Qazaqstanda 22,7 mln tonnadan astam astyq daıyndaldy

ASTANA. KAZINFORM -  Búgingi tańda negizgi dándi daqyldar boıynsha 15 mln ga astam dándi jáne burshaqty daqyldar jınaldy. Ortasha ónimdiligi 15 ts/ga bolǵanda 22,7 mln tonnadan astam astyq bastyryldy. Bul týraly Aýyl sharýashylyǵy mınıstrligi habarlady.

Osylaısha, bıdaı 12,1 mln ga alqapta jınaldy. Ónimdiligi 14,3 ts/ga kezinde 17,3 mln tonna bastyryldy. Arpa - 2 mln ga, ónimdiligi 17,1 ts/ga kezinde 3,4 mln tonna bastyryldy. Suly – 166,7 myń ga, ónimdiligi 16 ts/ga kezinde 266,4 myń tonna bastyryldy.

Bıyl maıly daqyldar 748,1 myń ga alqaptan jınaldy, ortasha túsimdiligi 11,3 ts/ga 842,3 myń tonna bastyryldy. 108,4 myń ga alqaptan ónimdiligi 232,7 ts/ga bolǵan kezde 2,5 mln tonnaǵa jýyq kartop jınaldy. Kókónis daqyldary 105,3 myń ga jınaldy. Ónimdiligi 259,3 ts/ga bolǵan kezde 2,7 mln tonnadan astam jınaldy.

Baqsha daqyldary 97,8 myń ga alqaptan jınaldy, ónimdiligi 264,5 ts/ga, jalpy túsimi 2,5 mln tonnadan asty. Jınaý naýqanyna 149,9 myń traktor, 37,6 myń astyq jınaý kombaıny, 14,9 myń destelegish jáne 195 myń birlik tartylǵan.

«Esterińizge sala keteıik, kóktemgi egis jáne egin jınaý jumystaryn jeńildetilgen qarjylandyrý kólemi – 580 mlrd teńge. Bul ótken jyldarmen salystyrǵanda 3 ese kóp. Egin jınaý naýqanyn ótkizýdiń barlyq máselesi erekshe baqylaýda», - delingen mınıstrlik habarlamasynda.

Qazaqstanda 41 mln tonnadan astam jem daıyndalǵanyn jazǵan bolatynbyz.