Qazaqstan turaqty ásker sany boıynsha álemde 70-orynda tur

NUR-SULTAN. QazAqparat – Qazaqstan turaqty ásker sany boıynsha álem elderiniń reıtınginde 70-orynda tur. Energyprom.kz jazýynsha, eldegi ár 10 myń adamǵa 40-qa jýyq áskerı adam keledi.

Álem elderiniń Qarýly kúshter quramyndaǵy turaqty ásker sany boıynsha 2021 jylǵy reıtıngi belgili boldy.

Qazaqstan 166 eldiń ishinde 70 orynda tur. Reıtıngtegi málimet boıynsha, Qazaqstan Qarýly kúshteriniń turaqty ásker sany – 39 myń.

Qarýly Kúshterge jatpaıtyn áskerılendirilgen qurylymdarda 31,5 myń adam jumys isteıdi.

Osylaısha, Qazaqstanda 70,5 myń áskerı adam jumys isteıdi degen sóz. ıAǵnı, eldiń 10 myń turǵynyna 38 adamnan keledi.

TMD elderiniń arasynda Qazaqstannyń aldynda Reseı (5 oryn), Ýkraına (21 oryn), Ázirbaıjan (41 oryn), Ózbekstan (63 oryn), Belarýs (64 oryn), Armenııa (66 oryn) joǵary tur.

Al Túrkimenstan, Qyrǵyzstan, Tájikstan jáne Moldova memleketteri Qazaqstannan tómen tur.

2021 jyldyń úshinshi toqsanyndaǵy derek boıynsha, memlekettik basqarý, qorǵanys jáne mindetti áleýmettik qamsyzdandyrý salasynda jumys isteıtinder sany 483,2 myń adam bolǵan. Bul byltyrǵydan 1,9% az.

Memlekettik basqarý men qorǵanysta eńbek etetinder ásirese Almaty oblysynda (72,9 myń adam), Shyǵys Qazaqstan oblysy men el astanasynda kóp shoǵyrlanǵan.

Al Mańǵystaý oblysy bul kórsetkish boıynsha eń sońǵy satyda tur.