Qazaqstan jáne Taıland ózara vızasyz rejım týraly kelisimdi jedeldetýde

ASTANA. QazAqparat - 21 maýsymda QR Syrtqy ister mınıstriniń birinshi orynbasary Muhtar Tileýberdi Qazaqstan men Taıland úkimetteri arasyndaǵy Ekijaqty yntymaqtastyq jónindegi birlesken komıssııanyń úshinshi otyrysyn ótkizý úshin Astanaǵa kelgen Taıland Koroldigi Syrtqy ister mınıstriniń orynbasary Vırasakdı Fýtrakýlmen kelissózder ótkizdi.

Mınıstrliktiń baspasóz qyzmetiniń habarlaýynsha, kezdesý barysynda taraptar ekijaqty qarym-qatynastardyń saıası, ekonomıkalyq, ǵylymı-tehnıkalyq, mádenı salalardaǵy jaı-kúıi men keleshegi týraly pikir almasty.

Qazaqstandyq tarap Qazaqstan men Taılandtyń azamattary úshin vızasyz rejım ornatýdy usyndy. Eki eldiń syrtqy saıası vedomstvolarynyń orynbasarlary tıisti úkimetaralyq kelisimniń jobasyn qarastyrý protsesin jyldamdatýdyń qajettigi jóninde ortaq pikirge keldi.   

Kezdesýdiń qorytyndysy boıynsha taraptar Qazaqstan Respýblıkasynyń Úkimeti men Taıland Koroldiginiń Úkimeti arasyndaǵy dıplomatııalyq jáne qyzmettik/resmı pasporttardyń ıelerin vızalyq talaptardan bosatý týraly kelisimge qol qoıý boldy.