Qazaqstanda alǵashqy AES-ke ataý beriledi

ASTANA. KAZINFORM — Qazaqstandaǵy alǵashqy atom elektr stantsııasyna resmı ataý beriledi. Bul týraly Atom energııasy jónindegi agenttik málimdedi, dep habarlaıdy Kazinform tilshisi.

Vedomstvonyń habarlaýynsha, nysannyń ataýy jobada aldyn ala qarastyrylǵan.

— Bul baǵytta jumys júrgizilip jatyr. Eger tıisti usynystar tússe, biz olardy qarastyrýǵa daıynbyz, — dedi agenttik ókilderi.

Eske salsaq, 8 tamyzda Qazaqstandaǵy alǵashqy atom elektr stantsııasynyń qurylysy resmı túrde bastaldy.

Buǵan deıin eldegi alǵashqy atom elektr stantsııasy qandaı bolatyny aıtyldy.

Sonymen qatar AES salynatyn aýmaqta zertteý-izdestirý jumystary 1,5 jyldaı júretini anyqtaldy.

Búgin Oljas Bektenov «Rosatom» bas dırektory Alekseı Lıhachevpen kezdeskeni belgili boldy. Premer-mınıstr atom elektr stansasynyń qurylysy Memleket basshysynyń baqylaýynda ekenin atap ótti. Úkimet jobany júzege asyrýǵa qajetti kómek kórsetedi.