Qazaqstan úshin mańyzdy ári jaýapty sát keldi - Prezıdent
«Dana halqymyzda «Qataryńnyń aldy bol» degen bataly sóz bar. Bul ıgi tilek jastarǵa erekshe rýh berip, jigerlendirý úshin aıtylady. Sizder irikteý kezeńinen súrinbeı ótip, shyn máninde óz qatarlaryńyzdan oza bildińizder. Biraq muny, eń aldymen, memlekettiń ózderińizge degen zor senimi dep qabyldaý qajet», - dedi Memleket basshysy.
Qazaqstan Prezıdenti kadrlyq rezervke ótý degenimiz joǵary laýazymdy qyzmetke ornalasý ǵana emestigin, bul – ult úshin, el úshin, halyq úshin aıanbaı ter tógý degen sóz ekenin basa aıtty.
«Ár zamanda kez kelgen halyqtyń bilimdi jáne bilikti azamattarynyń ortaq múddege toptasatyn kezeńi bolady. Osylaısha ultty bıikke jeteleıtin, jańasha damýǵa bastaıtyn shoǵyr qalyptasady. Jańa Qazaqstan úshin de osyndaı mańyzdy ári jaýapty sát keldi dep sanaımyn. Sondyqtan sizderge úlken jaýapkershilik júkteledi», - dedi Qasym-Jomart Toqaev.
