Qazaqstanda 10 myńnan astam farmatsevt bar
ASTANA. KAZINFORM – 25 qyrkúıekte búkil álemde kún saıyn mıllıondaǵan adamdardyń densaýlyǵyn saqtaýǵa kómektesetin mamandardyń merekesi — Dúnıejúzilik farmatsevt kúni atalyp ótedi.
Kóptegen azamat úshin medıtsınaǵa alǵashqy qadam týra dárihanadan bastalady. Bul jerde emdelýshiler dári-dármek satyp alyp qana qoımaı, olardy qoldaný boıynsha keńester, qaýipsiz emdelý jóninde nusqaýlar alady, sondaı-aq jyly yqylas pen qoldaý sezinedi. Búginde Qazaqstanda 10 myńnan astam farmatsevt eńbek etip jatyr.
Olar dárilik zattardy óndirý, zertteý jáne sapasyn baqylaýǵa qatysady, emdelýshilerge keńes beredi, emdi tańdaýǵa kómektesedi, preparattardyń durys saqtalýy men qaýipsiz paıdalanylýyn qadaǵalaıdy, antıbıotıkterdiń utymdy qoldanylýyna atsalysady, turǵylyqty halyqtyń medıtsınalyq saýattylyǵyn arttyrady jáne mıllıondaǵan adamdar úshin senimdi baılanys núktesine aınalady.
Densaýlyq saqtaý mınıstrligi málimetinshe, Qazaqstanda 10,5 myńnan astam dárihana, dárihanalyq bólimshe men qoımalar jumys isteıdi, al jyl saıyn farmatsevtıkalyq fakýltetterdiń 450 jýyq túlegi kásibı qaýymdastyqty tolyqtyrady.
Dúnıejúzilik farmatsevt kúni qarsańynda júrekjardy alǵys sózderi ómirin farmatsevtıkalyq salamen baılanystyrǵan adamdardyń bárine — dárihana qyzmetkerlerine, zerthana mamandaryna, provızorlarǵa, ǵalymdarǵa, beıindik pánderdiń oqytýshylaryna jáne osy joldy tańdaǵan stýdentterge arnalady. Olardyń árqaısysy — naqtylyq, bilimdilik jáne adamǵa degen qamqorlyq tikeleı nátıjege áser etetin biryńǵaı júıeniń bir bóligi.
Farmatsevt — tek dárihanadaǵy keńesshi ǵana emes, sonymen qatar zertteýshi, taldamashy, jańa preparattardy jasaýshy. Olardyń jumysy tııanaqtylyqty, joǵary jaýapkershilikti, adamdarmen jumys isteý biligin jáne kásibı tózimdilikti talap etedi.
Densaýlyq saqtaý mınıstrligi farmatsevtıkalyq salany júıeli túrde damytyp keledi: tsıfrlyq servıster engizip jatyr, dárilik zattardyń sapasy men qaýipsizdigine qoıylatyn talaptardy kúsheıip keledi, sondaı-aq kadrlardy daıarlaý men qaıta daıarlaýǵa qoldaý kórsetip jatyr.
Aıta keteıik, Qazaqstandyq farmatsevtıkalyq ónimniń kólemi 22%-ǵa artty.