Qazaqstanda 1 665 adam otandyq «QazVac» vaktsınasyn saldyrdy
«1 665 adam «QazVac» vaktsınasyn saldyrdy», - delingen QR Densaýlyq saqtaý mınıstrligi taratqan aqparatta.
Esterińizge sala ketsek, 22 cáýir kúni Bıologııalyq qaýipsizdik mámeleleri jónindegi ǵylymı-zertteý ınstıtýty ǵalymdary ázirlegen COVID-19-ǵa qarsy qazaqstandyq «QazVac» (QazCovid-in) vaktsınasynyń alǵashqy partııasy jóneltilgen bolatyn.
Vaktsınanyń alǵashqy 50 myń dozasy «SQ-Farmatsııanyń» habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoımalaryna jetkizilgen edi.
Odan ary vaktsınanyń 6 myń dozasyn Nur-Sultan men Almaty qalalary, 4 myń dozasyn Shymkent qalasy jáne Qaraǵandy, Shyǵys Qazaqstan, Almaty oblystary aldy. Qalǵan óńirlerge 2 myń dozadan jetkizildi.
Al keshe Densaýlyq saqtaý mınıstri Alekseı Tsoı alǵashqylardyń biri bolyp KVI-ge otandyq «QazVac» vaktsınasyn tikeleı efırde saldyrdy.
Aıta keteıik, «QazVac» jasalýy jaǵynan belsendi emes óltirilgen vaktsına qoldanylady. Ol saqtaý jáne tasymaldaýdyń arnaıy temperatýrasyn qajet etpeıdi. Mundaǵy rejım ekiden segiz gradýsqa deıin ǵana. ıAǵnı, vaktsınany saqtaý úshin qarapaıym turmystyq tońazytqyshty qoldanýǵa bolady.
