Qazaqstanda 3 400-deı mobıldi brıgada jumys isteıdi
Óńirlerde medıtsınalyq-sanıtarlyq alǵashqy kómek kórsetý úshin 3 399 mobıldi brıgada quryldy, olardyń 1 693-i aýylda qyzmet etedi.
«Jumys bir júıege tústi, qoljetimdilik, mobıldi brıgadalardyń sany artty. Úsh apta buryn mobıldi brıgada múldem bolǵan joq, al qazir olardyń qatary kóbeıgenin kórip otyrmyz. Osynyń arqasynda jedel járdem shaqyrýshylar sany 36 paıyzǵa, onyń ishinde koronavırýs boıynsha – 37 paıyzǵa azaıdy«, - dedi Alekseı Tsoı.
Emhanalardaǵy Call-ortalyqtardyń sany 16 paıyzǵa artty, olardyń jumysyna bilikti dáriger-keńesshi, feldsher jáne medıtsınalyq joǵary oqý oryndarynyń stýdentteri tartylǵan.
Eske sala ketsek, Prezıdent Qasym-Jomart Toqaev respýblıkalyq telearnalar arqyly elimizde qalyptasqan ahýalǵa baılanysty úndeýinde shildeniń sońyna deıin ámbebap mobıldi brıgada sany 3,5 myńǵa jetkiziletini málim etti.
Aıta keterligi, emhana men otbasylyq ambýlatorııa janynan ýaqytsha, tirkelgen adam sanyna qaraı 5 myń halyqqa 1 mobıldi brıgada degen eseppen qurylady.
