Qazaqstan Túrkııaǵa et jetkizedi
ASTANA. KAZINFORM – Qazir Túrkııanyń veterınarlyq qyzmetimen et eksporty boıynsha jumystar pysyqtalyp jatyr. Bul týraly QR Aýyl sharýashylyǵy vıtse-mınıstri Ermek Kenjehanuly aıtty.
- Túrkııaǵa negizgi eksporttyq ónimder arasynda dándi jáne burshaq daqyldary bar. Al Túrkııadan keletin ımportta kókónister, jemister, jańǵaq jáne basqa da daqyldar qamtylǵan, dedi Aýyl sharýashylyǵy vıtse-mınıstri Ermek Kenjehanuly Senat otyrysynan keıin tilshiler suraǵyna jaýap bere otyryp.
Onyń aıtýynsha, qazir Túrkııaǵa et jáne et ónimderin eksporttaýdy uıymdastyrý jumystary atqarylyp jatyr.
- Sonyń aıasynda Túrkııanyń veterınarlyq qyzmetimen tıisti jumystar pysyqtalyp otyr. Túrkııaǵa et jáne et ónimderin eksporttaýǵa baratyn kásiporyndardyń tizimi jasalady, - dedi vıtse-mınıstr.
Búgin Senattyń jalpy otyrysynda «Qazaqstan Úkimeti men Túrkııa Úkimeti arasyndaǵy ósimdikter karantıni jáne olardy qorǵaý salasyndaǵy yntymaqtastyq týraly kelisimdi ratıfıkatsııalaý týraly» Zańy maquldandy.