Qazaqstanda 24 qańtarda qaı joldar jabyq

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Aýa raıynyń qolaısyzdyǵyna baılanysty respýblıkalyq mańyzy bar birqatar avtojol ýchaskesinde kólik qozǵalysy ýaqytsha shekteldi.

Aqmola oblysy

• «Kókshetaý – Rýzaevka» avtojoly, 0-61-shaqyrym (Kókshetaý qalasy – SQO shekarasy);

• «Kókshetaý – Kishkenekól – Bıdaıyq – RF shekarasy (Bıdaıyq ótkizý pýnkti)» avtojoly, 2-50-shaqyrym (Kókshetaý qalasy – SQO shekarasy, Kókshetaý – Omby baǵyty);

• «Kókshetaý qalasyn áýejaıǵa kireberisimen aınalyp ótý joly», 0-18-shaqyrym;

• «Şýchınsk – Zerendi» avtojoly, 0-77-shaqyrym (Şýchınsk qalasy – Zerendi aýyly);

• «Kókshetaý – Atbasar» avtojoly, 0-184-shaqyrym (Kókshetaý qalasy – Atbasar qalasy);

• «Qostanaı – Áýlıekól – Surǵan» avtojoly, 232-260-shaqyrym (Qostanaı oblysynyń shekarasy – Surǵan kenti);

• «Jezqazǵan – Arqalyq – Petropavl» avtojoly, 377-595-shaqyrym (SQO shekarasy – Qostanaı qalasy);

• «Jaqsy – Esil – Buzylyq» avtojoly, 0-82-shaqyrym (Jaqsy kenti – Buzylyq kenti);

• «Makınsk – Aqsý – Torǵaı» avtojoly, 0-240-shaqyrym (Makınsk qalasy – Torǵaı aýyly);

• «Astana qalasyn aınalyp ótý joly», 0-86-shaqyrym;

• «Astana – Kókshetaý (aınalma jol) – Petropavl – RF shekarasy (Jańa jol ótkizý pýnkti)» avtojoly, 18-341-shaqyrym (Astana qalasy – SQO shekarasy);

 • «Astana – Atbasar – Jaqsy – Rýzaevka – Sarykól – Qostanaı – RF shekarasy» avtojoly, 16-407-shaqyrym (Astana qalasy – Qostanaı oblysynyń shekarasy);

• «Astana – Qorǵaljyń» avtojoly, 19-181-shaqyrym (Astana qalasy – Qorǵaljyn kenti);

• «Býrabaı kýrorttyq aımaǵynyń joldary»;

• «Şýchınsk-Býrabaı kýrorttyq aımaǵyndaǵy oıyn-saýyq ortalyǵyna kireberis jol»;

• «Jańa Qalqutan – Aqkól – Mınskoe» avtojolyna kireberis;

• «Astana – Shiderti – Pavlodar – Ýspenka – RF shekarasy» avtojoly, 16-200-shaqyrym (Astana qalasy – Pavlodar oblysynyń shekarasy).

Jambyl oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń «Qordaı asýynyń jańa aınalma joly» ýchaskesi, 159-238-shaqyrym (Kenen aýyly – Qaınar aýyly).

Aqtóbe oblysy

• «Qostanaı – Rýdnyı – Denısovka – Komsomolskoe – Qarabutaq» avtojoly, 89-235-shaqyrym (T.Júrgenov aýyly – Qostanaı oblysynyń shekarasy).

Qostanaı oblysy

• «Qostanaı – Áýlıekól – Surǵan» avtojoly, 8-232-shaqyrym (Tobyl qalasy – Aqmola oblysynyń shekarasy);

• «Astana – Atbasar – Jaqsy – Rýzaevka – Sarykól – Qostanaı (aınalma jol) – RF shekarasy (Qaıraq ótkizý pýnkti)» avtojoly, 555-729-shaqyrym (Tobyl qalasy – Soltústik Qazaqstan oblysynyń shekarasy);

• osy avtojoldyń 539-418-shaqyrym aralyǵy (Qostanaı qalasy – Qarabalyq eldi mekeni);

• «Jezqazǵan – Arqalyq – Petropavl» avtojoly, 340-377-shaqyrym (Arqalyq qalasy – Aqmola oblysynyń shekarasy);

• «Mamlıýtka – Qostanaı» avtojoly, 403-180-shaqyrym (Tobyl qalasy – SQO shekarasy);

• «Qostanaı – Rýdnyı – Denısovka – Komsomolskoe – Qarabutaq» avtojoly, 234-501-shaqyrym (Aqtóbe oblysynyń shekarasy – Rýdnyı qalasy).

Pavlodar oblysy

• «Astana – Shiderti – Pavlodar – Ýspenka – RF shekarasy» avtojoly, 200-254-shaqyrym (Aqmola oblysynyń shekarasy – Shiderti kenti).

Sonymen qatar, Pavlodar oblysynda «Astana — Shiderti — Pavlodar — Ýspenka — RF shekarasy» avtojolyndaǵy kólik aıryǵynyń shetki arqalyqtary zaqymdanýyna baılanysty «Qalqaman» aıryǵy ýchaskesinde Qalqaman eldi mekenine kireberis pen Astana baǵytyna shyǵatyn jol jabyq.

Eske salaıyq, 24 qańtarda Qazaqstannyń 15 óńirinde qolaısyz aýa raıyna baılanysty eskertý jasaldy.