Qazaqstan ýkraınalyq mıllıonerdi áli izdep jatyr

ASTANA. KAZINFORM – Qazaqstan ýkraınalyq mıllıoner Vadım Mashýrovty áli de izdeýde. Bul jaıynda agenttiktiń resmı saýalyna Qarjylyq monıtorıng agenttiginiń jaýabynda aıtylǵan.

 — Almaty qalalyq ekonomıkalyq qylmystardy tergeý departamentinde Mashýrov Vadım Vadımovıchke qatysty QR Qylmystyq kodesiniń 217-baby 3-tarmaǵy 2-tarmaqshasy (Qarjylyq (ınvestıtsııalyq), ıaǵnı qarjy pıramıdany qurý, tartylǵan qarajatty qabyldanǵan mindettemelerdi qamtamasyz etetin kásipkerlik qyzmetke paıdalanbaı, jeke jáne (nemese) zańdy tulǵalardyń aqshasyn nemese ózgeniń múlkin ne oǵan quqyǵyn qaıta bólý jáne bir qatysýshylardy basqalardyń jarnalary esebinen baıý arqyly osy aktıvterdi tartýdan tabys alý (múliktik paıda tabý) jónindegi qyzmetti uıymdastyrý) boıynsha is bar, — dep málim etti vedomstvodan.

Aıta keteıik, mundaı qylmys jasaǵany dáleldense, múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan 7 jylǵa deıingi merzimge, 5 jyldan 12 jylǵa deıingi merzimge bas bostandyǵynan aıyrýǵa jazalanady.

Elimizdiń quqyqtyq staıtstıka jáne arnaýly esepke alý organynyń portalynda Vadım Mashýrov 1997 jyly dúnıege kelgeni, 343 kúnnen berý izdeýde ekendigi aıtylady. Іs 2023 jyldyń 28 jeltoqsanynda Almatyda tirkelgen.

Eske salsaq, jyl basynan beri Qarjy monıtorıngi agenttigi 20 mlrd teńgege jýyq shyǵynmen qarjy pıramıdalaryn qurý jáne basqarý faktileri boıynsha 57 qylmystyq isti tergedi, alaıaqtyq shemalarǵa 21,5 myńǵa jýyq salymshy tartyldy.