Qazaqstanda 23 myń Reseı azamaty jumys isteıdi

ASTANA. QazAqparat – Eńbek jáne halyqty áleýmettik qorǵaý mınıstri Tamara Dúısenova «Elde jumys isteıtin Reseı azamattary kóbeıdi me?» degen suraqqa jaýap berdi, dep habarlaıdy QazAqparat tilshisi.

«Ótken jyldyń qyrkúıeginen beri bul tsıfr asa kóp ózgergen joq. Bul kórsetkish únemi 22-23 myń adamnyń aınalasynda bolady. Óıtkeni, bir top adam kelip jatsa, bir toby elden ketip jatady. Bul - Qazaqstanda mindetti zeınetaqy aýdarymdaryn jasaıtyn Reseı azamattary», - dep jaýap berdi Tamara Dúısenova Úkimet kýlýarynda tilshiler suraǵyna.

Aıta keteıik, Reseıge salynǵan sanktsııalardan soń 400 sheteldik kompanııa Qazaqstanǵa kelýge nıetti.

Buǵan deıin Tamara Dúısenova Qazaqstanǵa negizinen qaı eldiń azamattary qonys aýdaryp jatqanyn aıtqan edi.