Qazaqstanda 2027 jyly taekvondodan álem chempıonaty ótedi

ASTANA. KAZINFORM — Qazaqstanda tuńǵysh ret taekvondodan (WT) álem chempıonaty ótedi. Bul jóninde elimizdiń taekvondo federatsııasynyń baspasóz qyzmeti málim etti.

Atalǵan sheshim búgin Qytaıtsyń Ýsı qalasynda ótken Dúnıejúzilik taekvondo (WT) federatsııasynyń álem chempıonaty aıasyndaǵy jıynynda resmı habarlandy. 

Osyǵan deıin Qazaqstan 2027 jylǵy chempıonatty ótkizýge úmitker elderdiń qataryna qosylǵan edi. Jıyn barysynda Dúnıejúzilik taekvondo federatsııasy men oǵan múshe elderdiń ókilderi Qazaqstan kandıdatýrasyn biraýyzdan qoldaý bildirdi.

— Bizdiń álem chempıonatyn qabyldaýǵa múmkindigimiz zor. Ony buǵan deıin dáleldeı aldyq. Máselen, Astanada «Kazakhstan Open» týrnıri joǵary deńgeıde ótti. Tamyz aıynda ótken halyqaralyq jarysqa 700-den astam sportshy qatysty. Dúnıejúzilik taekvondo federatsııasynyń prezıdenti Chýngvon Choý onyń uıymdastyrý deńgeıin joǵary baǵalady. Dúbirli doda 2028 jylǵy AQSh-tyń Los-Andjeles qalasynda ótetin Jazǵy Olımpıada oıyndary aldynda uıymdastyrylady, — dedi Qazaqstan taekvondo (WT) federatsııasynyń prezıdenti Kýdrat Shamıev.

Aıta ketsek, Qytaıda 24-30 qazan aralyǵynda jalaýyn kóteretin álem chempıonatyna 179 elden 991 taekvondoshy bardy. Qazaq eliniń namysyn 16 sportshy qorǵaıdy.