Qazaqstan ıadrolyq qarýdy joıý jónindegi maqsatqa qol jetkizýge bar kúshin jumsaıdy - SІM
Syrtqy ister mınıstrliginiń málimetinshe, is-sharaǵa álemniń 133 memleketiniń jáne beıindik úkimettik emes uıymdardyń ókilderi atsalysty. ıAQTSh-nyń aldyńǵy 9-shy Sholý konferentsııasy 2015 jyly ótkizildi.
Konferentsııanyń ashylý saltanatynda sóılegen sózinde delegatsııa basshysy ıAQTSh-ny halyqaralyq qaýipsizdiktiń zamanaýı arhıtektýrasynyń irgetasy dep ataı otyryp, elimizdiń sharttyń negizgi úsh tiregi bolyp sanalatyn ıadrolyq qarýsyzdaný, taratpaý jáne atom energııasyn beıbit maqsatta paıdalaný úderisterine qosqan naqty úlesin atap ótti. A.Rahmetýllın memleketterdiń ıAQTSh-nyń barlyq osy negizgi qaǵıdattaryn múltiksiz saqtaýyna shaqyrdy.
Qazaqstandyq delegatsııa BUU Bas Assambleıasynyń aldaǵy 77-shi sessııasynda óziniń Birinshi komıtetke (qarýsyzdaný jáne halyqaralyq qaýipsizdik máseleleri boıynsha) tóraǵalyq etýi barysynda Qazaqstan ıadrolyq qarýdy taratpaý rejımin nyǵaıtý jónindegi jumysty jalǵastyratynyn málimdedi. Budan basqa, elimiz ıAdrolyq qarýǵa tyıym salý týraly shartynyń (ıAQTSSh) qatysýshy memleketteriniń Úshinshi konferentsııasynyń tóraǵasy retinde ıadrolyq qarýdy tolyq joıý jónindegi ámbebap maqsatqa qol jetkizý úshin barlyq kúsh-jigerin jumsaıdy.
Plenarlyq sessııa barysynda A.Rahmetýllın Ortalyq Azııadaǵy ıadrolyq qarýdan azat aımaq (OAıAQAA) memleketteriniń atynan sóz sóılep, ıadrolyq qarýdy taratpaýdaǵy ıadrolyq qarýsyz aımaqtardyń negizgi rólin atap ótip, konferentsııaǵa qatysýshylardy túpkilikti maqsat – jalpyǵa ortaq ıadrolyq qarýsyzdanýǵa qol jetkizý maqsatynda álemniń basqa óńirlerinde ıadrolyq qarýsyz aımaqtar qurý boıynsha kúsh-jigerdi qoldaýǵa shaqyrdy.
Konferentsııa barysynda qazaqstandyq delegatsııa basshysy AQSh Memlekettik hatshysynyń orynbasary Bonnı Djenkınspen, Aýstralııanyń saýda mınıstriniń orynbasary, senator Tım Aırıspen, Moldova Syrtqy ister mınıstrliginiń Memlekettik hatshysy Rýslan Bolbochanmen, OAıAQAA qatysýshy memleketter delegatsııalarynyń basshylarymen jeke kezdesýler ótkizip, ıadrolyq qarýsyzdaný jáne taratpaý, atom energııasyn beıbit maqsatta paıdalaný boıynsha yntymaqtastyqty keńeıtý salasyndaǵy ózekti máselelerdi talqylady.
Sonymen qatar qazaqstandyq delegatsııa basshysy ıadrolyq qarýsyzdaný jónindegi Stokgolm bastamasynyń joǵary deńgeıdegi kezdesýine qatysty. Іs-shara barysynda bastamaǵa qatysýshy memleketter ıadrolyq derjavalar jáne ıadrolyq qarýy joq memleketter arasyndaǵy dıalogty jolǵa qoıý, doktrınalar men qaýipsizdik saıasatyndaǵy ıadrolyq qarýdyń rólin tómendetý, sondaı-aq tolyq ıadrolyq qarýsyzdaný boıynsha pikir almasty.
ıAdrolyq qarýdy taratpaý týraly shart (ıAQTSh) BUU Bas Assambleıasymen 1968 jylǵy 12 maýsymda qabyldanyp, 1970 jylǵy 5 naýryzda kúshine endi. Búgingi tańda álemniń 191 memleketi onyń qatysýshylary bolyp tabylady. ıAQTSh erejeleriniń oryndalýyn sholý konferentsııalary 5 jyl saıyn ótkizilip turady.
