversıtetin, «Quqyq bakalavry» mamandyǵy boıynsha Máskeý zamanaýı gýmanıtarlyq ınstıtýtyn, «Memlekettik jáne mýnıtsıpaldyq basqarý magıstri» mamandyǵy boıynsha Reseı Federatsııasy Prezıdenti janyndaǵy Reseı halyq sharýashylyǵy jáne Memlekettik qyzmet akademııasyn bitirgen.
Osy laýazymǵa taǵaıyndalǵanǵa deıin SQO Tabıǵı resýrstar jáne tabıǵat paıdalanýdy retteý basqarmasynyń basshysy boldy.
***
QR Kólik mınıstrligi apparat basshysynyń buıryǵymen Nursultan Jamashev Soltústik Qazaqstan oblysy boıynsha kóliktik baqylaý ınspektsııasynyń basshysy qyzmetine taǵaıyndaldy.
Nursultan Jamashev 1986 jyly Qaraǵandy qalasynda týǵan. L.N.Gýmılev atyndaǵy Eýrazııa ulttyq ýnıversıtetin «ıÝrısprýdentsııa» mamandyǵy boıynsha támamdaǵan. Osy taǵaıyndaýǵa deıin Shymkent qalasy boıynsha kóliktik baqylaý ınspektsııasy basshysynyń orynbasary qyzmetin atqardy.
***
Shymkent qalalyq polıtsııa departamenti bastyǵynyń birinshi orynbasary qyzmetine polkovnık Qurmanbek Sahov taǵaıyndaldy. Al Túrkistan oblystyq polıtsııa departamenti bastyǵynyń birinshi orynbasary laýazymyna polkovnık Arman Beısenbaev keldi.
Q.Sahov 1984 jyly dúnıege kelgen, ishki ister organdarynda 2001 jyldan beri qyzmet atqaryp keledi. Buǵan deıin Ońtústik Qazaqstan oblysy ishki ister departamentinde túrli basshylyq qyzmetterdi atqarǵan. 2025 jyldyń aqpanynan maýsym aıyna deıin Túrkistan oblysy polıtsııa departamenti bastyǵynyń birinshi orynbasary qyzmetin atqarǵan.
A.Beısenbaev qyzmet jolynda tergeýshiden bastap, oblystyq deńgeıdegi basshylyq qyzmetterge deıingi satydan ótken. Al, 2015-2025 jyldar aralyǵynda Shymkent qalalyq ishki ister basqarmasynyń bastyǵy, Shymkent qalasy ishki ister basqarmasy bastyǵynyń birinshi orynbasary, Shymkent qalasy polıtsııa departamenti bastyǵynyń orynbasary, Shymkent qalasy polıtsııa departamenti bastyǵynyń birinshi orynbasary laýazymdarynda eńbek etti.
***
Atyraý oblysynyń jumyldyrý daıyndyǵy basqarmasynyń basshysy qyzmetin Serik Ámirov atqarady.
Serik Samatuly 1979 jyly Atyraý oblysynda dúnıege kelgen. D.Kýrskıı atyndaǵy Saratov memlekettik quqyq akademııasyn bitirgen. Keıin Sh.Esenov atyndaǵy Kaspıı tehnologııalar jáne ınjınırıng ýnıversıtetinde Executive MBA baǵdarlamasy boıynsha «Іskerlik basqarý» magıstri dárejesin támamdaǵan. Sondaı-aq Ulybrıtanııanyń London qalasyndaǵy Canterbury Christ Church University ýnıversıtetinde taǵylymdamadan ótken.
2024 jyldyń aqpanynan bastap qazirge deıin Atyraý oblysy ákimi apparaty basshysynyń orynbasary qyzmetin atqaryp keldi.
***
Osy aptada Qaraǵandy oblysynyń jolaýshylar kóligi jáne avtomobıl joldary basqarmasyna jańa basshy keldi. Bul laýazymdy Maqsat Ádiluly Muqashev atqaratyn bolady.
Maqsat Muqashevtyń «Memlekettik jáne jergilikti basqarý», «Kólik qurylysy» mamandyqtary boıynsha eki joǵary bilimi bar. 2011 jyldan beri memlekettik qyzmette. Eńbek jolyn Qaraǵandy oblysynyń Ekonomıka jáne bıýdjettik josparlaý basqarmasynda ekonomıst bolyp bastaǵan. Túrli salalarda jumys istedi. Oblys ákimi apparatynda túrli laýazymdardy atqardy.
***
Shyǵys Qazaqstan oblysynyń týrızm basqarmasyn Erjan Sembınov basqaratyn boldy.
E. Sembınov Ortalyq Azııa ýnıversıtetiniń túlegi, ekonomıka mamandyǵy jáne quqyqtaný bakalavry biliktiligine ıe. Eńbek jolynda ortalyq memlekettik organdardaǵy qyzmetterden bastap, jergilikti atqarýshy bıliktegi basshylyq laýazymdarǵa deıin túrli qyzmetter atqarǵan.
***
Shyǵys Qazaqstan oblysy Ekonomıka jáne bıýdjettik josparlaý basqarmasynyń basshysy bolyp Nursultan Maratov taǵaıyndaldy.
N.Maratov Aqtóbe oblysy Temir qalasynda dúnıege kelgen. Ulybrıtanııadaǵy Manchester ýnıversıtetinde, Nıderlandydaǵy Leıden ýnıversıtetinde, Qazaqstan Respýblıkasynyń Qarjy mınıstrligi janyndaǵy Qarjy akademııasynda jáne Reseı Syrtqy ister mınıstrliginiń dıplomatııalyq akademııasynda bilim alǵan.
2024 jyldyń qyrkúıeginen bastap osy ýaqytqa deıin Óskemen qalasy ákiminiń orynbasary bolyp jumys istedi.