Qazaqstanda 24,4 mln tonna mal azyǵy daıyndaldy

ASTANA. KAZINFORM — Óńirlerde aldaǵy qys maýsymyna arnalǵan mal azyǵyn daıyndaý jumystary qarqyndy júrgizilip jatyr, dep habarlaıdy AShM baspasóz qyzmeti.

Birqatar oblysta eń joǵary qarqyn baıqalady. Atap aıtqanda, Soltústik Qazaqstan oblysynda jospar 115%-ǵa oryndaldy, Aqmola oblysy men Shymkent qalasynda — 100%, Qostanaı oblysynda — 99%, Jetisý oblysynda — 98,7%, Almaty oblysynda — 92,6%, Pavlodar oblysynda — 91,1%.

20,8 mln tonna shóp (jospardyń 85,1%-y), 1,7 mln tonna súrlemshóp (99,2%), 749,7 myń tonna qunarly jem (13,4%), 1,4 mln tonna saban (31,0%) daıyndaldy.

— Jalpy 2025–2026 jylǵy qystaýǵa 24,5 mln tonna shóp, 1,7 mln tonna súrlemshóp, 4,6 mln tonna saban, 5,6 mln tonna qunarly jem jáne 2 mln tonna súrlem daıyndaý josparlanǵan. Mal azyǵymen qamtamasyz etý jaǵdaıy turaqty, — dep atap ótti mınıstrlik.

Osydan buryn BQO-nyń eki aýdanynda shóp shyǵymdylyǵy tómen bolyp otyrǵanyn jazdyq.