Qazaqstanda aqyly joldar 11,7 myń shaqyrymǵa jetkiziledi

ASTANA. QazAqparat - Búgin Májilistegi Úkimet saǵatynda QR Investıtsııalar jáne damý mınıstri Jeńis Qasymbek aldaǵy 7 jylda 12 myń shaqyrymǵa jýyq jol aqyly bolatynyn aıtty, dep habarlaıdy QazAqparat.

«2021 jylǵa deıin aqyly joldardy 6,7 myń shaqyrymǵa deıin arttyrý josparlanyp otyr. Al 2025 jylǵa qaraı aqyly joldar 11,7 myń shaqyrymǵa jetkizilmek», - dep naqtylady J. Qasymbek.

Aıta keteıik, aqyly jol biraz ýaqyttan beri Astana men Býrabaı aralyǵynda engizildi. Endi basqa da respýblıkalyq mańyzdaǵy joldarda aqyly júıeni engizý jumystary júrgizilýde. Qazirgi ýaqytta Almaty-Qorǵas, Astana-Temirtaý jáne Almaty-Qapshaǵaı avtojoldarynyń ýchaskelerinde aqy tóleý júıesin engizý jumystary atqarylyp jatyr. Osy júıe qyrkúıek aıynda testilik rejimde iske qosylmaq.

Budan buryn habarlanǵandaı, aqyly joldarmen júretin júrgizýshilerge RFID-tańbalary tegin beriledi.