Qazaqstanda 12 mıllıon tonnadan astam astyq bastyryldy

ASTANA. QazAqparat - Qazaqstanda 20 qyrkúıektegi jaǵdaı boıynsha 12 727,5 myń tonna astyq bastyryldy, dep habarlaıdy QazAqparat tilshisi.

QR Aýyl sharýashylyǵy mınıstrliginiń málimetinshe, eseptik kezeńde aýylsharýashylyq ónimderin óndirýshiler10 010,4 myń ga nemese óńirlerdegi jalpy egis alqabynyń 66,6% jınaǵan. Astyq daqyldarynyń ortasha túsimdiligi bir gektardan 12,47 tsentnerdi qurady.

2017 jyldyń sáıkes merziminde 13 541,9 myń ga nemese QR oblystarynyń jalpy egis alqaptarynyń 88,4% jınalyp, 17 654,8 myń tonna astyq bastyrylǵan. Ortasha ónimdilik bir gektardan 13 tsentner bolǵan.

Qazaqstanda 2018 jyly astyq jınaý alqaptarynyń aýmaǵy 15 027,9 myń gektardy qurady. 2017 jyly 15 318,6 myń ga bolǵan. Egis naýqany kezinde jalpy aýmaǵy 15 122,6 myń ga alqapqa astyq bastyrylsa, ótken jyly 15 377,2 myń ga alqapqa astyq egilgen.