Qazaqstan joldaryndaǵy ahýal qandaı
ALMATY. KAZINFORM – «QazAvtoJol» ulttyq kompanııasynyń málimetinshe, keı óńirde kólik jyldamdyǵyna shekteý engizilse, birneshe aımaqta buryn jabylǵan joldar qaıta ashyldy.
Aqmola oblysynda kólik qozǵalysy jyldamdyǵyna shekteý engizildi.
2025 jylǵy 6 qarasha saǵat 00:30-dan bastap Aqmola oblysynda aýa raıynyń nasharlaýyna baılanysty respýblıkalyq mańyzy bar «KAZ02 Astana – Kókshetaý (aınalma jol) – Petropavl – RF shekarasy (Jańa Jol ótkizý pýnkti)» avtojolynyń 19-231-shaqyrym aralyǵynda kóliktiń barlyq túri úshin jyldamdyq shekteýi 110 shaqyrym/saǵ-tan 80 shaqyrym/saǵ-qa deıin tómendetiledi.
Kompanııanyń málimetinshe, jyldamdyq rejımin 2025 jylǵy 6 qarasha kúni saǵat 15:00-de qaıta qalpyna keltirý josparlanyp otyr.
– Bul aýa raıynyń turaqtanýyna jáne qozǵalys qaýipsizdiginiń qamtamasyz etilýine baılanysty júzege asady, - delingen habarlamada.
Ashylǵan joldar
Aýa raıynyń jaqsarýyna baılanysty buǵan deıin jabylǵan birneshe joldaǵy kólik qozǵalysy qaıta jandandy.
6 qarasha saǵat 00:00-de Almaty oblysynda «Almaty-Shelek-Qorǵas» avtojolynyń 48-118-shaqyrym aralyǵyndaǵy ýchaskesinde (Jańashar aýylynan Lavar aýylyna deıin) kóliktin barlyq túrleri úshin qozǵalys ashyldy.
Saǵat 01:00-de Jambyl oblysynda «Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 159-238-shaqyrym aralyǵyndaǵy ýchaskesinde (Qordaı asýynyń jańa aınalma joly) kóliktiń barlyq túrleri úshin qozǵalys ashyldy.
Saǵat 08:00-de Jetisý oblysynda «Saryózek – Kóktal» avtojolynyń 40-68-shaqyrymyndaǵy (Altynemel asýy) júk kólikterine qoıylǵan shekteý alyndy.
Aýa raıy
6 qarashada Aqmola, Soltústik Qazaqstan, Shyǵys Qazaqstan, Qostanaı, Jetisý, Qaraǵandy, Abaı jáne Pavlodar oblystarynda qar aralas jańbyr men qar jaýady.
Kompanııa júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýdi ótindi.
1403 baılanys ortalyǵyna habarlasyp, táýlik boıy qosymsha aqparat alýǵa bolady.