Qazaqstan ıadrolyq medıtsınany damytý boıynsha aýqymdy baǵdarlamany bekitti
ASTANA. KAZINFORM – 10 aqpanda Astanada ıAdrolyq fızıkany damytý jónindegi keńestiń birinshi otyrysy ótip, onda salany damytýdyń 2030 jylǵa deıingi baǵdarlamasyn iske asyrý bastaldy, dep habarlaıdy Energetıka mınıstrligi.
Negizgi baǵyttar — radıofarmatsevtıkalyq preparattardy óndirýdiń zamanaýı júıesin qurý jáne ıadrolyq tehnologııalardy medıtsınada qoldanýdy keńeıtý.
Otyrysqa qatysýshylar — mınıstrlikterdiń, parlamenttiń jáne ǵylymı qaýymdastyqtyń ókilderi — Qazaqstandaǵy ıadrolyq medıtsınany damytýdyń perspektıvalaryn talqylady. Áńgime ınfraqurylymdy jańǵyrtý, dıagnostıka men emdeýdiń ınnovatsııalyq ádisterin, eń aldymen onkologııalyq aýrýlardy emdeýdi engizý, kadrlardy daıarlaý jáne normatıvtik bazany jetildirý týraly boldy.
— Búginde biz kúrdeli mindettermen betpe-bet kelip otyrmyz: radıofarmpreparattar óndirisiniń turaqty júıesin qurý jáne ıadrolyq medıtsına ınfraqurylymyn damytý qajet. Bul mindetterdi sheshý úshin memleket, ǵylym jáne bıznestiń úılestirilgen kúsh-jigeri qajet, sonda qazaqstandyqtar dıagnostıka men emdeýdiń eń zamanaýı ádisterine qol jetkize alady, — dep atap ótti energetıka mınıstri Almasadam Sátqalıev.
Densaýlyq saqtaý vıtse-mınıstri Ardaq Amangeldıev ıadrolyq medıtsınany damytý búkil densaýlyq saqtaý júıesi úshin strategııalyq mańyzǵa ıe ekenin aıtty.
— Energetıka mınıstrligimen birlesip, 2030 jylǵa deıingi Jol kartasy ázirlendi. Ol ozyq tehnologııalardy engizýge, otandyq radıofarmpreparattar óndirisin arttyrýǵa jáne dál dıagnostıka ádisterin azamattar úshin qoljetimdi etýge múmkindik beredi, — dedi ol.
Senat depýtaty Aınur Arǵynbekova ıadrolyq medıtsınany damytýdyń salaaralyq sıpaty týraly aıta kelip, tabysqa jetýdiń mańyzdy faktorlary — radıofarmpreparattar óndirisin arttyrý men zańnamany jetildirý ǵana emes, sonymen qatar bilikti kadrlardy daıarlaý ekenin atap ótti.
ıAdrolyq fızıka ınstıtýtynyń bas dırektory Saıabek Sahıev ınstıtýttyń bul protseske belsendi qatysyp, radıofarmatsevtıka salasynda jańa tehnologııalardy ázirlep, engizip jatqanyn aıtty. Onyń aıtýynsha, óndiristik qýattardy keńeıtý jáne zertteý bazasyn jetildirý Qazaqstandaǵy ıadrolyq medıtsınany damytýdyń negizgi faktorlaryna aınalady.
Otyrys qorytyndysy boıynsha ıadrolyq medıtsına men ıadrolyq tehnologııalardy damytý jónindegi is-sharalardyń egjeı-tegjeıli jospary (Jol kartasy) bekitildi. Josparda ǵylymı zertteýlerdi qoldaý, kadrlar daıarlaý, salany tehnologııalyq damytý jáne ınvestıtsııa tartý boıynsha sharalar qarastyrylǵan.
Aıta keteıik, ıAdrolyq fızıkany (radıohımııany) damytý jónindegi keńes QR Premer-Mınıstriniń 2024 jylǵy 27 qyrkúıektegi № 142-r ókimimen quryldy jáne ıadrolyq ǵylym men tehnologııalar salasyndaǵy strategııalyq sheshimderdi ázirleý alańy bolyp tabylady. Onyń qyzmeti tehnologııalyq progresti qamtamasyz etýge jáne Qazaqstannyń álemdik arenadaǵy pozıtsııasyn nyǵaıtýǵa baǵyttalǵan.
Osyǵan deıin ıAdrolyq medıtsına ortalyǵynda 2 myńnan astam adamǵa dıagnostıka jasalǵanyn jazǵan edik.