Qazaqstan jáne Vetnam arasyndaǵy saýda aınalymy artty

ASTANA. QazAqparat - 2016 jyldyń qazan aıynyn 2017 jyldyń shildesine deıingi aralyqta Qazaqstan Respýblıkasy men Sotsıalıstik Vetnam Respýblıkasy arasyndaǵy saýda aınalymy eki esege artty, dep habarlaıdy «QazAqparat» HAA Eýrazııalyq ekonomıkalyq komıssııanyń baspasóz qyzmetine silteme jasap.

Usynylǵan aqparattarǵa sáıkes, erkin saýda-sattyq jónindegi ekijaqty kelisimder óz kúshine engen sátten bastap - 2016 jyldyń qazan aıynan 2017 jyldyń shildesine deıingi aralyqta  Eýrazııalyq ekonomıkalyq odaq (EAEO) elderi men Vetnam arasyndaǵy saýda aınalymy 2015-2016 jyldyń osy kezeńimen salystyrǵanda 11,8%-ǵa artty.

Belarýs Respýblıkasy men Vetnam Respýblıkasy arasyndaǵy saýda aınalymy 23,3%, Reseı Federatsııasymen - 5,5%-ǵa ósti.

Ásirese, odaq elderinen Vetnamǵa azyq-túlik ónimderi men aýyl sharýashylyǵy shıkizattary, sonymen qatar, metall jáne metall buıymdary kóptep jetkiziletindigi aıtyldy.