Qazaqstanda 12 myń zeınetkerdiń eńbek ótili joq

ASTANA. QazAqparat - Qazaqstanda 12 myń zeınetaqy alýshynyń eńbek ótili joq. Bul týraly QR Eńbek jáne halyqty áleýmettik qorǵaý vıtse-mınıstri Svetlana Jaqypova Ortalyq kommýnıkatsııalar qyzmetinde ótken baspasóz máslıhatynda málim etti, dep habarlaıdy QazAqparat tilshisi.

«Zeınetaqy alýshylar sany boıynsha bizde eki kórsetkishtiń bar ekenin eskergen jón. Birinshi kórsetkish - bazalyq zeınetaqy alatyndar, olardyń sany búginde 2 mln 139 myńdy quraıdy. Ekinshi kórsetkish - yntymaqtastyrylǵan zeınetaqy alatyn 2 mln 127 myń adam", - dedi vıtse-mınıstr. 

S.Jaqypova eki kórsetkish arasyndaǵy aıyrmashylyq sebebin túsindirip berdi.

«Sebebi, olardyń arasynda eńbek ótili joq, bazalyq zeınetaqy ǵana taǵaıyndalǵan qarttar bar. ıAǵnı, 2 mln 139 myń jáne 2 mln 127 myń adamnyń arasyndaǵy aıyrmashylyq osy - eńbek ótili atymen joq 12 myń adam", - dep túsindirdi ol.