Qazaqstanda 253 myńnan astam medıtsına qyzmetkeri eńbek etedi – Eraly Toǵjanov
Eraly Toǵjanov densaýlyq saqtaý salasynda 253 myńnan astam medıtsına qyzmetkeri eńbek etetinin atap ótti. Elimizde kadr tapshylyǵy bar, biraq soǵan qaramastan kórsetiletin medıtsınalyq qyzmetterdiń sapasy jyl saıyn artyp keledi.
«Memleket medıtsına qyzmetkerlerin qoldaý boıynsha birqatar shara qabyldap jatyr. Jalaqy ósip, halyqaralyq standarttarǵa saı keletin eńbek jaǵdaılary jasalýda. Biz densaýlyq saqtaý júıesindegi jetistikterimizdi maqtan tutamyz, biraq odan da joǵary kórsetkishterge umtylamyz. Medıtsına qyzmetkerleri jumysynyń nátıjesi tikeleı áleýmettik áser kórsetetinin aıtqym keledi, oǵan naqty adamdardyń ómiri ǵana emes, jalpy qoǵamnyń turaqtylyǵy da táýeldi», - dedi E. Toǵjanov.
Sonymen birge, vıtse-premer densaýlyq saqtaý júıesiniń jetistikteri men mindetteri týraly, «Deni saý ult» ulttyq jobasyn júzege asyrý týraly baıandady.
«Qazaqstandyq medıtsınanyń birqatar baǵyty halyqaralyq deńgeıde tabysty básekeles bola aldy. Halyqqa joǵary tehnologııalyq medıtsınalyq qyzmetter qoljetimdi boldy. Ulttyq ǵylymı kardıohırýrgııa ortalyǵy nemese álemniń top-22 úzdik klınıkalarynyń qataryna engen Júrek ortalyǵy 2017 jyly «Júrek transplantatsııasy» jáne «VAD ımplantatsııasy» baǵdarlamalary boıynsha, 2021 jyly – «Sozylmaly júrek jetkiliksizdigi» baǵdarlamasynda sertıfıkattaýdan ótken Ortalyq Azııadaǵy alǵashqy medıtsınalyq mekeme boldy. Ortalyq ashylyp, elimizde kardıohırýrgııalyq kómek damyǵan soń qazaqstandyqtardyń sheteldik emdelýge qajettiligi edáýir azaıdy, oǵan qosa shetelden medıtsınalyq týrıster aǵyny artty», - dedi Eraly Toǵjanov.
Bul rette Ulttyq neırohırýrgııa ortalyǵy – túrli neırohırýrgııalyq qyzmet kórsetetin Ortalyq Azııadaǵy kóshbasshy medıtsınalyq ortalyqtardyń biri boldy. 2021 jyly neırohırýrgııa ortalyǵynda Ortalyq Azııa elderinde alǵashqylardyń biri bolyp «Gamma-pyshaq» ornatyldy. Ol búginde radıohırýrgııalyq emdeýdegi «altyn standart» bolyp sanalady, isik jasýshalarynyń DNQ-syn esh aýyrtpalyqsyz buzady.
Respýblıkada sáýlelik terapııanyń ınnovatsııalyq ádisi – tomoterapııa engizildi, ol Semeı qalasynda ıAdrolyq medıtsına ortalyǵy salynǵan. Jambyl oblysyndaǵy bıofarmatsevtıkalyq zaýytta otandyq «QazVac» vaktsınasyn óndirý jolǵa qoıylǵan.
«Sonymen qatar, 2025 jylǵa qaraı otandyq óndiristegi dárilik zattar men medıtsınalyq buıymdar úlesin 17-den 50%-ǵa deıin arttyrý mindetin qoıdyq. Ol úshin Úkimet deńgeıinde arnaıy keshendi jospar qabyldandy. COVID-19 pandemııasy kezindegi densaýlyq saqtaý júıesiniń barlyq tájirıbesin eskerip, epıdemıologııalyq boljaý men den qoıýdyń zamanaýı júıesin qalyptastyrý jumysyn kúsheıttik. Memleket basshysynyń tapsyrmasymen «Bıologııalyq qaýipsizdik týraly» QR Zańy qabyldandy. Zańnyń negizgi maqsaty – bıologııalyq qaterlerdi erte anyqtaý jáne aldyn alý», - dedi E. Toǵjanov.
Medıtsına qyzmetkerlerin áleýmettik qoldaý kepildikterin, mártebesin arttyrýdy kózdeıtin Densaýlyq saqtaý máseleleri boıynsha zań jobasy ázirlengen.
«Aýyldaǵy densaýlyq saqtaý salasy damyp keledi. Densaýlyq saqtaý ınfraqurylymyn damytýǵa erekshe kóńil bólinedi. 2021 jyly respýblıkanyń 69 eldi mekenderinde 12 nysan paıdalanýǵa berildi, 20 nysandy - bıyl, 37 nysandy – 2023 jyly ashý josparlanǵan. 2025 jylǵa deıin medıtsınalyq-sanıtarlyq alǵashqy kómektiń 500 nysanyn salý josparlanǵan», - dedi vıtse-premer.
Sondaı-aq 2023 jylǵa deıin Nur-Sultan jáne Almaty qalalarynda eki ǵylymı-ınnovatsııalyq kópsalaly klınıkany paıdalanýǵa berý josparlanýda. Bul klınıkalar JCI talaptaryn eskere otyryp, halyqaralyq sapa standarttaryna sáıkes keletin bolady.