Elimizde alǵash ret TurkicSkills kásibı sheberlik chempıonaty ótedi
ASTANA. KAZINFORM - Bıyl alǵash ret túrkitildes elder arasynda bolashaq jumysshy mamandardyń kásibı sheberligin arttyrýǵa baǵyttalǵan TurkicSkills kásibı sheberlik chempıonaty ótedi, dep habarlaıdy Qazaqstannyń Oqý-aǵartý mınıstrligi baspasóz qyzmeti.
Bul is-shara Memleket basshysy jarııalaǵan Jumysshy mamandyqtary jyly aıasynda ótetin negizgi is-sharalardyń birine aınalmaq. Bastama túrkitildes elderdiń jastary men stýdentteri arasynda kásibı sheberlikti damytý men ilgeriletýge, túrli salalardaǵy úzdik tájirıbelerdi anyqtaýǵa, ekonomıkasy ózara baılanysqan eldermen ınnovatsııalyq sheshimder boıynsha tájirıbe almasýǵa jáne olardy iske asyrý úshin platforma qurýǵa baǵyttalǵan.
Chempıonat Túrksoı uıymynyń 2025 jylǵy mádenı astanasy bolyp tańdalǵan Aqtaý qalasynda ótedi dep josparlanǵan.
Aıta keteıik, WorldSkills qozǵalysy kásibı quzyrettilikter men daǵdylardy jetildirý úshin birlesip jumys isteıtin 89 eldi biriktiretin álemdegi jumysshy kásipteriniń bedelin arttyrýdyń negizgi quraldarynyń biri.
Qazaqstan 2014 jyldan bastap WorldSkills International halyqaralyq qozǵalysynyń tolyqqandy múshesi bolyp tabylady. 10 jyl ishinde elimizde 30 quzyrettilik boıynsha 200-ge jýyq óńirlik jáne 8 respýblıkalyq chempıonat ótkizildi.
Ótken jyly ulttyq qurama WorldSkills Lyon 2024 álem chempıonatynda el tarıhynda úzdik nátıjelerge qol jetkizip, «Ulttyń úzdigi» nomınatsııasy boıynsha 6 medal men marapatqa ıe boldy.
Buǵan deıin jumysshy kadrlarǵa arnalǵan ıpotekalyq baǵdarlamany iske qosý tapsyrylǵanyn jazǵan bolatynbyz.