Qazaqstanda 1 qarashadan bastap ne ózgeredi
ASTANA. KAZINFORM – Qazaqstanda qarasha aıynda birneshe resmı qujat kúshine enip, tyıymdar men talaptar maýsymy bastalady.
1 qarashadan bastap Astanadaǵy ekspres avtobýstarǵa aılyq jol júrý bıleti qoldanysqa enedi. Qala ishinde qatynaıtyn avtobýstarmen júrýdiń aılyq bıleti 10 myń teńgeden, qalaı ishi men qala mańyna qatynaıtyn avtobýstarda júrýdiń aılyq bıleti 13 500 teńge bolmaq.
Bul bıletterdi «City Transportation Systems» JShS-nyń kassalarynan nemese bankterdiń uıaly qosymshalary arqyly onlaın satyp alýǵa bolady.
1 qarashadan bastap Almatynyń «Medeý» muz aıdynynda qysqy syrǵanaq maýsymy bastalady. Oǵan bıletti keshenniń resmı saıtynan jáne Kaspi.kz, Halyk uıaly qosymshalarynan alýǵa bolady.
Muz aıdynyna myna sanatqa jatatyn adamdar tegin kire alady:
• 6 jasqa deıingi balalar;
• zeınetkerler;
• Uly Otan soǵysynyń qatysýshylary, múgedekteri;
• Aýǵanstan aýmaǵyndaǵy urys qımyldaryna qatysýshylar;
• 1986-1987 jyldary Chernobyl AES-indegi apattyń zardaptaryn joıýǵa qatysqan adamdar;
• I jáne II toptaǵy múgedekter; kóp balaly otbasynan shyqqan, 18 jasqa tolmaǵan balalar;
• balalar úıinde tárbıelenýshiler.
1 qarashadan bastap birneshe óńirde elektr qýatynyń tarıf ósedi. Naqty aıtsaq:
«B.Nurjanov atyndaǵy Ekibastuz GRES-1» JShS-niń tarıfi 1 kVt/saǵatqa 8,05 teńgeden 8,27 teńgege deıin;
• «Eýrazııa energetıkalyq korporatsııasy» AQ-da – 7,40 teńgeden 7,98 teńgege deıin;
• «Astana-Energııa» AQ-da – 8,49 teńgeden 9,28 teńgege deıin;
• «Qazaqstan alıýmınıi» AQ-da – 6,05 teńgeden 7,87 teńgege deıin;
• «Stepnogorsk JEO» JShS-de – 22,58 teńgeden 28,97 teńgege deıin;
• «Jańajol GTES» JShS-de – 11,44 teńgeden 11,85 teńgege deıin;
• «Z-Energoortalyq» AQ-da – 13,79 teńgeden 15,09 teńgege deıin;
• «TNK «Kazhrom» AQ-da – 7,59 teńgeden 10,67 teńgege deıin.
11 qarashadan bastap shoǵyrlandyrylǵan tólem tapsyrmasy kúshine enedi. Bul tetik salyq tóleýshilerdiń jumysyn jeńildetýge arnalǵan. Qarapaıymdap aıtqanda birneshe salyqtyń túrin bir ǵana qujatqa engizý arqyly biriktirip tóleýge múmkindik berilmekshi.
14 qarashadan bastap munaıdan suıytylǵan gazdy Qazaqstan aýmaǵynan avtokólik arqyly jáne temirjolmen syrtqa shyǵarýǵa tyıym salý týraly Energetıka mınıstrliginiń buıryǵy kúshine enedi. Bul eldiń ishki qajettilikterin óteý úshin qabyldanǵan sheshim. Shekteý 6 aıǵa mejelengen.
Biraq bul tyıymnyń tranzıttik tasymalǵa qatysy joq. ıAǵnı, eksporttyń bastapqy núktesi Qazaqstan bolmaýy kerek.
30 qarashada jazǵy dóńgelekpen júrý maýsymy resmı aıaqtalady. ıAǵnı, 1 jeltoqsannan bastap qysqy dóńgeleksiz júrgen kólik ıelerine 5 aılyq eseptik kórsetkish (18 460 teńge) aıyppul salynady. Qysqa dóńgelekpen júrý maýsymy 1 naýryzǵa deıin jalǵasady.
11 qarashada áýejaı men vokzaldarda qazaqstandyqtardyń elektrondy qujattaryn zańdy qujat dep qabyldaý týraly Kólik mınıstrliginiń buıryǵy qoǵamdyq talqylaýdan alynady. Bul shara elektrondy qujattardyń qoldanys aıasyn keńeıte túsýge arnalǵan.
