Qazaqstan Túrkııanyń zardap shekken aýdandaryna dárigerler jiberýge daıyn - Ajar Ǵınııat
Túrkııadaǵy joıqyn jer silkinisiniń aýqymy men kóptegen adam shyǵyny búkil álemdi dúr silkindirip, árqaısymyzdyń ózegimizdi órtedi.
Medıtsına qyzmetkerleri tabıǵı apat saldarynan qaza tapqan azamattar úshin baýyrlas túrik halqynyń qaıǵysyna shyn júrekten ortaq.
Qulaǵan ǵımarattardyń astynda qalǵan adamdardyń tezirek qutqarylýyn, jaralanǵandardyń saýyǵýyn jáne qıraǵan qalalardyń qalpyna keltirilýin tileımiz.
Qazaqstan Respýblıkasy Densaýlyq saqtaý mınıstrligi Túrkııa Respýblıkasynyń Densaýlyq saqtaý mınıstrligimen tikeleı baılanysta jáne birinshi kezekte biz apattan zardap shekkenderge medıtsınalyq jáne dárilik kómek kórsetýge daıyn ekenimizdi bildirdik.
Qazirgi ýaqytta Túrkııaǵa Qazaqstan Respýblıkasy Tótenshe jaǵdaılar mınıstrliginiń Apattar medıtsınasy ortalyǵynyń medıtsına qyzmetkerleri bar qutqarýshylar jasaǵy ushyp ketti.
«Medıtsınalyq kómekti kúsheıtý qajet bolǵan jaǵdaıda Qazaqstan tarapynan Túrkııanyń zardap shekken aýdandaryna jiberý úshin dárigerler brıgadasyn quryp, daıyn otyrmyz»,-dedi mınıstr.
Aıta keteıik, Osyǵan deıin qazaqstandyq qutqarýshylar mingen ushaq Túrkııanyń Gazıantep qalasyna qonǵanyn habarladyq.
