Qazaqstanda 16,58 tonna astyq bastyryldy

ASTANA. QazAqparat - Qazaqstanda 2017 jylǵy 18 qyrkúıek jaǵdaıy boıynsha 16 mln 582,1 myń tonna astyq bastyryldy, dep habarlaıdy «QazAqparat» HAA QR Aýyl sharýashylyǵy mınıstrligine silteme jasap.

Oblystyq aýyl sharýashylyǵy basqarmalarynyń málimetterine sáıkes, esep kúninde aýyl sharýashylyǵynyń óndirisshileri 12 816,1 myń gektar alqaptaǵy egindi orǵan, bul óńirlerdegi astyq jınalatyn aýmaqtyń 84,4 %-yn quraıdy.

2016 jyldyń sáıkes kezeńinde Qazaqstanda 10 142,8 myń gektar, ıaǵnı oblystardyń jalpy astyq jınalatyn aýmaqtyń 66,8 %-y orylyp, 14 mln 873 myń tonna astyq bastyrylǵan bolatyn. Ortasha ónimdilik gektaryna 14,7 tsentnerdi quraǵan.

2017 jyly astyq jınalatyn aýmaqtar 15 176,5 myń gektardy quraıdy, al 2016 jyly 15 187,4 myń gektarǵa astyq egilgen edi.