Qazaqstanda 2025 jyldyń 5 aıynda 6,7 mln m2 float shyny óndirildi
ASTANA. KAZINFORM – Orda Glass Lltd shyny zaýyty 2022 jyldyń qazan aıynda iske qosyldy. Kompanııanyń joǵary sapaly float shyny óndirý jelisine ıe, ol Ortalyq Azııadaǵy eń iri shyny óndirý jelisi canalady. Maksımaldy táýliktik ónimdilik 600 tonna jáne jyldyq óndiristik qýaty 197 100 tonnany quraıdy.
Іske qosylǵan sátten bastap 28,7 mln m2 óndirildi. 2024 jyly 15,8 mln m2, sondaı-aq 2025 jyldyń 5 aıynda – 6,7 mln m2 óndirdi.
Negizgi ónimderiniń qataryna tússiz móldir qalqymaly shyny, túrli-tústi qalqymaly shyny jáne qaptalǵan shyny kiredi. Qazir shyǵarylatyn ónimniń 70%-y ishki naryqta satylady, al úshten biri Ózbekstan, Qyrǵyzstan, Tájikstan, Grýzııa jáne Reseıge eksporttalady.
Zaýyt basym qyzmet túrleriniń tizimine kiredi. Qazaqstandyq tarap zattaı grant retinde zaýyt qurylysyna 50 gektar jerdi tegin berdi, qajetti ınjenerlik ınfraqurylymdy iske qosty, belgili bir ýaqytqa ınvestorlardy kedendik bajdardan, korporatıvtik tabys, jer jáne múlik salyqtarynan bosatty.
2024 jylǵy maýsymda ınvestor óz qarajaty esebinen energııa únemdeıtin shyny óndirý jónindegi ekinshi jobany iske qosty, onyń qýattylyǵy jylyna 5 mln sh.m., quny 6,7 mlrd teńge quraıdy.
Tabaq shyny ónimderi ulttyq rejımnen alý tizbesine engizilgen, bul retteletin satyp alýlardan basym tártippen satyp alýǵa múmkindik beredi. Zaýytta osy kásiporynnyń tústi jáne energııa únemdeıtin áınegi boıynsha zerthana jumys isteıdi.
Eske sala keteıik, buǵan deıin Jambyl oblysynda jylyna 120 myń tonna ónim óndiretin mal azyǵy uny zaýyty iske qosylatynyn jazǵan edik.