Qazaqstan ýran óndirý jaǵynan dúnıejúzi boıynsha birinshi orynǵa kóterildi
jyldyq jospardy tolyq oryndady. Jyl sońyna deıin ol taǵy da keminde 400 tonnaǵa deıin ulǵaımaq, dep habarlaıdy QazAqparat kompanııanyń baspasóz qyzmetine silteme jasap.
Ux Consalting agenttiginiń boljamdy derekterine qaraǵanda bıyl Kanadada 9934 tonna, Avstralııada 8022 tonna tabıǵı ýran óndirilmek. Al Qazaqstanda qazirgi kezde 21 kenish jumys istep tur. Onda tabıǵı ýran óndirý ekologııalyq turǵydan qaýipsiz jáne ekonomıkalyq turǵydan tıimdi uńǵymaly jer asty shaımalaý ádisimen júrgizilip keledi. Ónim óndirý kólemi bıyl ótken jylmen salystyrǵanda 63 paıyzǵa artty. Buǵan jańa kenishterdi iske qosý jáne burynnan jumys istep turǵan kásiporyndardyń óndiristik qýattaryn ulǵaıtýdyń arqasynda qol jetkizilip otyr.
«Atom energetıkasynyń qaryshtap damýyna jáne qosalqy kózder esebinen júrgiziletin jetkizip berýlerdiń qysqarýyna oraı 2016 jyldan bastap álemde tabıǵı ýran tapshylyǵy baıqalatyny boljanýda. Qazaqstan 2010 jyly ýran óndirý kólemin 18 myń tonnaǵa deıin jetkizýdi josparlaýda. «Qazatomónerkásip» kompanııasy 2010 jyly jańadan joǵary tehnologııalyq jobalaryn júzege asyra bastaıdy. Atap aıtqanda, sırek metaldar negizinde ǵylymdy kóp qajet etetin jáne joǵary tehnologııalyq óndiristi jasaýdy, balama qýat túrleriniń qondyrǵylaryn daıyndaýdy qolǵa alatyn bolady. Sondaı-aq ýran óndiriletin óńirlerdi jáne olarǵa jaqyn mańdardy áleýmettik damytý baǵdarlamalaryn jalǵastyrady. Osy maqsattarǵa 2010 jyly kompanııa 3 mıllıard teńgeden astam qarjy jumsaýdy josparlaýda», deıdi «Qazatomónerkásip» UAK» AQ-nyń vıtse-prezıdenti Nurlan Ryspanov.
