Qazaqstanda alǵash ret súıektegi metastazdy emdeıtin terapııa engiziledi
ASTANA. KAZINFORM — QR Prezıdenti Іs Basqarmasy Medıtsınalyq ortalyǵynyń aýrýhanasynda qaterli óspedegi súıek metastazyn emdeýdiń biregeı ádisi qoldanyla bastaıdy. Bul týraly QR PІB MO aýrýhanasynyń baspasóz qyzmeti málim etti.
Mundaı ınnovatsııalyq terapııa patsıentterge asqynyp ketken qaterli isikpen kúresýdiń jańa tásilderin usyna otyryp, onkologııalyq kómek sapasyn arttyrýdaǵy mańyzdy qadam bolmaq.
Ádis «Samarıı, 153sm-Oksabıfor» radıofarmatsevtıkalyq preparatyn qoldana otyryp jasalady. Bul preparat metastaz nemese synǵan jer sekildi súıektiń zaqymdanǵan aımaqtaryna jınalady da saý tinderge áser etpesten olardy β-bólshektermen sáýlelendiredi. Ádis belgili bir bólikke baǵyttalǵandyqtan aýyrsynýdy jeńildetip, dárilerge degen qajettilikti azaıtady, sondaı-aq súıek tinindegi syrqattyń asqynýyn baıaýlatýǵa kómektesedi.
«Ádistiń ereksheligi — dástúrli emdeý tásilderinde bolatyn janama áser men qaýip azaıyp, patsıentterdiń ómir súrý sapasy aıtarlyqtaı jaqsarady. Bul, ásirese, sozylmaly syrqat pen metastazy asqynǵannan zardap shegetin naýqastar úshin óte mańyzdy», — deıdi Densaýlyq saqtaý mınıstrliginiń ıAdrolyq medıtsına jónindegi shtattan tys bas mamany, Prezıdent Іs Basqarmasy Medıtsınalyq ortalyǵy aýrýhanasynyń ıAdrolyq medıtsına ortalyǵynyń basshysy, medıtsına ǵylymdarynyń doktory Aıgúl Sádýaqasova.
Medıtsınalyq ortalyq aýrýhanasynda 27-29 qarasha aralyǵynda jańa tehnologııany engizýge arnalǵan sheberlik saǵaty ótedi. Іs-sharaǵa Qazaqstan men Reseıdiń ıadrolyq medıtsına salasyndaǵy jetekshi mamandary qatysady. Shaqyrylǵan sarapshylardyń qatarynda A. M. Nıkıforov atyndaǵy Búkilreseılik jedel jáne radıatsııalyq medıtsına ortalyǵynyń Izotoptyq dıagnostıka jáne emdeý ádisteri zerthanasynyń meńgerýshisi (Sankt-Peterbýrg q.) Vıacheslav Sýhov jáne A. F. Tsyba atyndaǵy Medıtsınalyq radıologııalyq ǵylymı ortalyǵynyń Ashyq radıonýklıdtermen radıohırýrgııalyq emdeý bóliminiń meńgerýshisi (Obnınsk q.) Valerıı Krylov, sondaı-aq radıonýklıdtik terapııa salasyndaǵy tanymal kóshbasshylar bar. Aýrýhana dárigerleri ıadrolyq medıtsınany damytýdaǵy jetistigin tanystyrady jáne praktıkalyq tájirıbesin bólisedi.
Sheberlik saǵatyna qatysý tegin jáne barlyq qatysýshy sertıfıkat alady. Qazaqstanda radıonýklıdtik terapııany engizý patsıentterge qaterli isikti emdeýdiń zamanaýı tehnologııalaryna qol jetkizýge múmkindik beredi, terapııa nátıjesin jaqsartady jáne eldiń ınnovatsııalyq medıtsına salasyndaǵy ustanymyn nyǵaıtady.
Buǵan deıin habarlaǵanymyzdaı, jyl basynan beri PІB Medıtsınalyq ortalyǵynyń aýrýhanasy 25 myńnan asa naýqasty emdedi.
