Qazaqstanda 2017 jyly ShYU jastar forýmy ótedi

BІShKEK. QazAqparat - 2017 jyly Qazaqstanda ShYU jastar forýmy ótedi. Bul týraly búgin ShYU múshe memleketter úkimetteri basshylarynyń mereıtoılyq otyrysynda QR Premer-Mınıstri Baqytjan Saǵyntaev málim etti, dep habarlady Bishkekten «QazAqparat» HAA tilshisi.

B. Saǵyntaevtyń aıtýynsha, ShYU úlgisi biregeı, yntymaqtastyqtyń kóptegen baǵyttary boıynsha edýir jetistikter baıqalýda. «Mańyzdy blok - mádenı-gýmanıtarlyq saladaǵy yntymaqtastyq. Qazaqstan 2017 jyly ShYU jastar forýmyn ótkizý arqyly óz úlesin qospaq. Atap aıtqanda, biz ShYU ýnıversıtetiniń qurylýy men jumys isteýi týraly elder úkimetteri arasynda kelisimge qol qoıý perspektıvasyna yqpalymyz zor bolmaq.

 ShYU 2017-2020 jyldarǵa arnalǵan ǵylymı-tehnıkalyq áriptestik tujyrymdamasyna kóp úmit artamyz», - dedi qazaqstandyq Premer.

Eske salsaq, qazirgi sátte Qazaqstan ShYU tóraǵasy bolyp tabylady. 2017 jylǵy 8-9 maýsymda uıymǵa múshe memleketter basshylarynyń sammıti ótedi.